MARKU 2:7 - Lacid Common Language Bible

⁷ He: yug gi khasuwim he: dang: ri voem" tid lha". he: zigi Mangsoo ri juang" zi danghoid. Mangsoo dayug kyeing" yooboo dayo" khyoid byid: ga: myid: sho: nyid ago".

MARKU 2:7 교차 참조

YOBA 14:4

Byu yhang: ti" ayung" gyeing" su: mo yung" gyeing" zi daja: we' alhung yo" thu loo nghoid da:.

COUNG" NGHEI 130:4

Nghoid loug we' nang gi ngoonu" ri yooboo khyoid pyam byid: nyid. Houg: yoomo ngoonu" gi nang ri gyoug phau" tam" gyo: nyid boem.

ESAIA 43:25

Nghoid loug we' ngoo gi re" yooboo joem ri khyoid byid: da" su: Mangsoo: nghoid. Ngoo ga: su: nghoid yoomo he: ziri ngoo koid da:. Ngoo gi re" yooboo joem ri thougtheung zei: ci: wa zi anghoid.

DANIELA 9:9

Ngoonu" gi nang ri gyi koid thougtheung loo nghoid loug we' nang gi nheig khyeug ziyo' yooboo khyoid bye: da:.

MIKHA 7:18

Aseing we" nang yo' du go" da" mangsoo gootu: khayoo: we' anyid loo: nghoid da:. Nang gi nyid deung jo, da" re" byumyu" yi da" yooboo ri khyoid pyam byid: nyid da:. Nang gi apyaid atoo: moo nheig jha" yo: nyid su: anghoid. Nang koem' gi ngoonu" ri re" geung: teung da" jhed khyeing: kang: khyeing: toin" shed nyid jang" moo nheugshid: nyid.

MATHE 26:65

Hau: uri khainjung agyi moo" gi nya: da" byid: ri lang: ceig pyam lho: «he: yug gi Mangsoo ri aphoug" akhyoid da" dang: ri tid nyid bye. Ngoonu" sagsi: gootu: avhoo: loo- Mangsoo ri aphoug" akhyoid da" dang: tid zigi nanu" shau" gyoo: bye.

MATHE 9:3

Houg: yoomo Tarha" sara: yi dayham" mo, gi «he: yug Mangsoo ri shoid' da" dang: da tid nyid» ga: nyangnu" nyang cang" tid go" nyid.

MARKU 14:64

Nyang: Mangsoo ri Juang" yi gei sang: zi ri nanu" shaug" gyoo: boem bye nanu kha dang: phyed yo? ga: tid. Nyangnu" dangain" mo, we-Yesu ri shid: moin: yooboo yo" zi nghoid ga: dang: phyed pyam ago".

MARKU 2:6

Houg: moo zhoung: jo, da" tarha" sara yi dayham" da" nheigloem: khoug: moo soin: nyid.-

MARKU 2:8

Nyangnu" da" nheugloem: khoug: moo hidsu" myid: sho: nyid boem ziri Yesu si lang" ciwim hid su" myid soin: nyid go" la" ga nyangnu" ri tid.

LUKA 5:21

Tarha" sara: yi yo"- Pharishe bi gi He: yug gi hang" nghoid la". Nyang: gi Mangsoo ri shoid da" dang: tid nyid bye. Mangsoo mo led lho: yooboo ri hang" yo" se' khyoid pyam byid: wa ga: myid yu" nyid boem.

LUKA 7:49

Yesu yo" dage" myen" xoin: zo: nyid mo, gi «Yooboo ri lang" yo" khyoid pyam byid: da" he: yug gi hang" nghoid lha"» ga: nyang: cang" nyang: myid go" nyid boem.

YOHAN 10:33

Nyangnu" phug tu" zigi moo" gi dajaja: zei: yoomo Nang ri luggo, yo" du" nau zi anghoid. Nang gi byu kyeing" te: nghoid da: zi Mangso ayid void ci: lho: Mangsoo ri shoid vhang: da" dang: tid nyid yoomo luggo, yo" du" wa ga: tid ago".

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".