MARKU 7:34 - Lacid Common Language Bible

³⁴ Hau thang: ri Yesu gi - moug: khung: khyoo: tu: yu" lho: so moo" she: wigi hau: yug ri Ephata ga: tid da:- Hau dang: kang gi hau: zigi bang" loo" we' ga: zi nghoid.

MARKU 7:34 교차 참조

THU' LO" MOUGSOUG" 2:23

Zain nyid myang" sho' thang: ri Egutu khokham phoo gi shid: lo" byug da:. Nghoid loug we' Israela byu yigi nyangnu" da" join bui" nyid da" akhoug: moo nookyeing" kyeing" nyid shi" yoomo pang" thoug yu wa shid re" mho' yoid nyid ago". Nyangnu" mho' yoid thui: gi Mangsoo jhang ju" do, lo" wigi

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

MARKU 1:41

Yesu gi nheug gyo: khyeug ziyo' nya: lo, yhoin" kaid wigi nyang: ri zei ci: zoore"- ngoo nau gyeungshang: loo" re,- ga: tid.

MARKU 15:34

Myenthang: soem" nayi moo Yesu gi thui: moo" kaid lho: Elo-i Elo-i Lamasabagthani ga: yoid nyho: tid- hau: zigi Nga" Mangsoo we"-Nga" Mangsoo we"- ce: noem wim wigi nang ngoori she: pyam' to" lha"» ga: tid zi nghoid.

MARKU 5:41

Nyang: gi hau: zoo shang lo, moo zei; lho: Talithakumi ga: tid- hau; zigi; zoomyi: zoo: we" ngoo nang ri tid ba- too' we' ga: tid zi da" dang: kang: nghoid.

MARKU 6:41

Hau thang: Yesu gi zooyho' wim: loem: yo' ngoo: eig du: yu lho: moug: khung: khyoo: yu" lho: Mangso da" jeju" ri coung" byid:- nyang: gi zooyho' ri khyu, phe, yu lho: mung" byu yi ri gam byid: wa shid re" nya: cangzoo: yi ri byid: kaid. Houg mo Yesu gi ngo eig du: ri we' nyang nu' ri gam byid.

MARKU 7:35

Houg: lang" nyang:- nya: nukhyab bang" lo" ziyo' vhoo: tei" zi boid: lo" byug wigi yau: khe" khyoo; aboo loo za: nyang: gi dang: bui" bui" za: tid lo shid" lo. .

MARKU 8:12

Yesu gi so' moo" she: lho: khid" nyid" mo byu yi gi ciwim wigi alhoo: again mho' go" lha". ngoo nanu" ri tid ba:- hid: bang: ri houg: yhang: te"- alhoo: again koid shug zi anghoid ga: tid.

LUKA 18:42

Yesu gi myo, myang loo: we'. Re" da" loem" jeing" nheigloem: gi nang ri ge loo" nhang: bye: ga: nyang: ri tid bye:.

LUKA 19:41

Nyang: gi Yerusalem voo yam moo ju" lo" wigi hau: voo ri myang lang" ngau lho: tid nyid zigi.

LUKA 7:14

Hau: thang: ri ayam moo yhe: lho: mang dangzuang moo lo, wigi yhe: tain" byid. Houg: lang" mang dang mo gi yab jo. Yesu gi zooyam phoo we"- to' we' nang ri ngoo nang ri tid.

YOHAN 11:33

Aseing Yesu gi Mari koug ngau nyid ziri we' nyang: yo" dage" cang loo mo, ngau nyid ziri we' nheigloem: moo gye" lo" zang" wigi nheigloem: apyoo: loo.

YOHAN 11:35

Yesu Ngau.

YOHAN 11:38

Yesu gi nheigloem: moo gye" zang" loo yoomo loeb khyoo: yhe: lo. Hau: loeb khoem" moo gi lugloem: yo" tu" myhed" to.

YOHAN 11:41

Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye.

YOHAN 11:43

Hau: thang: ri Lazaru we" thu' ri" we"- ga: thui: moo" yo" yoid kaid.

YOHAN 17:1

Hid: su" ga: bain tid kyo" thang: ri Aseing Yesu gi mougkhung: khyoo: nghang yu" to" lho: tid da" zigi O" nga" phoo we"- Ayo, ju" bye:- Nya: zoo: gi nya: pho da" myonhoo: phung" yoeb' ri thoin" pang byid: wa shid' re" re" zo: da" myonhoo: phung" yoeb' ri we' doug bang thu' loo nhang: we'.

ACTS 9:34

Houg: lang" Petru gi hau: gung joem: shid: su: ri Ainea we" - Yesu khristu gi nang ri gi byid: bye- to lho: re" yhoeb, yoo nyheung we' ga: tid. Houg: lang" Ainea gi to' loo" bye.

ACTS 9:40

Houg: lang" Petru gi Nyang: nu" dangain" mo, ri tung: gung kyoo: thu' loo" nhang: lho: poid thug thoug wigi akyu" mho' nyid. Hau: thang: ri mang jo, shoid khyoo: lheung: lho:" Tabitha we" too' we' - ga: tid. Houg: lang" Dorka gi myo, phang kaid' lho: Petru ri myang wigi nyang: gi to' zhoung: jo, bye.

HEBRE 4:15

Khasu" wim gari ngoonu" da" khainjung agyi moo" gi ngoonu" ca" nyid da" gung nham, yoem: nu: khyoo: ri nheig ase' khyeig su: anghoid- ngoonu" yhang: ti"- khyoo: khaid khang" moo" moo gung" lau" thoung" shau" yu" nghoid loug we' youg: noo yooboo akoid yu" da" khainjung moo" nghoid.