MARKU 5:13 - Lacid Common Language Bible

¹³ Yesu gi nyangnu" ri loo" wa akhang" byid: kaid da:- akhyeng" da" yu joem gi hau: youg khyoug: mo thu' lo" wigi vu, joem moo yhe: bye. Houg: lang" eig khyeung" koo: bo da" vu, joem dangain" gi - dung" bung nhoid mo gyid thoem" khyoo: gei vang lo" boem wigi noeb se" shid: pyam.

MARKU 5:13 교차 참조

1 KHOKHAM 22:22

Aseing gi ‹Khasu" mhoid" jhoem" wa› ga: myid: bye:. Venyi: gi ‹Ngoo yhe: wigi Ahab da" lapi: yi dangain" ri yhe: mhoug wa› ga: tid. Aseing gi ‹Nyang: ri yhe: mhoid" jhoem" we'. Nang oung: doid wa›» ga: tid.

YOBA 1:12

Aseing gi Satan ri «Nghoid bye:. Nyang: yo" da" zi ja: khang" moo" gi re" yoem: so' khoug: moo nghoid da:. Nghoid loug we' Yoba nyang: rigi nang dam ayo" tab nhang: wa» ga: tid da:. Houg: lho: Satan we' to' lo" byug da:.

YOBA 2:6

Houg: yoomo Aseing gi Satan ri «Nghoid bye:. Nyang: gi re" yoem: so' akhoug: moo nghoid da:. Nghoid loug we' nyang: ri nang age said pyam wa» ga: tid da:.

MATHE 7:6

«Gyeungshang: da" ziri lakhuid" joem ri abyid: goo. Nanu" da" vhu" shid ri vu, joem da" shid khoin" moo ashe: pyam' too" goo"- houg: su" anghoid lang" vu, joem gi nang: nhe" pyam' wa. Lakhuid" joem gi lo tau" ngaid boem wa.

MATHE 8:32

Aseing gi «yhe: loo" ge'» ga: nyangnu" ri tid kaid. Thu' lo" lho: hau: vu, joem moo zheung: vang lo" boem wigi vu, joem gi gyid thoem" moo byam vang lo" boem wi dangain" se" shid: pyam' boem.

MARKU 5:12

Yu joem gi Yesu ri ngoonu" vu, joem moo yhe: vang wa akhang" byid: kaid we' ga: mho' ago". Yu joem gi nyhang" vu, joem jhang yhe lo" boem shang ga: sham go" nyid

MARKU 5:14

Vu, zung" mo, gi tang" phang: lo" lho: hau: khyoo: ri voomoo" khoug: moo" we' khyam: yoo joem khyoo we lo" tid fu" kaid ago". Houg: lang" mung" byu yi gi bue" lid loo bye: da" khyoo: ri yu" wa shid mo hau: joyoo kkyoo: thu' yhe: lo" boem ago".

YOHAN 8:44

Nanu" gi nya: phoo yu satan da" nya: zoo: nghoid yoomo nanu" nya: phoo vho: da" khyoo: moo cang koid; nyid boem. satan gi xang: shid" mo nyang: byu said da" sarhi' nyang: nghoid. Nyang: moo deingmain" zi ci" we' aboo nghoid yoomo deung main" ziri asi- se' mhau' fain" su: nghoid. Nyang: gi mhoug mo, dangain" da" nya: phoo nghoid yoomo nya: void voo: yo' dakhyoo" ti" mhoug nyid.

1PETERU 3:22

Hau: da" Aseing: gi moug: khung: khyoo: vang lo" lho: akhid" Mangso lo, yo shoid moo zhoung: jo, bye- moug: lagyoo: yi yo' moug: khung: mo aya: yoo" mo, yo' myonhoo: phung" yoeb, boo mo, tho' moo oung: doid' lo" wigi vhoeb khang" nyid bye.

Pang Shug 20:7

Hau zain nyid dakhyeing" lid loo" lang" gi satan ri thung: mo doem nhang: kaid' zi shau" wa zi nghoid wigi

Pang Shug 9:11

Nyangnu" ri vhoeb, khang" nyid da" Khokham" gi no, athang da" duang: khuang" mo lagyoo: nghoid. Nya: da" myeing gi Hebre myeing" khyo" Abadon ga: Heleni myeing" gi Apolion nghoid. (Hau: da" dangkang: gi (Lhu: phyo' su) ga: zi nghoid.