MARKU 6:41 - Lacid Common Language Bible

⁴¹ Hau thang: Yesu gi zooyho' wim: loem: yo' ngoo: eig du: yu lho: moug: khung: khyoo: yu" lho: Mangso da" jeju" ri coung" byid:- nyang: gi zooyho' ri khyu, phe, yu lho: mung" byu yi ri gam byid: wa shid re" nya: cangzoo: yi ri byid: kaid. Houg mo Yesu gi ngo eig du: ri we' nyang nu' ri gam byid.

MARKU 6:41 교차 참조

MATHE 14:19

Houg: lang" byu phung: moo" ri vu, fu" yoo moo zheung: zhoung: jo, nhang. Hau: thang: ri zooyho' wim: loem: yo"- ngoo: zoo: eig du: ri yu lho: wigi Moug: khyoo yu" lho: Mangso jeju" ri coung" byid. Hau: thang: ri zooyho' ri lang: phe, yu wigi nya: cangzoo: yi ri byid. Nya: cangzoo: yi gi byu phung: moo" yi ri gam, byid: ago".

MATHE 15:36

Zooyho' nyhed yho' yo" ngoo: ri yu lho: Jeju" ri coung" nghei lho: zooyho' yo ngoo: ri phe yu wigi Nya: cangzoo: yi we' Byu phung: yi ri zheung: doem gam byid.

MATHE 26:26

Yesu gi cangzoo: yi yo" dage" myen" xoin: zo: nyid da" uri zooyho' ri yu lho: jeju" ri bain coung" nghei lang" zooyho' ri phe, yu wigi «he: da" zooyho' gi nga" da" gung du: nghoid yu zoo: ge'» ga: tid lho: nya: cangzoo: yiri gam byid.

MARKU 14:22

Houg su" nyangnu" voem: zo: nyid boem uri Yesu gi zooyho' ri yu lho: jeju" bain coung" byid: lang" hau: ziri xeig phe, lho: yu zoo: ge"-hid: gi nga" gung nghoid ga: tid wigi-cangzoo: yi ri gam byid.

MARKU 6:40

Houg: yoomo mung" byu yi gi dafoem: moo dashoo:- dafoem: moo wu: xi: koid lho: zhoung: jen yoin" to" ago".

MARKU 6:42

Yug khang" moo" gyi" gyi: shau" zo: boem bye.

MARKU 7:34

Hau thang: ri Yesu gi - moug: khung: khyoo: tu: yu" lho: so moo" she: wigi hau: yug ri Ephata ga: tid da:- Hau dang: kang gi hau: zigi bang" loo" we' ga: zi nghoid.

MARKU 8:19

Ngoo gi byu wim: khyeung" ri zooyho' wim: loem za: xeung phi, zho" ziri nanu" aboin: loo: goo" la". zo: teung da" ajab amoin" joem nanu" khmyhoo, gyoin byeung" sho' koid: zheung" yu go" lha" ga: nyangnu" ri myid:- nyangnu" gi daxe: eig gyoin nghoid ga: tid boem.

LUKA 24:30

Zoobui" moo nya: eig yug yo" dage" zhoung: jo, lho: zooyho' ri yu lho: mainkaid byid:. Hau thang: myang gi zooyho' ri phe, lhoi nya: eig yug ri gam byid: bye.

LUKA 9:16

Yesu gi hau: zooyho' wim loem: yo' ngoo: eig du: ri yu lho: moug: khung: khyoo: nghang yu" wigi Mangsoo jeju" bain' coung" byid: lang" zooyho' yo' ngoo: ri phe, yu lho: byu phung: yi ri gam, byid: boem wa shid re-cangzoo: yi ri byid: kaid'.

YOHAN 11:41

Houg: yoomo byu yi gi lugloem: ri doin: shu" kaid ago". Hau: uri Yesu gi-Moug khyoo: nghang yu" kaid lho: Phoo we" nang gi ngoo mho' yoid thui: ri tam" gyoo: byid: yoomo jeju" gye gyi: bye.

YOHAN 17:1

Hid: su" ga: bain tid kyo" thang: ri Aseing Yesu gi mougkhung: khyoo: nghang yu" to" lho: tid da" zigi O" nga" phoo we"- Ayo, ju" bye:- Nya: zoo: gi nya: pho da" myonhoo: phung" yoeb' ri thoin" pang byid: wa shid' re" re" zo: da" myonhoo: phung" yoeb' ri we' doug bang thu' loo nhang: we'.

YOHAN 6:11

Houg: lang" Yesu gi zooyho' ri yu lho: Jeju" ri bain coung" lang" zhoung: jo, mo, ri gam byid. Ngoo zoo: ri we' houg: yo' dakhyoo" ti"- koid lho:. Byu dangain" gi gyi" gyi: shau" zo: boem bye.

YOHAN 6:23

Nghoid sho, loug we-Tiberi voo mo lo da lhid joem giAseing Yesu da Jeju" ri coung" nghei lho:-Byu phung: yi ri zooyho, gam, zho" da jo, yoo nam moo-ju" lo" abye: go".

ACTS 27:35

He: da" dang: ri bain tid lang" Polu gi zooyho' dayham" ri phe, yu lho: nyangnu" dangain" bang: da" shid khoin" moo Mangso Jeju" ri coung" nghei lho: zo da.

Roma 14:6

Bidnyid je ge ga: soin: ci: su: gi Aseing: ri coung" nghi wa shid' re" soin: ci baja" - ce: ja" zoo: noem ri se' zoo: su: we' - Aseing: ri coung" nghei" wa shid' re" zo: nyid baja nyang: we' hau: zoo: noem shid' re" Mangso: da" mainkaid jeju" ri coung" byid. Zoo: noem dajaja: ri jang" pyam' su: nghoid loug we' Mangso: da" myonhoo: phung yoeb ri coung" byid: wa shid' re" jang" pyam" da" khyoo: nghoid. Nyang: we' hougsu" jang" pyam' yoomo Mangso: da" jeju" ri coung" byid.

1Korinthians 10:31

Houg: yoomo nanu" zoo: nghoid loug we' shug nghoid loug we'- Mangso da" myonhoo: phung" yoeb, ri yo" thoin" pang byid: wa shid re" dangain" ziri: zei: so' nyid ge'.

TARHA" TID POIN" 8:10

Nanu" zoo: nau ja: dangain" yo" loo goo" wa. Houg: lho: nanu" ri nyang: wigi byid: to" da" hau: mougmyid nu" da" mungdain: yoomo nanu" Aseing Mangsoo ri nanu" jeju" boin: so" loo goo" wa.

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.