MARKU 6:20 - Lacid Common Language Bible

²⁰ Khasu" wim ga: ri Yohan gi deungmain" ziyo' gyeungshang: byu dayug nghoid ziri Herod se' lho: nyang: ri gyoug phau" ziyo' yu" goem byid: nyid. Yohan da" mungdang: shaug" gyoo: khang" moo"- nya: nheigloem: moo gyi" sho' nheigloem: amyen nghoid loug ri we' nya: mungdang: ri ngeibu: tung" za: tam" gyoo: nau nyid.

MARKU 6:20 교차 참조

1 KHOKHAM 21:20

Ahab gi Elia ri myang lang" nyang: gi «Nga" gyivoo we" nang ngoo ri cang myheug nyid nhung: lha"» ga: tid. Elia gi «Nghoid- ngoo koid nyid. Nang gi Aseing da" shidkhoin" moo age da" moo" zoo" ri bain sho' nanya: gung nanyang: koid bye: nhung:

2 KHOKHAM 13:14

Lapi: Elisha gi shid: noo no nyid da:. Nyang: shid: lo" nyid uri Israela khokham Yehoasha gi nya: jhang lam" yhe: da:. Nyang: gi «Nga" phoo we"- nga" phoo we"- nang gi gyi: sheung: da" Israela gyi goem loem yug bue" lid loo bye:» ga: ngau zoo" ri tid da:.

2 KHOKHAM 6:21

Israela khokham phoo gi Suri byumyu" yiri myang lang" Elisha ri «Nheigboo phoo we"- houg: bang: ri ngoo said pyam zi rhe". Houg bang: ri ngoo said pyam zi rhe"» ga: myid: da:.

2 KHOKHAM MHOOMYID: 24:2

Nyang: gi khainjung Yehoiada dei nyid da" myhang Aseing ri vho: ngei nhang: da" moo" koid da:.

2 KHOKHAM MHOOMYID: 26:5

Nya: laloem lakhoug: moo phajhi" byid: su: Zekharia dei nyid myhang nyang: gi Aseing ri jhug zug tung" dei byid: wigi Mangsoo gi nyang: ri mainkaid byid: da:.

THU' LO" MOUGSOUG" 11:3

Aseing gi Israela byumyu" yiri Egutu byumyu" yi wigi phau" myang: wa shid re" koid bye:. Gyeing" nyang:- Moshe gi myeing gye" gyi: da" byu dayug nghoid ein: ziri gyizoug: yo' mung" byu yi dangain" myid jho: nyid ago".

EZEKIEL 33:32

Nyangnu" shid re" nang gi jheddab jikhoin" joem khoin" da" shapyoo: su: anghoid lang" teing baid su: tho' ci: ajain" nghoid da:. Nyangnu" gi re" dang: dangain" ziri tam" gyo: wigi hau: gu: mo dakhoin" ri we' aphoug" cang nghoid da:.

DANIELA 4:18

Khokham Nebukhadneza gi «He: zigi ngoo myang da" nga" yhoebmo, nghoid da:. Belteshaza we"- yhoebmo, hau: zi ce: dang: kang: bo zi ngoo ri akhid" tid kyoo" la- nga" khokham vang" mo phajhi" byid: mo, hang" we' ngoo ri ayo" tid kyoo" nghoid ago". Nghoid loug we' nang koem' gi yo" tid kyo" da:. Ciwim gari gyeung" shang: da" yu phara" joem Venyi: gi re" da" akhoug: moo bo da» ga: tid.

DANIELA 4:27

Houg: yoomo aseing: khokham we"- nga" phajhi" byid: dang: ri cang we' yooboo koid ziri theing: pyam we'. Jo ziri koid wigi sho" jhen: bang: ri nheig khyeug we' houg: lang" nang xo' lho: yoo" zoo: shug loo wa» ga: tid.

DANIELA 5:17

Daniela gi «Re" jhungshug joem ri nanya: shid re" zoem" ci: too" we' anghoid lang" gootu: dayug yug ri byid: pyam we'. Houg: moo lhid" to" ziri aseing khokham shid re" ngoo nghab khyoo" byid: lho: hau: da" dang: kang: ri tid kyoo" wa» ga: tid da:.

MATHE 14:5

Herod gi Yohan ri said pyam noug nghoid loug we' Yuda byumyu" yi ri gyoug yoomo avoem" said, pyam. Khasu" wim gari houg: bang: gi Yohan ri Lapi: dayug ga: zheung: loem yoomo nghoid.

MATHE 21:26

Nghoidloug we' ‹byu da" akho: akhang" khyoo" koid› ein: tid rigi Meing: byu yi myoo" sho' Yohan ri lape: dayug ga: loem" boem yoomo byu yiri ngoonu" gyoug ca"» ga: wigi nyang: cang" nyang: sham: go" nyid.

MARKU 11:18

Hau: khyoo: ri khainjung agyi moo" yo' tarha" sara yi shaug" gyoo: lang" Yesu ri said pyam wa khyoo: sho: lo boem- Khasu" wim ga: ri mung" byu yi dangain" nyang jhoug" byid: da" khyoo: ri mau" nyid boem yoomo-nyang: ri gyoug ago".

MARKU 4:16

Gootu: dayham" gi myid zhoo" athu: da" lug phaug tho' moo gyoo" lo" da" myoug: shi" joem yo' du. Hau: mungdang: ri shau" gyoo" lang" su- nyangnu" gi ngeibu: ziyo' lhoem: kham: yu ago".

YOHAN 5:35

Yohan gi myiyham: dab lho: bang nyid da" myibung: yhangti" nghoid nyid yoomo nanu" gi nya: da" bidbang khoug: moo daso' za: te: pyoo: nau boem.

ACTS 2:12

Nyangnu" dangain" bang: gi mau" hang" to" boem wigi He: zigi ce: noem ga: zi nghoid lha"» ga: nyang: cang" nyang: myed: go" nyid ago".

ACTS 5:24

khainjung agyi moo"' yi yo' noku yhoem: moo" mo goem loem gyizo yi gi he: da" ludang: ri shaug" gyoo: lang" he" lagyoo: yi gi ce: noem bue" boem bye: lha"» ga: gye" mau" nyid boem bye.