MARKU 2:16 - Lacid Common Language Bible

¹⁶ Houg: lang: kheung" khyu: zoo: mo, yooboo yoo" mo, yo' dage" Yesu zo: shug nyid ziri Pharishe" bi mo tarha" sara yi dayham" myang lang" nyangnu" gi ciwim wigi yooboo yoo" mo, kheung" khyu: zoo: mo, yo, dage" zo: shug nyid lha".- ga nya: cangzoo: yi ri myid: nyid boem ago".

MARKU 2:16 교차 참조

ESAIA 65:5

Hau: thang: nyangnu" gi gootu: bang: ri «Ngoonu" yo' vi: vi: nyid we'. Ngoonu" gi gye" gyeung" shang: wigi nanu" age tain"» ga: tid boem. Ngoo gi hougsu" te" da" byumyu" yiri ayo" zeing: kham. Nyangnu" ri thougtheung da" nga" nheig joem: yo: zigi khanham we' ashid: da" myi: yo' du da:.

MATHE 18:17

Gyeing: nyang: houg: bang: da" dang: ri we' nyang: atam" gyo: nghoid rigi hau: khyoo: bain sho Hpung moo yhe: tid kyoo" we'. Lo" thang moo Hpung: mo mo, da" dang: ri we' atam" gyo: nghoid rigi hau: yug ri Mangsoo ano" su: dagyug khyo" soin: pyam ge'.

MATHE 5:46

Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la".

MATHE 9:11

Pharishe yi gi hau: ziri myang lang" «nyangnu" gi kheing" khyu: zoo: mo, yooboo yoo" mo, yo" dage" ciwim wigi nanu" da" sara: gi voem: shoin" zo: lha"» ga: wigi nya: cangzoo: yi ri myed: boem.

MARKU 2:15

Hou: thang: ri Yesu gi Levi yhoem: moo voem: zo: nyid. Nya thang: cang da" kheung" khyu: zoo: mo, myoo" sho' we' yooboo yoo" mo, myoo: sho' mo dayham" gi Yesu yo' nya: cangzoo: yi yo" dage" voem: zoo: jang: moo bo zhoung: jo, ago".

MARKU 2:7

He: yug gi khasuwim he: dang: ri voem" tid lha". he: zigi Mangsoo ri juang" zi danghoid. Mangsoo dayug kyeing" yooboo dayo" khyoid byid: ga: myid: sho: nyid ago".

LUKA 18:11

Pharishe phoo gi nyang: kyeing" yab jo, lho: akyu" mho' zigi O"- phoo Mangsoo: we"- Byu goo" ji yi gi vhoo: boo mo adeung amain" mo sube" myi: lhoid mo, za: danghoid. Ngoo koem gi houg bang: yhangti" anghoid yoomo we' thei: da" kheing" khyu: zo: su: ti" anghoid yoomo we' re" da" jeju" ri boin: ga: tid.

LUKA 19:10

Byu nya: zoo: gi byug bye: mo, ri shoo: lho: khyoid yu wa shid' re" ju" ri" bye.

LUKA 19:7

Hau: khyoo: ri myang da" byu yi gi «he: yug gi yooboo yoo" su: da" yhoem: moo theing: wa ga: yhe: loo" bye: nhung» ga: kyiyang myeing ago".

LUKA 5:30

Pharishe" yo" nyangnu" da" byen cang" zheing: nghoid da" tarha" sara: yi gi ciwim wigi nyangnu" gi kheing" khyu: mo, Phung: thu' to" da" yooboo yoo" mo, yo" dage" voem: shoin" zo: boem lha"» ga: nya: cangzoo: yi ri yooboo foin: juang" yi boem.

ACTS 23:9

Nyho: nyid thui: je" gyi: lo nyid wigi Pharishe" shoid khyoo: zheung: bo da- Tarha" sara: yi dayham" bang: gi to' yab, re" boem lho: tid boem zigi ce: noem shoid khyoo: ri ngoonu" amyang - Venyi wigi nghoid la' - anghoid lang" Mauglagyo: wigi nghoid la' - nyang: ri tid nhang: bye" - ga: tid ago".

1Korinthians 2:15

Venyi boo su: koem gi ziyoo jo, moo: jo, da" aphoug" ri yo" phyed' byid: nyid. Nyang: ri koem gi hang" we' aphoug" yo" phyed' byid: zi anghoid.

HEBRE 12:3

Yooboo yoo" mo, wigi atho' tid loo: sho' koid da" anoug angei khyoo: ri hau: Aseing: gi khayhi' gyeing" kham' zoo: bye: da" khyoo: ri nanu" bo myid yu" ge'. Houg: su" nghoid yoomo nanu" moo nheigloem: byo, yoin" gyoeb, gyo" khyoo: aboo goo" baja".