MARKU 3:35 - Lacid Common Language Bible

³⁵ Khasu" wim ga: ri Mangsoo: myidvho: khyo" cang mo, hang" nghoid loug we' nga" no' nga" nham" moo" yo' nga" myhi" nghoid bye".

MARKU 3:35 교차 참조

MATHE 7:21

«Ngoo ri ‹Aseing we"- Aseing we"› ga: mho' mo, dangain"- Mougkhung: mungdain: moo yo" vang loo" wa zi anghoid. Mougkhung: tho' moo nyid da" nga" pho, nheigloem: yo" cang su: za: dayo" vang loo" wa.

YOHAN 7:17

Hau: Mangsoo: vho: da" khyoo: moo cang loo" noug: su: gi Ngoo kho" kyo" da" tarha" gi Mangso da" tarha" nghoid la". Ngoo nya: vho: da" nga" tarha" nghoid la"» ga: zigi se' soin: myed yu" boem wa.

Ephesu 6:6

Yhoem: seing: yi yu" nyid yoomo myonhoo: rua nau khyo" za: akoid goo"- Khristu da" join, yi yhang: ti"- Mangsoo myid vho: ziyo' dakhyoo" ti"- nheigloem: bain' sho' yo' zei: so' nyid ge'.

HEBRE 10:36

Mangsoo myid vho: khyoo: ri cang zei: wa ziyo' nya: da" dang: soo" khoin" joem yo' dakhyoo" ti"- akyu" yo" kham: yu boem sho' nanu" gi gyi: sheung: nheigloem: yo' zeung: kham, ca" nyid boem.

YAKU 1:25

Nghoid loug we' byu yi ri yoobo wigi tei" to" da: jang" mo loid byoin loo" nhang: da" joeb byeung" da" tarha" ri goolhoo: jhau" yu yu" su: gi mungdang: ri gyoo: za: te: tam" gyo: lho: to" myhed' pyam su: anghoid loo: za: xo' zei: cang loo" su: nghoid nyid yoomo nyang: gi ce: ja: moozoo" ri zei: nyid nghoid loug we' Mangso mainkaid da" jeju" ri shau" kham: zoo: wa zi nghoid nyid.

1PETERU 4:2

Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza-

1YOHAN 2:17

Moug: myid yo' dage" houg: mo da" xang: su: byu yi vhoo: boo myo, no, da" khyoo: ja: khang" moo" gi lid lo" byug nyid bye. Nghoid loug we' Mangsoo vho: ngei khyo" cang: koid loo" su: koem gi apyaid' atoo: moo danyid nyid.