MARKU 8:13 - Lacid Common Language Bible

¹³ Nyang gi nyangnu" ri nyhed: too" kho' lho: lhid khyoug: moo doem do, zhoung: wigi thoem" thei: tab khyoo: gu: dab yhe: lo".

MARKU 8:13 교차 참조

COUNG" NGHEI 81:12

Hougsu" nyangnu" da" nheigloem: thain: da" khyoo: khyo" yhe: loo" goo" baja". Ngoo gi nyangnu" ri akhang" byid: kaid bye:.

YEREMIA 23:33

Aseing gi ngoo ri «Yeremia we" nga" byumyu" yi mo dayug- anghoid lang" lapi: dayug- khainjung dayug gi nang ri ‹Aseing mungdang: gi ci: nghoid la"› ga: myid lang" nang gi nyang: ri ‹Nang gi Aseing shid re" yoovoin nghoid da:. Nyang: gi nang ri yu pyam wa› ein: tid wa zi nghoid.

HOSEA 4:17

Israela byumyu" yigi soolhoo: joem wigi fa" to" zi shoug" ago". Nyangnu" nya: khyoo: khyoo: yhe: loo" goo" baja".

HOSEA 9:12

Nyangnu" zoo: khu: gyi: lo nghoid rilang" houg: bang: ri ngoo shu" yu pyam byid: lho: adei dayug ri we' ateing too" byid: loo wa. Ngoo gi he: byumyu" yiri she pyam too" khoo' lang" nyangnu" moo gyoug dain ja: joem bui" goo" wa» ga: tid da:.

MATHE 15:14

Houg: bang: yoomo myid amyoo: goo"- nyangnu" gi myo, jed mo ri khyoo: shid: da" myo, jed mo, nghoid. Myo, jed nyang: cang" khyoo: shed go" rigi eig youg duang: khuang" moo byid: gyo" zi shau" wa nghoid» ga: doem tid kyo.

MATHE 7:6

«Gyeungshang: da" ziri lakhuid" joem ri abyid: goo. Nanu" da" vhu" shid ri vu, joem da" shid khoin" moo ashe: pyam' too" goo"- houg: su" anghoid lang" vu, joem gi nang: nhe" pyam' wa. Lakhuid" joem gi lo tau" ngaid boem wa.

MARKU 8:12

Yesu gi so' moo" she: lho: khid" nyid" mo byu yi gi ciwim wigi alhoo: again mho' go" lha". ngoo nanu" ri tid ba:- hid: bang: ri houg: yhang: te"- alhoo: again koid shug zi anghoid ga: tid.

MARKU 8:14

Cang: zoo: yi gi zooyho' tham: sho' voin wa zi to" myhed pyam abye: go". Lhid khyoug: moo zooyho' daloem: za: te: bo.

LUKA 8:37

Hau: da" uri Gerase moug: mo byu dangain" mo gi gye" gyoug dain mau" nyid boem yoomo Yesu ri nyangnu" da" moug: mo myab myab doem thu' loo" wa shid' re" toung" pain: nyid ago". Houg: lang" Yesu gi lhid' tho' moo do, lo" lho: hau: moug: mo thu' lo.

YOHAN 12:36

Houg: su" nghoid yoomo bidbang jo, shi" da" uri hau: bidbang ri loem" jeing" ge'. Houg: su" nghoid ri za: nanu" gi bidbang da" byu yi bui" wa nghoid ga: tid. Hid: su" ga: bain tid thang: ri Yesu gi nyangnu" jang" mo phang: gau" loo bye.

YOHAN 8:21

Dalheing: riYesu gi ngoo gi thu' loo" wam: bye. Nanu" gi ngoori shoo: boem wa. Nanu" gi nanu" nya: yooboo mo, shid: boem wa. Ngoo lo" da" joyoo moo nanu" ayo" cang loo wa" ga: tid.

ACTS 18:6

Nyang: nu" gi nyang: ri aphoug" akhyoid tid ngeug lo nyid lang" Polu gi nya: byimi, joem mo phei" lhoug: joem ri ko: khyo, pyam' lho: nanu" joem: lo" boem lang" gi nanu" nya: yooboo za: danghoid loo: wa Nga" vhudi tho' moo gi ce" yoovoin, we' ajo, loo:- akhid " nyid" mo thei: gu: ngoo gi tungbau byumyu" yi ri mungdang: kho" kyoo" wa shid re" yhe: loo" zi nghoid bye- ga: tid.

ACTS 27:2

Ngoonu" gi Asia mung" thoem" yam, gukhuang" khyo" gu: yhe: loo" wa soin' nyid boem- Adramuti mo gyid sang phoo tho' moo yhe: do, zhoung lho: gu: yhe: lo" boem bye. Thesaloni voogung mo Makedoni byu- Aristaku gi ngoonu" yo' dage" bo cang re.