MARKU 16:20 - Lacid Common Language Bible

²⁰ Houg: lang" cangzoo: yi gi thu' yhe: lo" lho:-joyoo khyi, khang" moo" moo ngei bu: Ludang cang kho" kyo" lo". Aseing: gi nyangnu" yo' dage" moo" zei: yen" wigi-mau" pho" alhoo: again toin" shid khyo"-hau: mungdang: ri geung: teung jo, nhang. (9. Myiyi yi gi-Petru yo' nya: byen cang" yi jhang yhe: lho: nyangnu" ri tid da" dang: joem dangain" ri leung" khyo" wigi-nyangnu" ri yhe: tid kyo" ago". 10. Hau: thang: ri Yesu nyangnya: cangzoo: yi ri apyaid ato: khyoid' yu da" gyeungshang: zi ngoid dei nyid da" ludang: ri bid thu shoid mo zi bidvang shoid moo ju" sho' yhe: kho" kyoo" wa shid re" nhang: kaid.

MARKU 16:20 교차 참조

MARKU 16:19

Aseing Yesu gi hougsu" ga: cangzoo: yi ri bain tid lang" nyang: gi moug: khung: khyoo: to' yu zi shau" lho: Mangso lo, yo shoid moo zhoung: jo, bye.

LUKA 1:1

Myo, nhoo: bug thu' yoeb bang nghoid da" Thophilu we"- Nyhangnu" loem: khau loem" jeing" da" khyoo: moo" mo apoem: ayang: nghoid da" khyoo: joem ri lhid" too" mo, myoo" sho' bo nyid boem bye.

LUKA 1:2

Houg: yoomo hau: da" khyoo: joem ri myojid" myang da" sagsi: yi nghoid wigi Aseing: Yesu da" khyoo: lu dang: gi, ri kho" kyo" da" byu yi kho" to" ziyo' dakhyoo" ti" Jhoem: mougsoug" sara: yi gi koid: lhid" xoem" to" da" khyoo: nghoid.

ACTS 14:3

Lagyoo: yi gi hau" joyoo moo-myang" sho' zheung: nyid boem wigi Aseing: da" Khyoo: ri agyug avoem loo: za: Kho" Kyo" boem ago- Aseing: gi houg: bang: kho" kyo" khyoo: gi deingmain" khyoo: nghoid ziri sag si: bue" loo wa shid re" mau" pho" alhoo: again yo' koid shug wa da" yoem: ri vhoo" phung" yoeb, ri byid: to.

ACTS 4:30

Noo gi byid: wa shid re re" da" lo, ri yhoin" kaid' byid: we'. Re" da" gyeungshang: dei zoo: Yesu da" myeing khyo"-mau" pho" alhoo: again bue" thu' loo nhang: we' ga: mho' nyid ago".

ACTS 5:12

Lagyoo: yi da" lo, khyo" wigi mung" byu yi da" mo, phung: moo mau" pho" moozoo" joem ri myoo" sho' zei: shug ago". Loem" jeing" bang: dangain" mo, gi Sholumon mug byam" khoug: moo dage" za: foem: phoung nyid boem ago".

Roma 15:19

Houg: su" Mangso: da" mungdang: ri yo" tam" gyo: lo da" khyoo: gi ngoo tid dang: zei so' yoomo we' goo" ki lid toin" shid' da" mau" pho" moozoo" yoomo we' young" gyeing" Venyi: da" yoem: vhoo" yoomo we' nghoid nyid.- Houg: su" nghoid yoomo ngoo gi Yerusalem voomoo" mo Iluri moug: jo yoo khyi khang" moo" moo ju" sho' Khristu da" ngei bu: lu dang: ri kho" kyoo" bye.

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

HEBRE 2:3

Hid: yhi' gyi sheung: da" jeju" mungdang: ri-ngoonu" gi ci: asoin: loo: koid pyam boem nghoid rigi ngoonu" gi khakhyo" wigi yooboo dang: phyed jang" mo khasu" koid se' loid byoin, loo" wa lha". Hau: khyoid yu khyoo: ri xang: shed" moo Aseung da" nhoid mo nyang: tid kyo" lho: shaug" gyoo: bang: gi hau" mungdang: gi deungmain" nyid ziri sagsi: toin" shid nyid boem bye.

HEBRE 2:4

Houg: mo xo' lho: Mangsoo gi nyang: nya: alhoo: again joem- mau" pho" moozoo" aja: ja: toin" shid khyo" we' gyeungshang: da" venyi yo' sen: da" jeju" jhung: shug joem ri nyang: vho: ngei ziyo' dakhyoo" ti"- gam byid: khyo" we' nyangnu" da" sagsi: joem moo poug lung: byid: khyo" we' toin" shid nyid.