MARKU 2:15 - Lacid Common Language Bible

¹⁵ Hou: thang: ri Yesu gi Levi yhoem: moo voem: zo: nyid. Nya thang: cang da" kheung" khyu: zoo: mo, myoo" sho' we' yooboo yoo" mo, myoo: sho' mo dayham" gi Yesu yo' nya: cangzoo: yi yo" dage" voem: zoo: jang: moo bo zhoung: jo, ago".

MARKU 2:15 교차 참조

MATHE 5:46

Na nu" ri jheddab mo, ri za: jheddab nghoid rigi nanu" ce: akyu" boo wa lha". Kheing" khyu: zoo: mo, we' houg: su" koid: boem bye anghoid goo" la".

MARKU 2:14

Houg: mo nyang doem so" yhe: lo" ri Alphe nya: zoo: Levi gi nya: yung" moo kheung" khyu zung: jo, ziri myang lang" Yesu gi nyang: ri nga" thang: cang shang ga: tid Houg: lang" jang Levi gi to' lho: nya: thang: cang yhe: lo".

MARKU 2:16

Houg: lang: kheung" khyu: zoo: mo, yooboo yoo" mo, yo' dage" Yesu zo: shug nyid ziri Pharishe" bi mo tarha" sara yi dayham" myang lang" nyangnu" gi ciwim wigi yooboo yoo" mo, kheung" khyu: zoo: mo, yo, dage" zo: shug nyid lha".- ga nya: cangzoo: yi ri myid: nyid boem ago".

LUKA 15:1

Damyid" ri kheing" khyu: zo: mo, yo"- sube" byu asoin: lo: mo, myoo" sho' gi Yesu da" dang: tam" gyoo: wa ga: nya: jang" moo zeing: re" boem.

LUKA 6:17

Aseing Yesu gi lagyoo: yi yo" dage" boem tho' mo gyoo" lo lho: janggyoin: moo ju" lo. Hau: joyoo moo cangzoo: yi phung: moo" daphoung: tho' moo gootu: Yuda mung" yo" Yerusalem voo mo we' Panglai gyid mung" yam moo jo, da" Turu yo" Sidon voo mo mo, we' ju" ri" mo, myoo" sho' nyid lang" boem.