MARKU 8:24 - Lacid Common Language Bible

²⁴ Houg: lang" myo, jed su: gi tu" lho: «byu joem ri ngoo myang- nghoid loug we nyangnu" gi seig gam joem yhang: ti" so" yen" ago"» ga: tid kyo".

MARKU 8:24 교차 참조

ESAIA 29:18

Hau: bidnyid ju" loo lang" nu: jed bang: gi mougsoug" pug ri thui: gyi: yo' nghab ziri shoug" gyoo: wa. Moug: coid khoug: mo nyid nyid da" myo, jed gi nyangnu" myo, bang" lo wigi myang loo goo" wa.

ESAIA 32:3

Nyangnu" myojid" yo' nukhyab joem gi myung shoo" bang: shid re" phang too" byid: loo wa.

MARKU 8:23

Yesu gi myo, jed su: ri vooyam, khyoo: shu" she: thu' lo"- Nya: myojid" moo shi" kain" bain teug byid: lang" Yesu gi hau: youg tho' moo lo, ki" byid: lho: daja: ja: ri nang myang la"» ga: nyang: ri myid: da:.

MARKU 8:25

Yesu gi hau: youg myojid" tho' moo nya: lo, doem ki" byid:- he: lheung: we' nyang: gi yoem: kaid lho: yu" kaid da:- houg: lang" myo, doem myang lo wigi ja: khang" mo" ri yeung: yeung: za: myang bye.

TARHA" AGYI 9:36

Gala gi nyangnu" ri myang lang" Zebula ri «Yu" we' boem gung joem mo byu joem gyoo" lo nyid ago"» ga: tid da:. Zebula gi «Byu joem anghoid. Boem joem mo bid yoeb gyo" zang" zi danghoid» ga: tid.