MARKU 2:17 - Lacid Common Language Bible

¹⁷ Hau: ziri Yesu shaug" gyoo: lang gi nyang: gi nyangnu" ri yang" zain mo, gi doctor aca" nghoid loug we' noo mo, gi ca" ago"- deungmain" mo, ri khi" wa shid re" ngoo re" zi anghoid. Yooboo yo" mo, ri khi: wa shid re" koem ngoo re" zi nghoid ga nyangnu" ri phoug tid..

MARKU 2:17 교차 참조

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

YEREMIA 17:9

«Xangsu: byu yi da" nheigloem: ri hang" yo" tho' si wa la" Houg: yhi' mhoug fain" zigi gootu: ci: ajo, nghoid da:. Byang" gi wa shid re" age bui" loo: sho' no zi sung xo: byug bye:.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

LUKA 15:10

Houg: yo' dakhyoo" ti"- ngoo tid da" zigi yooboo yoo" su: dayug yug- nheigloem: thid lo ri Mangso da" moug: lagyoo: yi gi gye gau yi nyid.

LUKA 15:29

Nghoidloug nyang: nya: ba" ri tid zigi yu" we' zain nyid myang" sho' ngoo gi nang ri join dayug yhangti" moo" zei: bydi: bye. Nang tid zi ngoo khanham we' atam" gyoo: loo: akoid' yu". Nang ngoori ci: byid: yu". Nga" shid' re" ga: shoo" baid dadu: khyalhang" said lho: lu: zoem" cang" yi yo" zo: shug pui"- nang khanham we akoid: byid: yu.

LUKA 15:7

Houg: yo' dakhyoo" ti" ngoo tid zigi nheigloem: thid anoo" lo da" myonhoo: ngilang: bo da" byu- goug: xe: goug: youg bang: da" tho' moo yooboo yo" mung" byu dayug nheigloem: thid lo ri Mougkhung: Mungdain: moo gau yi ngei pyoo: khyoo: jo, wa.

LUKA 16:15

Yesu gi nanu" ri nyang: nya: da" gung du: ri byu gi yi nghoid ga: subi" ri myang nhang nau ago". Nghoidloug we' Mangsoo: gi nanu" da" nheigloem: ri se' nyid. Byu yi gye" vho: ngei jheddab nyid da" zigi Mangso da" shid' khoin" moo gi ce: phoug" adab da" zi anghoid.

LUKA 19:10

Byu nya: zoo: gi byug bye: mo, ri shoo: lho: khyoid yu wa shid' re" ju" ri" bye.

YOHAN 9:34

Houg: bang: gi nang gi ung: khoug: mo, yooboo yo" gyi: sheung: loo su: nghoid lho: wigi ngoonu" ri dajhoug" byid: nyid shi" la"» ga: tid boem lho: tarha" jung mo khaid thu' kaid.

YOHAN 9:40

Yesu da" anam, moo zheing: nyid da" pharishe gi hau: dang: ri zheing: shau" gyo: boem yoomo ngoonu" ri we' myo, amyang mo, nghoid ein: wigi tid nau la"» ga: wigi myid: boem.

ACTS 20:21

Nyang: nu" da" yooboo mo nheigloem: ri thed' pyam' lho: Mangso shoid' khyoo: lheung: lo boem wa ziyo' - Aseing Yesu ri loem" jeung" lo boem wa shid re" ngoo gi Yuda byumyu" yi yo' tungbau byumyu" yi ri dakhyoo" ti" yoem: kaid' lho: gye" khyo" tidpoin" lid loo bye.

ACTS 26:20

Ngoo gi xang: shed" ri Damasku voogung moo Yerusalem voomoo" moo hau: thang: ri yuda mung" goin" jang" moo we' tungbau byumyu" yi ri we' nyangnu" da" yooboo mo nheigloem:" thed' lo boem wigi Mangso shoid khyoo: lheung: loo ca"- houg: su" nyangnu" nheigloem: thid' bye"- ga: ziri lo, moo" khyo" - aved, asam" yo' zei: shug khyo" toin" shid' ca- ein: ngoo cang kho" kyoo" bye.

TITU 2:14

Ngoonu" ri tarha" do, rhue, da" akhyeing" ashoeb yooboo dangain" jang" mo-khyoid khyi: yu wa shid re" ngoonu" gi nheigloem: e" myed gyeungshang: wigi nyang: yo' za: te: sen: da" byumyu" bue" lo lho-ge, lho da" moozoo" ri zei: soo, wa nheigloem: vho: ngei byumyu" bui" wa shid re" Khristu gi ngoonu" da" shid mo nya: gung du: nyang: ab byid: pyam' bye.