MARKU 6:2 - Lacid Common Language Bible

² Dougno: Bidnyid ju" lang" nyang gi tarha" jung moo byu myoo" sho' mo, ri jhoug" byid: nyid. nya: jhoug" myeung" ri shaug" gyoo: mo, danggain gi gyo: mau" ago". Houg: lang" nyangnu" gi He: yug gi kha: khyi, mo, hid: te" da" phajhi" ri se' la, lha".- nyang: se' yu da" phajhi" gi ce: ja" phajhi" nghoid lha". mau" pho" moo" joem ri nyang khasu" se' zei: lha".

MARKU 6:2 교차 참조

MATHE 4:23

Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MATHE 7:28

Akhid" Yesu gi hau: mungdang: joem ri bain kho" kyoo" lang" nya: da" jhoug" myeing" jhoug" thui: ri mung" byu yi gye" gyo: mau" boem.

MARKU 1:39

Hougsu" wim nyang: gi Galile meing: goem: sho' moo so" yen" wigi tarha" jung khang" moo" moo cang kho" kyo" ziyo' yu joem ri khaid thu' pyam da.

MARKU 10:1

Hau: thang: ri Yesu gi hau: joyoo mo Yuda meing: khyoo: yhe: lo" wigi Yodan gyid gyung: thei: tab khyoo: gu: dab, lo". Byu Phung: moo" zeing nya: jang" moo doem zeung: phoung lo boem lang" nyang: gi khanham we' lhoung koid ziyo' dakhyoo"- nyangnu" ri jhoug" byid:.

LUKA 2:47

Zooshang: Yesu da" dang: ri shaug" gyoo: mo gi nyang: myed: da" dang: yo" doem phoid: da" dang: khoin" yoomo gye" gyo: mau" nyid boem.

LUKA 4:15

Yesu gi Tarha" jung yi moo kho" kyo" lo" ri Byu dangain" mo, gi nyang: ri coung" byid: boem ago".

YOHAN 6:42

Nyangnu" tid da" zigi He: yug gi Yoseb da" nya: zoo: Yesu anghoid la". Nya: myhi' yo' nya: phoo ri ngoonu" se'- anghoid goo" la". Houg: su" nghoid ri ci: yoomo ngoo gi mougkhung: mo gyoo" lo ga: tid nyid lha"» ga: tid go" nyid boem.

YOHAN 7:15

Yuda zoug: myeing" ci: mo, gi gye" mau" nyid boem lho: He: yug gi khayoo: ce: jung we' ado, yu" zi Hid: te" phajhi" gi khayo, yu lha"» ga: tid moug" go" nyid.