MARKU 2:20 - Lacid Common Language Bible

²⁰ Nghoid loug we phoo seig ri nyangnu" mo kang" shu" lo" da" bidnyid ju" loo wa-houg: lang" gi nyangnu" zoo: pyam zeing boem wa zi nghoid.

MARKU 2:20 교차 참조

COUNG" NGHEI 45:11

Re" da" younglho' gungdu: yoeb bang gi khokham pho, da" nheigloem: ri lang: yu vho: ngei nhang: wa zi nghoid. Nyang: gi re" da" Aseing nghoid nyid yoomo nang gi nya: dang: ri tam" gyo: nyid ca.

SHOLUMON JIKHOIN" 3:11

Ziun myiyi: zoo: yi we"- re" wigi khokham Sholumon ri yu" ge'. Nyang: gi lo, xo' pui" koid da" pyo: thang goug thang nyid" ri nya: vhuloem moo nya: myhi' zhung" byid: da" bidmug ri zhung" ci: da:.

ESAIA 54:5

Nang ri phain" so: too" su: gi re" yhoem: seing: phoo yhang: ti" nghoid loo wa. Nya: myeing gi myhang: thang Aseing ga: zi nghoid. Israela da" gyeung" shang: Mangsoo gi nang ri khyoid yu wa. Nyang: gi mougmyid goin" da" vhoeb" khang" su: nghoid da:.

ESAIA 62:5

Zoolu: phoo gi nya: myhi' seig khyo" zoomyi: gyeing" ri lo, xo' yhang: ti" Nang ri gung khyang: koid byid: su: gi nang ri lo, xo' yu wa. Phoo seig gi nya: myhi' seig ri jheddab yhang: ti" Re" Mangsoo gi nang ri ngei wa.

ZEKHARIA 13:7

Myhang: thang da" Aseing tid zigi «Lhab' sham: we" too' we' nga" moo" zei: da" yang zung" su: ri zain: we'. Nyang: ri said we'. Houg: lang" yang zung" su: ri said pyam' lang" gi yang joem gi byo sain" lo" byug wa nghoid. Ngoo gi nga" mung" byu yiri zain: loo wa nghoid.

MATHE 26:31

Hau: thang: ri Yesu gi «jhoem: mungdang: moo yang zung" su: ri said pyam lang" gi yang joem gi abyoo asain" bei, sain" loo" wa ga: tid to" ziyo' dakhyoo" ti" akhimyen nyang: nanu" gi ngoori she: pyam too" kho' lho: phang: sain" lo" boem goo" wam: bye.

MATHE 9:15

Yesu gi «phoo seig gi loxo' yab, yo' sen: da" pui" re" byu yi yo" dage" danyid shi" uri nyanu" nyang: koug" shu: zi shau" goo" wa la". nghoid loug we' phoo seig ri kang" kaid wa da" bidnyid ju" loo wa. Houg: lang" nyangnu" gi zoo: noem zeung: zi nghoid.

MARKU 2:19

Yesu gi nyangnu" ri phoug tu" wigi myi: pheung" fang pui" loem mo, gi Phoo, seig yo' nyid shi" uri zoonoem ge jung" pyam' wa la". nyangnu" gi phoo seig yo" dage" danyid nyid gi zoo: noem age jang" pyam.

MARKU 2:21

Byixoug" moo pain" cu' aseig wigi hang" alhoung phoo- hougsu" pho nghoid rigi pain seigcu, wigi byixoug" ri lang: ceug wigi byi: je jeug loo" wa.

LUKA 17:22

Yesu nya: cangzoo: yi ri tid zigi Nanu" myang nau da" Byu nya: zoo: bidnyid gi danyid" ju" loo wa. Nghoidloug we' nanu" gi hau: ziri shau" myang zi anghoid.

LUKA 5:35

Houg: su" nghoid loug we' loxo' phoo seig ri nyangnu" jang" mo shu" yu wa da" ayo, bidnyid ju" loo wa. Houg: lang" nyangnu" gi zoo: noem zeung: boem wa zi nghoid ga: tid.

YOHAN 12:8

Shojhen: mo, gi nanu" yo" dage" khanham we danyid nyid. Ngoo koem gi nanu" yo" dage" nyid wa zi anghoid ga: tid.

YOHAN 13:33

Nga" zoo: yi we"- ngoo gi nanu" yo daso' date: nyid loo: wa. Nanu" gi ngoori sho: goo" wa. Nghoid loug ngoo yhe: lo" nyid da" khyoo: moo nanu" ayo" cang loo ga: wigi Yuda zoug: myeing" ci: mo, ri kho" kyo" yu" ziyo' dayhangti"- nanu" ri we' akhid" ngoo kho" kyo.

YOHAN 16:28

Ngoo gi phoo jang" mo moug myid moo gyoo" lo. Akhid" he: moug myid ri kang" lho: pho jhang khyoo: doem loo" loo: wa ga: tid.

YOHAN 16:7

Nghoidloug we' nanu" ri ngoo Deing" deung tid nyid da: zigi nanu" shid' re" je ge'. Ngoo alo" nghoid rigi pang" thoug wa su: gi nanu" jhang gyoo" loo wa zi anghoid. Ngoo lo" thang: hau: da" zi: nanu" jhang khyoo: nhang: kaid wa nghoid.

