MARKU 4:41 - Lacid Common Language Bible

⁴¹ Nyangnu" koem gi gye" gyoug dain pyam boem bye- Houg: yoomo he: yug gi khayhang: te" byu nghoid lha".- ug lid yo' beung: mhoid, lang" nya: dang: ri tam" gyo: ago"- ga: nyang cang" nyang tid go" nyid boem.

MARKU 4:41 교차 참조

YOBA 38:11

Ngoo gi hau: ziri «Gye" ve: jang" khyoo: alid yhi:- hid: moo yoem: so' gyi: da" re" being: lhung" joem ri theing: ca"» ein: tid bye:.

COUNG" NGHEI 89:7

Nang gi gyeung" shang: mo, da" phung: moo gyoug phau" zi shoug" kham yu nyid. Nyangnu" dangain" mo, gi nang ri mau" yab jo.

MALAKHI 2:5

Nyangnu" gi ngoo ri gyoug phoug" loo wa shid re" nga" dang: thang" cab moo ngoo dangsoo" byid: to" da" kangso' yo' myenjham" da" khyoo: ri ngoo gi nyangnu" ri byid: bye:. Nyangnu" gi gyeing" gyeing" nyang: ngoo ri phau" myang: lho: gyoug phoug" lo boem bye:.

MATHE 14:32

Nya: eig yug gi lhid' khoug: moo ju" vang loo" lang" uglid we' noem: lo" byug bye.

MATHE 8:27

Bo myang mo, gi mau" fo' yoin" to" boem wigi «He: yug gi cite" byu nghoid lha". Uglid yo" being: mhoid lang" nyang: ri tam" gyo:» ga: tid go" nyid boem.

MARKU 4:40

Houg: lang" Yesu gi nya: cangzoo: yi ri nanu" ciwim wigi houg: yhi' yhi toung" gyoug go" la".- Nanu" gi akhid" ju" sho' loem" jeung" myid' aboo goo" rhe" ga: tid.

MARKU 5:1

Yesu yo' nya: cangzoo: gi Galile thoem" thei tab mo Gerase meing: moo ju" nyid boem ago".

MARKU 5:33

Hau: myiyi koem gi nyang moo bue" lo khyoo: ri se' boin; yoomo gyoug nain" ziyo' Yesu shid khoin" moo goeb lho" wigi nghoid deung da" khyoo: dangain: nyang ri tid kyo".

MARKU 7:37

Hau: ludang: ri shau" gyo: mo, dangain"- atho' tid loo sho' gyo: mau" pyam boem - nyang: gi ja: khang" moo" ri shoeb shoeb za: koid da:- nujed mo, ri we' nu: gyoo: nhang: lho: nhoid jed' mo, ri we-dang: tid nhang:- ga: tid ago".

LUKA 4:36

Byu dangain" mo, gi yu" mau" wigi He: youg da" amyeing" a: na: thui: gi ce: noem nghoid nyid lha". Nyang: gi agyeing" ashang: da" yu ri lang" thu' loo" wa shid' re" yoem: zeing so' moo" yo"- amyeing" khyo, lho: yu joem gi thu' loo" goo" nhung: lha!- ga: nyang: cang" nyang: tid go" nyid boem.

LUKA 8:25

Houg: lang" nyang: gi Nanu" loem" jeing" nheigloem: gi khare"- ga: cangzoo: yi ri myed. Nghoidloug we' nyangnu" nyang: gi gyoug mau" zoore"-He: yug gi hang" nghoid lug lha"- lid yo" being: mhoid we' nyang: amyeing" byid: lang" gi tam" gyoo: nhung: lha"» ga: nyang cang nyang- tid boem.

HEBRE 12:28

Houg: su" nghoid yoomo nanu" yo" yu da" mungdain gi adei aloeb, da" mungdain nghoid wigi ngoonu" Mangsoo ri coung" nghei nyid boem shang. Nyang: rijeju" boin: lho: gyoug phau" myang: da" e" myed yo' Aseing: vho: ngei wa khyo" Mangsoo ri loem, khau: noku nyid boem shang o".

Pang Shug 15:4

Aseing: we"- Nang ri agyug phau" zi hang" yo" nyid wa lha". Re" da" gyi: myhang: khyoo: ri tid fu" wa shid re" hang" voem" ngeug pyam wa lha" Nang za: date: gyeungshang: nyid yoomo byumyu" cang: joeb, bain' sho' mo, gi nang koid da" moozoo" dangain" deing byeung" jo, da" khyoo: ri byumyu" cang: joeb, bang: myang loo: yoomo Nang ri phau" myang: noku lo boem wa"- ga: wigi jikhoin" khoin" nyid boem ago".

1 SAMUELA 12:24

Aseing gi nanu" da" Emyed dangain" yo' loem: lug tung" moo" voin tam" gyo: nyid mo, nanu" shid re" nyang: koid shug da" moo" zoo" zeing ri boin: so" nyid boem ge'.