MARKU 4:28 - Lacid Common Language Bible

²⁸ Khasu" wim ga: ri myidjang: gi nyang: za: nyang hau: shivoo: joem ri youg gyi: loo nhang: lho: ashi" zei: loo nhang: nyid da. Xang: shed" ri amyug thu'- hau: htang: ri gug nham: thu' ri nhang: wigi thang: thang ri gug shi" yo' byeung" da" gug shi" ri thu ri" nhang.

MARKU 4:28 교차 참조

APOEM AYANG: 2:9

Nyang: gi yu" yung" tung" da" seiggam joem aja: ja: dangain" ri houg: mo yug ri" nhang: lho: ge da" seigshi" vooshi" ri zei: nhang:. Khyam: da" agung moo kangso' shigam yo' ge ziyo' age ziri se' kho nhang: da" lasi laleug shigam yug jo,.

COUNG" NGHEI 1:3

Nyangnu" gi gyid yam, moo yug jo, lho: nya: da" ayo, moo ashi" zei: wigi afu' we' akyoug lo" da" seiggam yo' du nyid. Nyangnu" zei: da" moo" zoo" dangain" moo oung: doid lo.

DANG: ZHOEM 4:18

Deing: byeung" bang: da" kangso' gyung: khyoo: koem gi bidxain" so' su" nghoid nyid hau: zigi bidnyid" gung tu: lo yo, ti" je" je bang young" ju" lo nyid.

PHAJHI" DANG: 3:1

He: mougmyid dang moo: bue" zi ja: khang" moo" gi Mangsoo khyen: to" da" ayo, moo bue" ago".

PHAJHI" DANG: 3:11

Nyang: gi ja: khang" moo" shid re" jo da" ayo, ri asoo" to" to" da:. Nyang: gi ngoonu" ju" loo wa da" ayo, ri si' nau da" nheigloem: ri kaid byid: bye:. Nghoid loug we nyang: koid ziri joeb byeung" sho' se' lho: nheugdeug wa akhang" ngoonu" ri khanham we' abyid:.

ESAIA 61:11

Myoug: shi" joem anyug toid lo wigi yug lo zi nghoid zigi gyeing" nghoid ziyo' dayhang: ti" Myhang: thang Aseing gi nya: byumyu" yiri khyoid yu wa. Houglho: byumyu" yi dangain" gi nyang: ri coung" nghei byid: loo goo" wa.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

MATHE 13:26

Gug gam joem youg gyi: lo wigi anham: ashi" thu' lo da" uri myo, we' bo thu' lo.

MARKU 4:27

Nyang: Myen" ri yhoeb- nyid" ri qi: doem yhoeb doem to soo" yen" koid nyid da" ayo' moo hau: shi" gi boug go' thu' lo wigi youg lo nyid. nghoid loug we hau: ashi" khasu" youg gyi: lo nyid ziri nyang: asi nghoid da:-

MARKU 4:29

Gug myheung lang" yed, yo, ju" loo wigi nyang: gi gyen: goem: yo' yed yu pyam- ga: nyangnu" ri tid.

PHILIPI 1:6

Hougsu" nghoid yoomo nanu" moohe: da" ge moozoo" ri zei: shed" too" byid: su: Mangsoo gi Khristu Yesu doem gyoo" loo wa bidnyid moo hau: moo" ri joeb byeung" sho' zei: too" goo" wa" ein: ngoo myid loem nyid.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.