MARKU 4:11 - Lacid Common Language Bible

¹¹ Houg: lang" nyang: gi nyangnu" ri Mangso mungdain: yo' sen: da" no, thang khyoo: ri se', gyoo: wa da" akhang"- nanu" shau" yu boem bye: go"- nghoid loug we' hau: da" akhang" ri ashau" yu mo, gootu: byu yi koem gi qei: shoem dang: tu khyo" za: se gyo: yu boem.

MARKU 4:11 교차 참조

MATHE 11:25

Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

MATHE 13:16

«Nghoidloug we' nanu" gi myo, myang ziyo' nu: gyo: loo yoomo ngilho' boem bye.

MATHE 16:17

Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid.

MARKU 3:23

Houg: lang" nyang: gi nyangnu" ri khe: yu lho: dang: tu' yo' satan gi satan ri khasu" se' khaid thu' wa lha".

MARKU 4:10

Yesu nyang: kyeing" nghoid lang" gi nya: dang: ri shoug" gyoo: mo, dayham" cangzoo: daxe: eig yug yo' dage" nya: jang" moo re" wigi hau: dang: tu joem da" dangkang: ri phuid: kyoo" byid: wa shid re" mho' ago".

MARKU 4:2

Houg: lang" nyang: gi dang tu, khyoo"- nyangnu" ri myoo" sho' ja: jhoug" byid: lho: tid zigi

LUKA 8:10

Nyang: doem tid zigi Nanu" gi Mangsoo vhoeb khang" da" khyoo: mo no, thang da" khyoo: joem ri se' abye: go"- gootu: bang: gi yu" nyid lho: amyang- shau" gyo: lho: ase' gyoo: yoomo dangtu' khyo" kho" kyoo" ca" nyid.

1Korinthians 4:7

Kha: youg wigi: nang ri- sube" tho' moo: je nghoid ga: tid nyid la" nanu" yo" da" zi dangain" gi Mangsoo byid: to" zi anghoid goo" la" Hougsu" nghoid ri nanu" yo" yu to" da" zi dangain" gi jeju" jhung: shug anghoid yhang: ti" nanu" phau: khuang nghoid boin: khyoo: gi ce: noem' yoomo koid nyid go" lha"

2~KORINTHU 4:6

Yesu khrsitu da" myonhoo: mo bang lo da" - Myo nhoo: phung" yoeb khyoo: nanu" se' loo baja"- yha" da" nheig loem: moo bidbang zhoo: byid: da" Mangsoo: gi Moug coid mo bidbang bang loo wa ga: wigi tid da" Mangsoo nyang: nghoid bye.

Ephesu 1:9

Mangsoo gi nyang: myid soin: to" khyoo: ri koid lho: Khristu khyoo" wigi joeb, byeung" loo nhang: wa shid re" myid phyed' too" bye: da" nyang: yhoem" too" zau" to" da" soin' nyheung to" khyoo: ngoonu" ri si' nhang: bye.

KOLOSE 4:5

Nanu" yo" yu da" amyeing" akhang" ri goolhoo: zoo: ci: yhoung: lho: aloem" ajeung" bang: yo' zoem" khau: uri-phajhi" bo nyid ge'.

1THESALONI 4:12

Khyoo: he: khaid khyo" wigi nanu' giloem" jeing" bang: phung byu anghoid mo, da" -phau" myang: khyoo: ri shau" kham: yu boem wa zi nghoid- hau: tho' moo gootu: nanu" da" ca" yo, khyoo: yo' sen: lho: hang" ri we' anghe: khoug ca" lo: boem wa zi nghoid.

1 TIMOTHI 3:7

Nyang: gi juang" yi kheing" yoem: zi ashug" wa ziyo' yu satan da" loem, khau: khyoo: moo abyid gyo" vang loo wa shid re" aloem" jeing" shi" bang: da" phau" myang: khyoo: ri yo" kham: yu da" byu dayug nghoid ca.

1YOHAN 5:20

Mangso nya: zoo: gi ju" re" nyid wigi deingmain" da" Mangsoo ri yo" se' yu wa da" nheigloem:- nyang nyhang" ri byid: too" bye: ziri nyhang se' nyid. Ngoonu" gi nya: zoo: Yesu Khristu yo' dadeing: daloem: za: koid lho: wigi dei nyid boem yoomo deingmain" da" Mangsoo yo' we' dadeing: daloem: za: bue" lho: dei nyid boem. Nyang: gi Mangsoo gyeing" nyang: nghoid nyid ziyo' athang agoin kangso' we' nghoid nyid.