MARKU 6:34 - Lacid Common Language Bible

³⁴ Yesu lhid' khyoug: mo thu' ri" lang" nyang: gi byu phung: zeing: ri myang bye- yang zung" su: abo da" yang joem yo' du boem yoomo Yesu gi nyangnu" ri gye" nheug yu" kyeug- houg: yoomo nyang: gi nyangnu" ri myoo" sho' ja: jhoug" byid: bye.

MARKU 6:34 교차 참조

1 KHOKHAM 22:17

Mikhaia gi «Yang zung" su: abo da" yang phung: yhang: ti" Israela gyizoo: yigi bau gung cang abyoo: asain" bue" nyid ziri ngoo yo" myang bye:. Aseing tid zigi ‹He: byu yi moo: vhujhung: aboo nghoid da:. Yhoem: khyoo: yug yoo tung" loo" nhang: ge'›» ga: tid.

2 KHOKHAM MHOOMYID: 18:16

Mikhaia phug tid zigi «Yang zung" su: abo da" yang phung: yhang: ti" Israela gyizoo: yigi bau gung cang abyoo: asain" bue" nyid ziri ngoo yo" myang bye:. Aseing tid zigi ‹He: byu yi moo vhujhung: aboo nghoid da:. Yhoem: khyoo: yug yoo tung" loo" nhang: ge'›» ga: tid.

ESAIA 13:14

Babelon moo nyid boem da" tungbau byu yigi shoo" kuang su: lo, mo phang: sain" loid lo" da" shoocid: joem yo' dakhyoo"- Yang zung" su: abo da" yang joem yo' dakhyoo" nyangnu" mungdain: khyoo: tang" phang: loo" goo" wa.

YEREMIA 50:6

«Nga" byu yigi yang zung" bang: wigi boem joem cang ci: phyug pyam shau" da" yang joem yo' du da:. Yang joem gi boem da loem: mo daloem: khyoo: so" lam" yen" yhang: ti" nyangnu" so" lam" yen" da:. Nyangnu" yhoem: khamoo: nghoid ziri to" myhed pyam ago".

EZEKIEL 34:5

Yang joem gi yang zung" su: ayoo" yoomo nyangnu" gi nyid sain" lo" ago". Houg: lho: siyoo gougnyhoug lam" joem gi nyangnu" ri ngaid said zo: pyam da:.

ZEKHARIA 10:2

Byu yigi yu phara" soolhoo: joem yo' goem phain"- boid phyed sara: yiri myid: ago". Nghoid loug we' mhoug da" dang: yo' dang: kang: abo da" dang: za: danghoid wa. Dayham" gi yhoebmo, ri dang: kang: phid: ago". Nghoid loug nanu" ri anghoid jang" khyoo: za: dashu" vhang: lo" ago". Nyangnu" byid: da" nheig teing khyoo: gi ce: akyu" aboo nghoid da:. Houg: yoomo byu yigi byug lo" da" yang joem yhang: ti" vhang: lam" yen" ago". Nyangnu" gi vhu" shi: su: aboo yoomo kyi" khyeug ago".

GYUNG: SOO" 27:17

re" shava byu phung: yi yang zung" yug abo da" yang joem yo' dakhyo" abui" goo" baja" gyi khaid jang: moo amyeing" yo" byid: da" byu dayug khyen: too" byid: la'» ga akyu" mho'.

MATHE 14:14

Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.

MATHE 15:32

Hau: uri Yesu gi nya: cangzoo: yi ri khe: yu lho: «He: da" mung" byu yi gi ngoo yo" soem" nyid" nyang: nyid bye. Nyang: nu" zoonoem ayoo" loo: yoomo nyangnu" ri ngoo nheig khyeig. Khyoo: moo zooyoid so" shang" loo" zi ci' yoomo zoo: noem azhoo" loo: anau nhang: kaid.»

MATHE 9:36

Hau: da" mung" byu phung: moo" ri nyang: myang lang" nyang: houg: bang: ri nheig yu" myen:- Khasu" wim gari nyangnu" gi yang zung" su: aboo wigi byug yoin" byo, lan lo" da" yang phung: yhangti"- myid myoo: ung: loug nyid boem ziri nyang: myang.

MARKU 6:33

Nhgoid loug we' mung" byu yi myoo" sho' mo, gi nyangnu" thu' yhe: lo" boem ziri cang myang kaid ziyo' nyangnu" hang" nghoid ziri se' yu" kaid lang" voo khang" moo" mo mung" byu yi gyidyam khyo" gei yhe: lo" wigi Yesu yo' nya: cang: zoo: yi da" shid moo ju" nyid lang" boem bye.

MARKU 6:35

Ayo, myang" lang" nya:Yesu da" cang: zoo: yi gi nya: jhang lo lho: He: joyoo gi siyoo nghoid ziyo' ayo, we' gye" thang: gyo" lo" nyid bye- ga: tid.

MARKU 8:1

Hau: thang: atoung" myang" ri Byu phung: moo" zeing daphung:-doem zeung: phoung nyid ago". Nyangnu" zoo: wa zoo: noem ayo" boem lang" gi Yesu gi nya: cangzoo: yi ri nya: jhang khe: yu lho:

MARKU 8:2

He: mung" byu yi ngoo yo' dage: nyid zi soem" nyid nghoid bye:- akhid" nyangnu" zoo: noem ci" we' ayoo" loo: go" nghoid da:- houg: yoomo ngoo he: mung" byu yi ri gung youg you da:- ga: tid.

LUKA 9:11

Byu phung joem hau: khyoo: ri zheung: shau" gyo: lang" Nyang: nu" gi Yesu da" thang: zheung: cang yhe: lo" ago". Nyang: gi nyangnu" ri lheom: tau: yu lho: Mangso mungdain khyoo: tid kyo" ziyo' noo phyoo" bo mo, ri ge, loo" nhang.

HEBRE 2:17

Hougsu" nghoid yoomo nyang: gi byu yi da" yooboo ri yo" khyoid pyam byid: wa shid re" nheig se' khyeug deung byeung" da" khainjung moo" bue" lo khyo" Mangsoo moozoo" ri yo" voin, vu, baja"- khyoo: khaid zoo: khang" moo" moo Nya: mang: nya: nhung" yi thoung" shau" zo: nyid da" khyoo: ri nyangnu" yo' dage" bo shau" kham zoo: bye.

HEBRE 4:15

Khasu" wim gari ngoonu" da" khainjung agyi moo" gi ngoonu" ca" nyid da" gung nham, yoem: nu: khyoo: ri nheig ase' khyeig su: anghoid- ngoonu" yhang: ti"- khyoo: khaid khang" moo" moo gung" lau" thoung" shau" yu" nghoid loug we' youg: noo yooboo akoid yu" da" khainjung moo" nghoid.