MARKU 4:3 - Lacid Common Language Bible

³ Tam" gyo: yu" ge' byu dayug gi myoug: shi" sain" wa ga: thu' yhe: lo" da.

MARKU 4:3 교차 참조

COUNG" NGHEI 34:11

Ri" ge'- nga" byencang" nu" yi we' nga" dang: ri tam" gyoo: we'. Aseing ri gyoug phoug" wa shid re" nanu" ri ngoo jhau" byid: ba.

COUNG" NGHEI 45:10

Khokham pho, da" myhi' seig we' ngoo citid ziri tam" gyoo: we'. Re" da" byumyu" yi yo' re" da" seing" tain" bidnoem yiri to" myhed pyam we'.

DANG: ZHOEM 7:24

Hougsu" wigi akhid" koem gi nga" zoo: yi we"- nga" dang: ri tam" gyoo: loo: ge'- ngoo tid da" dang: moo: nheigloem: zoug jo, we'.

DANG: ZHOEM 8:32

Akhid" zoolu: yi we"- nga" dang: ri tam" gyoo: ge'. Ngoo tid nyid khyo" koid loo: ge'. houg: lang" nanu" ngilhoo' goo" wa zi nghoid.

PHAJHI" DANG: 11:6

Nab soin: ri we' myen" thang: ri we' shivoo: shigam zhung" nyid ge'. Hau: joem gi dangain" yug gyi: loo wa lug- anghoid lang" dayham" gi gootu: tho' je yug gyi: loo wa lug ga: ziri nang khanham we asi.

ESAIA 46:12

Oung: doid khyoo: gi gye" ve: ga jho: nyid boem da" nheigloem: thain: da" byu nanu" we" nga" dang: ri tam" gyoo: we'.

ESAIA 46:3

«Yaku da" amyed ashen yi nghoid boem da" nga" byumyu" nyid deing mo, dangain" we"- nga" dang: tam" gyoo ge'. Ngoo gi nanu" khu: re" da" ayo, mo nyang: goin coung: byid: bye:.

MATHE 13:24

Aseing Yesu nyangnu" ri dangtu' gootu: doem tid kyo" da" zigi «Mougkhung: mungdain: zeing gi khasu" nghoid. Byu dayug gi ge da" gug myoug: ri nya: yoo moo yhe: sain" to.

MATHE 13:26

Gug gam joem youg gyi: lo wigi anham: ashi" thu' lo da" uri myo, we' bo thu' lo.

MATHE 13:3

Hau: uri dangtu' myoo" sho khyo" khyoo: myoo" sho' jhoug" byid: da" zigi «shid phyang" byu dayug gi myoug: shi" sain" wa shed re" thu' lo.

MARKU 4:14

Myoug: shi" sain" su; gi hau: Mangso da" mungdang: ri sain" kaid.

MARKU 4:2

Houg: lang" nyang: gi dang tu, khyoo"- nyangnu" ri myoo" sho' ja: jhoug" byid: lho: tid zigi

MARKU 4:23

Nookhyab dab mo, gi tam" gyoo: ge,. baja"- ga: tid.

MARKU 4:4

Nyang: yoo moo yhe: sain" kaid da" myoug: shi" dayham" gi khyoo: gung moo gyo" lo" ago". hau: myoug: shi' joem ri gi ngho' joem re" kuid: zo; pyam ago".

MARKU 4:9

Nookhyab dab mo, gi gyo: yu ge'. ga: Yesu dang: thang tid.

ACTS 2:14

Houglang" Petru gi-lagyoo: daxe: dayug yo' dage" to' yab, jo, lho: wigi-Thui: to' kaid' lho: mung" byu yi ri tid zigi mang: nhung" Yuda byumyu" yi we' Yerusalem voobyu dangain" bang: we-nga" dang: ri tam" gyo: yu" ge-he: khyoo: yo' sen: lho: nanu" ri tid kyoo" ba.

TARHA" TID POIN" 4:1

Hau: thang: Moshe gi byumyu" yiri «Ngoo nanu" ri jhau" byid: da" tarha" dangain" ri tam" gyo: cang yhe: nyid ge'. Houg: lang" nanu" phoug" phyid" yi da" Aseing Mangsoo nanu" ri byid: wa ga: da" mougmyid ri yhe: yo" seing: yu nyid wa zi nghoid.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Pang Shug 2:29

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.