MARKU 8:12 - Lacid Common Language Bible

¹² Yesu gi so' moo" she: lho: khid" nyid" mo byu yi gi ciwim wigi alhoo: again mho' go" lha". ngoo nanu" ri tid ba:- hid: bang: ri houg: yhang: te"- alhoo: again koid shug zi anghoid ga: tid.

MARKU 8:12 교차 참조

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

MATHE 12:38

Houg: lang" Tarha" sara: yi yo' Pharishe yi dayham" gi «Sara: we"- ngoonu" gi nang toin" shid da" alhoo: again daja: ja: ri myang nau ga: re" mho' ago".»

MATHE 16:4

He: da" pyaid mo byu yi gi gye" akhyeing" ashoeb' zi nghoid lho: Mangsoo yo" kha: yhi' ve: gang: nyid boem bye: nhung: lha". Nanu" gi ngoori alhoo: again mho' go" la". Nghoidloug we' Yona da" alhoo: again mo gootu: ce" alhoo: again we nanu" myang wa zi anghoid» ga: wigi tid. Houg: lang" Yesu gi houg: bang: jang" mo thu' loo" bye.

MARKU 3:5

Nyangnu" da" nheigloem: thain: lho: shoid vhang: nyid yoomo nyang nheug yu" koug wigi nheug yo: ziyo' ayam aqei: cang yu" zhoug to". Hau thang: hau: yug ri re" lo, yhoin" kaid we' ga: tid. Nyang: lo, yhoin" kaid yo' - nya: lo, ge loo" khari" bye.

MARKU 6:6

Nyang: gi mung" byu yi loem" jeung" myid - azheung: bo boem yoomo gye" mau" nyid. Houg: lang" Yesu gi hau: ayam aqei: mo voogung joem dangain" jang" khyoo: yhe: lho: meng: byu yi ri jhoug" byid.

MARKU 7:34

Hau thang: ri Yesu gi - moug: khung: khyoo: tu: yu" lho: so moo" she: wigi hau: yug ri Ephata ga: tid da:- Hau dang: kang gi hau: zigi bang" loo" we' ga: zi nghoid.

MARKU 8:13

Nyang gi nyangnu" ri nyhed: too" kho' lho: lhid khyoug: moo doem do, zhoung: wigi thoem" thei: tab khyoo: gu: dab yhe: lo".

MARKU 9:19

Yesu gi nyangnu" ri loem" jeung" myid, abo da" byumyu" we"- ngoonanu" yo' khamyhang ju" sho' nyid nyid wa lha". Ngoo nanu" ri kha: myhang ju: sho' zeung: kham byid: wa lha".- Hau: yuggi nu" ri nga" jhang shu" ri ge' ga: tid.

LUKA 19:41

Nyang: gi Yerusalem voo yam moo ju" lo" wigi hau: voo ri myang lang" ngau lho: tid nyid zigi.