YOHAN 17:11

Akhid" Ngoo gi re" jhang khyoo: doem loo wa nghoid yoomo ngoogi mougmyid moo anyid loo. Nghoid loug we' nyangnu" houg: bang: koem gi moug myid moo nyid wa zi nghoid. gyeungshang: thang da" nga" phoo we"- nang yo" ngoo dadeing: daloem: za: nghoid nyid yhangti"- nyangnu" we' dadeing: daloem: za: nghoid wa shid' re" nang ngoori ab byid: to" da" re" voolang myeing da" yoem: vhoo" phung yoeb' khyo" nyangnu" ri zung" lhug byid: we' o".

YOHAN 17:13

Akhid" gi ngoo Re" jhang khyoo doem loo loo: wa nghoid. Houg: bang: gi=ngoo gau yi te" da" gau yi khyoo:- byeung" byeung" yo" yu boem wa shid' re" He: mougmyid moo nyid shi" uri he: da" dang: ri ngoo tid.

YOHAN 3:29

Lo, xo myhi, seig ri yo" seing: ci: su: gi loxo' phoo seig nghoid. Phooseig da" byen cang" phoo gi nya: nam, moo yab nyid lho: phoo seig da" thui: ri tam" gyo: nyid su: gi phoo seig da" thui: ri shaug" gyoo: lang" gau yi ngei pyoo: zi nghoid. Ngoo we' houg: su" joeb joeb byeung" byeung" gau yi ngei pyo: nyid bye.

ACTS 1:9

Hid: su" ga: bain tid thang: ri lagyoo: yi yu" go" nyid uri nyang- Yesu gi moug: khung: khyoo: to' yu zi shau" bye- hau: thang: ri jhoem" moug" thei" gi nyang: nu da" myo, shid' ti: mo-Nyang: ri nghoeb ci: lho: do, lo" byug bye.

ACTS 14:23

Nya: eig yug gi phung khang" moo" moo phung: ludaid' yi ri zheung: cang nyheung to" lho: wigi zoo: noem, jang" pyam' lho: akyu" bain mho' lang" gi nyangnu" loem" jeung" nyid da" Aseing: lo, khoug: moo houg: bang: ri zheung: mho' ab, byid: bye.

ACTS 3:21

Mangsoo gi goonham mo Nya: gyeungshang: da" Lapi: yi nhoid dang: khoin" thui: khyo" tid kyo" to" ziyo' dakhyoo" ti" ja: khang" moo" ri aseig doem koid pyam da" ayo, aju" ju" gi Nyang: gi moug: khung: tho' moo nyid nyid ca" da.

1Korinthians 7:5

Nanu" gi shid mo wigi- akyu" mho' wa shid re"- daso, zoo: azoem" goo" loo: nyid wa shid re" myid veing" go" to" da" ayo, lid' lang" gi yhoem: seing: phoo, yhoem: seing: myhi' gung shoo" zoem" khoug: wa shid re"- ajang" pyam goo. akyu" mho' da" ayo, lid' lang" gi doem zoem" khau: nyid ge'. Hougsu" nghoid lang" gi nanu" da" gung doem: ri ayo" khang" yoomo satan gunglau" zi ashoug" goo" baja".

2~KORINTHU 11:2

Mangsoo gi nanu" da" atho' moo aloem" athoo: myid bo nyid ziyo' dakhyoo" ti"- ngoo we' nanu" da" atho' moo aloem" athoo: myid bo nyid. Nanu" gi Khristu nyang: yo' loxo' ikoin deungkhu: de wa shid re" ngoo dang: myid: to" da" zoomyi: zoo: yo' du nyid.

2~KORINTHU 11:27

Moozoo" yo" yau: khe" zi yhoeb, ashug" zo: zi myo" sho myen- zooyoid gyid shed shau" zi myo sho' lheung:- zookhoo: ayoo" loo- khau: nghi" jang: ajo- shoo" cen: doem: boi" lo shid: gyoin' joem ri sahu" nyid.

2~KORINTHU 6:5

Ngoonu" gi youg baid zi-thung" lhoung zi mung" byu yi lu: fu: khyoo:- shau". Moo" zei: jang" moo dougnoo: jang: ayo oo"- yhoeb' agyi: khyoo:- zoo: noem ashug" zo: zi thoung" shau" lo boem.

Pang Shug 19:7

Nyhang" nu" gau yi lho: vho: ngei nyid boem shang- Nya: da" myonhoo: phung" yoeb ri coung" byid : nyid boem shang. Khasu" wim gari hau: Yang nu" da" loxo' pui" zeing gi ju" loo bye: ziyo' nya: da" myhi, seig we' nya: gung ri lhoo, bain yhoug ci: bye: yoomo

Pang Shug 21:9

Hau: thang: rilo" thang da" shid: gyoin, noogyoin, nyhed loem: yo' byeung" da" goem, nyhed loem: ri ci: moug: lagyoo:- nyhed yug mo dayug nga" jang" moo re" tid zigi Ri" we' hau: yang nu" da" yhoem: seing: myhi' ein: da" myi: yi: seig gi ngoo nang ri toin" shid' ba- ga: tid.