MARKU 3:10 - Lacid Common Language Bible

¹⁰ Khasu" wim ga: ri byu myoo" sho' ri ge loo" nhang: yoomo nyang: ri shau" tain" sho' ga: nyang: jang" moo noo mo, dangain" jhen" go" nyid.

MARKU 3:10 교차 참조

APOEM AYANG: 12:17

Nghoid loug we' khokham phoo gi Sarai ri yu yoomo Aseing gi khokham da" atho' moo we' nya: khoo" khoug: mo, byu yi atho' moo we' gyoug pho" noobau: phyoobau: nhang: kaid bye:.

GYUNG: SOO" 11:33

Nyangnu" shid re" shoo" zoo: wa zi gye" jo, shi" uri Aseing gi byumyu" yiri nheig yo wigi nyangnu" phung: khoug: khyoo: lang: yoem" nhang: kaid da:.

MATHE 12:15

Nyang: ri said pyam wa phajhi" khyau" nyid ziri Yesu se' wigi joyoo gootu: khyoo: lo" ri Byu ajoem' ayo mo, gi nya: thang: moo cang lo ago". Yesu gi nyangnu" mo noophyoo" shau" mo, dangain" ri ze: ge pyam byid: bye.

MATHE 14:14

Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.

MATHE 14:36

Nya: da" byi: thang: mo da" bain: byug moo khyalhang"- shau" tain" sho' ga: re" mho' boem. Shau" tain" mo, dangain" we' noo phyoo" mo ge lo" boem.

MATHE 4:23

Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MARKU 5:34

Yesu gi nyang: ri nga" zoo: we" re" loem" jeung" zigi nang ri gi byid: bye- yug yoo tung" loo" re'- nang kham, zo: nyid noo ge shang loo" baja"- ga: tid kaid.

MARKU 6:56

Houg: yoomo Yesu vang yhe: da" voo zeing voo zoo: mo mo, fu" moo" khyoo: yam cang noo phyoo" shau" mo, ri re" shu" lheung: yoin" to" wigi noo mo, we' nya: byi: sheing thang: moo khyalhang" shau" tain" nhang: wa shid' re" mho' nyid ago". Nya: byi: sheing thang: moo shau' tain" yu mo, dangain" gi noophyoo" ge shang lo" byug boem da.

MARKU 8:22

Nyang: nu" gi-Bedsaida voogung moo re" yhe: ago". Hau joyoo moobyu dayham" gi myo, jed dayug ri Yesu jang" moo shu" re" wigi hau: yug ri tain" byid: wa shid mo nyang ri mho' ago".

LUKA 5:3

Yesu gi hau: lhid' eig khyab, mo Simun da" lhid' moo do, lo" lho: lhid' ri gyid yam mo dajhi ku" kang" kaid wa shid' re" Simun ri tid. Hau: thang: ri zhoung: lho: byu phung: moo" ri tarha" kho" kyo.

LUKA 6:19

Yesu da" gung mo yoem: so' thu' lo" lho: noophyoo" ri ge nhang: yoomo Byu phung: moo" yi gi Yesu ri shau" zang" tain" yoo: ga: gye" yoem: kaid nyid boem ago".

LUKA 7:2

Hau: da voo moo moo" eung: da" gyidab vhoeb zoug: phoo dayug moo deizoo: dayug bo. Dab vhoeb zoug: gi hau yug ri gye" jheddab. Hau: yug gi no lho: shid: loo" yid danghoid lo.

LUKA 7:21

Hau: uri Aseing Yesu gi Byu yi da" noophyoo" joem ri ge loo" nhang. Yu join: joem ri khaid thu' pyam byid. Myo, amyang mo, ri myang loo: nhang.

ACTS 5:15

Petru lid lo" da" uri noo, phyoo" shau" bang: dayham" gi nya: yoeb, byoo, moo khyalhang" shau" zang" baja" ga- noo, phyoo" shau" mo, ri fu" moo" khyoo: dang thu' re" lho: yhoeb, yoo tho' moo pheing" thain: tho' moo re" lhang: to" boem ago". Nyang: nu" houg: su" koid boem zigi lagyoo: yi da" ge, lo, moo" ashi" joem nghoid.

HEBRE 12:6

Khasu" wim gari Mangsoo gi nyang: jheddab da" bang: hang" ri we' jhoug" byid: mhoo, byid: wigi Nya: zoo: khyo" lhoem: kham: yu bang: dangain" ri shen" yhen se' nyid ga: wigi nyangnu" ri nya: zoo yi khyo" soin: lho: yoem: byid: tid sang: nyid da" dang: khoin" joem ri nanu" gi to" myhed' pyam' boem goo" bye: la".