MARKU 8:33 - Lacid Common Language Bible

³³ Nghoid loug we' Yesu gi cangzoo: yi ri lheung: yu" lho: Petru ri satan we"- nga" jang" mo gang loo" we' nang gi Mangso shoid khyo" amyid soin" yu"- byu shoid khyo" za: myid soin: ga: wigi Petru ri yooboo foin: dang: tid.

MARKU 8:33 교차 참조

2 SAMUELA 19:22

Nghoid loug we' David gi Abishai yo' nya: mang: Yoab ri «Re" tang: ri phajhi" byid: wa shid re" hang" lhoung: lha". Re" tang: ngoo ri yau: khi" byid: wa ein: koid go" rhe"- akhid" ngoo gi Israela byumyu" yi da" khokham dayug nghoid ziyo' akhid" nyid" Israela byumyu" yi dayug we' shid: shoug" wa zi anghoid» ga: tid.

YOBA 2:10

Yoba gi «Nang ci: dang: kang: abo da" dang: ri tid nyid da:. Mangso wigi ngoonu" ri ge zi daja: ja: byid: uri ngoonu" lhoem: khab yu da:. Nyang: wigi yau: khi" bui" nhang: kaid ri ngoonu" khasu" yo" myeing" myoo: wa la"» ga:. Yoba gi nyang: yau: khi" shoug" kham zoo: nghoid loug we' Mangsoo ri thougtheung khyoo: daja: we' atid nghoid da:.

COUNG" NGHEI 141:5

Byugi: yigi ngoo ri shen" yhen lho: nheig khyeug ziyo' ngoo ri jhau' mho' nyid goo" baja" Nghoid loug we' Nyangnu" da" akhyeing" moo" zoo" ri ngoo thougtheung lho: khanham we' akyu" damho, nyid yoomo akhyeing" bang: da" coung" nghei ngi: shab da" khyoo: ri ngoo khanham we' lhoem: kham: yu wa zi anghoid.

XOIN" NGEI" 19:17

«Hang" ri we' anau ashoo" thougtheung khyoo: akoid goo". Nghoid loug we' hau: yug yoomo nang yooboo ashoid wa shid re" nyang: yo' shai" go" da" khyoo: joem ri nyheing koid pyam wa.

MATHE 15:23

Nghoidloug we' Yesu gi dakhoin" we' aphougtu". Nya: cangzoo: yi tain" yhe: lho: «Nyang: ri loo" nhang: kaid we' ngoonu" da" thang: moo cang nyho: nyid da:» ga: tid boem.

MATHE 16:23

Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

MARKU 3:34

Houg: su" nyang: gi nya: ayam aqei: moo zheung" zhoung: jo, da" mung" byu yi ri goem: sho' lheung: yu" lho: Yu" ge" hid: bang: gi nga" myhi, yo' nga" nhung"- nghoid bye-

MARKU 3:5

Nyangnu" da" nheigloem: thain: lho: shoid vhang: nyid yoomo nyang nheug yu" koug wigi nheug yo: ziyo' ayam aqei: cang yu" zhoug to". Hau thang: hau: yug ri re" lo, yhoin" kaid we' ga: tid. Nyang: lo, yhoin" kaid yo' - nya: lo, ge loo" khari" bye.

LUKA 22:61

Aseing: gi Peteru ri lheing: yu" kaid. Houg: lang" Peteru gi naakhoomyen gyo, atoin: shi" ri nang gi ngoori asi ga: soem" lheing: ngeig pyam wa ga: tid to" da" Yesu dang: ri myid: boin: lo

LUKA 4:8

Aseing Yesu gi nang loem: re" Mangsoo ri za: no" ca" ga: Jhoem: dang: moo bo ga: doem tid.

LUKA 9:55

Yesu gi lheung: lo lho-nyang: tang: ri gyikoid da.

PHILIPI 3:19

Houg: bang: gi ngarai mung" moo nyangnu" da" khyoo: lo" thang wa zi nghoid-khasu" wim gari houg: bang: da" Mangsoo gi nyangnu" da" voem: doug: ein: da" gung sho" vhoo: boo myo, no, da" khyoo: nghoid nyid nyangnu" gi asho' ashid: da" khyoo: ri myonhoo: sho: phau: khuang nyid boem ziyo' he: mougmyid mo da" zi yoo joem riza:- nheig tei" nyid boem ago".

1 TIMOTHI 5:20

Byu gooji yu" gyoug goo" baja"- yooboo koid bang: dangain" ri shava byu yi dangain" mo, shid khoin" moo yau, jhoug" byid: ge'.

1PETERU 4:1

Khristu gi nya: da" gung du: moo kyi" khyeug shen" yhen zi kham' bye: nghoid rigi nanu" we' Aseing: yhang: ti" kham' ca" boem wa nghoid- khasu" wim ga: ri gung du: moo kyi" khyeug kham' yu" bye: su: hang" we' yooboo yo' ci: asen: loo.

1YOHAN 2:15

Moug: myid ri we' mougmyid moo jo, da" zi joem ri we' ajheddab nyid goo"- nanu" mougmyid ri jheddab nyid boem nghoid rigi nanu" da" nya: phoo ri ajheddab mo, nghoid.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.