MARKU 4:12 - Lacid Common Language Bible

¹² Khasu" wim ga: ri nyangnu" gi yu" nghoid loug we' amyang - tam" gyoo: nghoid loug we' ase' gyoo: nghoid ago". Nyangnu" myang lho: se' gyo: yu boem nghoid rigi Mangso jang" moo doem tau" loo goo" wa Houg: lang" nyang: gi nyangnu" ri Yooboo khyoid pyam byid: wa ga:

MARKU 4:12 교차 참조

ESAIA 43:8

Mangsoo tid zigi «Nga" byumyu" yiri tarha" yung" khyoo: zheing" yu bye:. Nyangnu" gi myojid" dab nghoid loug we' yang nu" myo, jid, nghoid ago". nyangnu" gi nukhyab dab nghoid loug we' nyangnu" nujid, nghoid ago".

ESAIA 44:18

Houg yhang: ti" byu yigi nyangnu" cikoid nyid ziri si' wa shid re" sung koo" bang: nghoid ago". Nyangnu" myojid" ri coem" ci: wigi nyangnu" myid ri deingmain" ziri asi' wa shid re" myhid" ci: da:.

YEREMIA 36:3

Ngoo nyangnu" adang moo bui" nhang: wa soin' to" da" byo, yoin" khyoo: dangain" yo' sen: wigi Yuda byu yi shoug" gyoo: lang" nyangnu" da" akhyeing" lo, moo" joem mo to' phug lheing: loo goo" abe. Houg: lang" nyangnu" akhyeing" ziri yo' nyangnu" yooboo joem ri ngoo khyoid byid: wa» ga: tid.

YEREMIA 5:21

Myojid" dab loug amyang- nukhyab dab loug ashau" gyo: da" nheig agyeing: ko" da" byumyu" yi nanu" we"- goolhoo' tam" gyoo: we'..

EZEKIEL 12:2

Nyang: tid zigi «Shid: se' da" byu we" nang gi goemlu to' da" byumyu" yi phung: gung moo nyid nyid da:. Nyangnu" myojid" dab nghoid loug we' ci: amyang nghoid da:. Nukhyab dab nghoid loug we' ci: ashau" gyoo: nghoid da:. Ciwim gari nyangnu" gi goemlu too' nau ago".

MARKU 8:18

Nanu" myojid" dab, boem nghoid lougwe,- amyang goo" la". Nanu" nukhyab dab, boem nghoid lug we' ashaug" gyoo: goo" rhe" amyid boin: goo" rhe".

LUKA 8:10

Nyang: doem tid zigi Nanu" gi Mangsoo vhoeb khang" da" khyoo: mo no, thang da" khyoo: joem ri se' abye: go"- gootu: bang: gi yu" nyid lho: amyang- shau" gyo: lho: ase' gyoo: yoomo dangtu' khyo" kho" kyoo" ca" nyid.

ACTS 3:19

Hougsu" nghoid yoomo nanu" nheugloem: ri thid' ge-Mangso jhang doem tau" loo ge'. Houg: lang" Nyang: gi nanu" da" yooboo joem ri khyoid pyam byid: wa zi nghoid.

TARHA" TID POIN" 29:4

Nghoid loug we' akhid" nyid" ju" sho' nanu" thung" shoug" lo da" khyoo: ri nyang: wigi nanu" ri ase' gyoo: nhang: shi" nghoid da:.

2 TIMOTHI 2:25

Nyhang" nyang: ri ngeug se: doin: lhoem" keung" lo da" byu yi ri so' koid so' nyheung: jang" moo nu" nham, sam" dab, khyoo: se' koid su: nghoid ca" nyid. Khasu" wim ga: ri nyangnu" gi nheigloem: thed' lo lho: hau" deingmain" da" khyoo: ri se' gyo: loo wa da" akhang"- Mangsoo gi nyangnu" ri byid: ri byid: loo wa zi nghoid.

HEBRE 6:6

Nghoid loug we' nyangnu" gi nyang: nya: da" loem" jeung" loem, khau khyoo: ri she: pyam boem bye- nyangnu" gi Mangso da" nya: zoo: ri pyang" zeing moo dalheing: doem baid jen" lhang" lho: mung" byu yi da" shid' khoin" moo aphoug" akhyoid' sho' thu' nhang: boem yoomo nyangnu" ri nheigloem: doem thed' loo wa da" shid re" gi kha: su" we' age bui" loo.