MARKU 16:17 - Lacid Common Language Bible

¹⁷ Loem jeung" mo, gi he: da alhoo: again joem ri yo" koid va, nga" myeung khyang" khyo" wigi yu joem ri khaid thu' pyam boem wa nghoid. Hau: lho: goo" ki" lid da" dang: joem ri tid loo goo" wa.

MARKU 16:17 교차 참조

MARKU 9:38

Yohan gi nyang: ri Sara we"- re" myeing khyo" yu khaid thu' pyam nyid su: dayug ri ngoonu" myang. Nghoid loug we' nyang: gi ngoonu" yo' dage" cang yen" su: anghoid. Yoomo- ngoonu" nyang: ri toem pyam khoo, bye"- ga: tid kyo".

LUKA 10:17

Cangzoo: nyhed xe: eig youg bang: gi gye" gau yi ziyo' doem zheing: ju" lo boem lho: Aseing: we"- ngoonu" gi Aseing: da" myeing ri lang: lho: amyeung" byid: lang" yu joem lang" ngoonu" dang: ri tam" gyo: boem ago" ga: lo tid kyo" boem.

YOHAN 14:12

Deing" deing nanu" ri ngoo tid da" zigi ngoori loem" jeing" su: gi ngoo zei: da" moo" ri yo" zei: wa. Hau: tho' re je gyi: da" moo" ri we' yo" zei: wa nghoid. Khasu" wim gari ngoo gi phoo jhang khyoo: loo" wa yoomo nghoid.

ACTS 10:46

Khasu" wim gari nyangnu" gi myeing" aja: ja: kaid' wigi Mangso da" gyi: thang phung" yoeb, ri gyisho' coung" nghei byid: nyid ziri nyangnu" shau" gyo: boem yoomo nghoid da.

ACTS 16:18

Hau: myiyi: nu" gi hougsu" myoo" sho' nyid" nyho: nyid yoomo Polu gi nheig gye" yoo: nau, lo wigi lheung: lo lho: Yesu khristu da" myeing ri lang: wigi ngoo nang ri amyeing" byid: ba- nya: khoug: mo phang: thu' loo" we' ga: hau: akhyeung" da" yu ri tid kaid'. Houg: lang" jang: hau: akhyeung" da": yu gi myiyi: nu" akhoug: mo, phang: thu' lo" byug bye.

ACTS 19:6

Polu da" lo, nyangnu" tho' moo ki" byid: lang" gyeungshang: da" Venyi gi nyangnu" da" atho' moo gyoo" lo wigi nyangnu" gi gooja: myeing" kaid' lo boem lho: Mangso mungdang: ri we' lapi: pe: lho: tid lo boem ago".

ACTS 2:33

Nyang: gi nya: pho, lo, yo shoid' moo zhoung: jo, wa shid re" to' yu zi shau" lho: Nya: pho, dang: soo" khoin" byid: too" bye: ziyo' dakhyoo" ti" Nya: pho jang" mo gyeungshang: da" Venyi ri yo" shau" kham: yu bye. Akhid" nanu" shau" myang ziyo' shau" gyo: nyid khyoo: gi nyang: nga" da" atho' moo foid shoin" byid: da-nya: jeju" jhung: shug nghoid bye.

ACTS 5:16

Yerusalem voomoo" ayam, aqei: mo da" mung" byu yi we' noo phyoo" shau" mo, yo' akhyeung" da" yu vang ci: mo, ri shu" re" boem ago". Houg: bang: dangain" mo, gi noo phyoo" ge, shang lo" byug boem bye.

ACTS 8:7

Akhyeung" yu, vang ci: da" byu yi myoo" sho' mo yu joem gi yoid nyho: lho: phang: thu lo" boem ago' ajoem: shid: mo, myoo" sho' yo' Khyid: yoin" mo, myoo" sho' bang: we' ge lo" boem ago".

1Korinthians 12:10

Hau: Venyi wigi nyang- dayug rigi: mau" pho" alhoo: again yo" koid shug wa da" yoem: vhoo"- gootu: dayug rigi: lapi: wa da" akhang" gootu: dayug rigi- Venyi mo yo" yu da" yoem: vhoo" yo' Venyi khyo" anghoid da" jhung" shug joem ri se' yu" phoid: kho' se' da" yoem: so'- Gootu: dayug rigi:- myeing" aja" ja: se' kaid da" yoem: so' yo' gootu: dayug rigi: tid da" dang: khoin" mo dang: kang: joem ri se' phoid: kyo" da" yoem: vhoo" byid: to.

1Korinthians 12:28

Mangsoo gi hau: da" phung: moo- daloem: ein: jang" moo: Lagyoo: yi-eig loem" ein: joyoo moo gi Lapi: yi- soem" loem: joyoo moo: gi Sara yi hau: thang: ri alhoo: again toin" shid' mo hau: thang: moo: byu gooji ri yo" pang" yo" thoug khyoo: se' toin" shid' mo hau: thang: moo:-noo phyoo" joem ri se' gai gi byid: da" yoem: boo bang- mung main: dang: se' tid da" ludaid' yi yo' gooki" lid' da" dang: aja: ja: se' tid mo, ri we'- nya: joyoo moo: nyid nhang: bye.

1Korinthians 12:30

Nyangnu" dangain" bang: gi noo phyoo" ri se' byang" ge da" jeju" yoo" bang: nghoid la" Nyangnu" dangain" bang: myeing aja: ja: se' kaid go" la" dangain" bang: gi tid nyid da" dang: kang: ri se' phoid: kyoo" bang: nghoid go" la"

1Korinthians 13:1

Ngoo gi byu da" dang: yo' mau lagyoo: yi da" dang- aja" ja: se' tid nghoid loug we'- jheddab nheigloem: abo rigi- baid' myheung da" mang" thui: yo' myeing tei" to" da" shab, sheing: yo' dadu nyid.

1Korinthians 14:2

Gooki" lid' da" dang: ri se' tid su: gi gooji yo' doem' go" nyid zi anghoid. Mangsoo yo' doem' go" nyid zi nghoid. Khasu" wim ga: ri nya: da" dang: ri hang" we' ase' gyoo: byid nyang: gi Venyi yoem: vhoo" yo" sen: lho: dang: kang: no, da"- deingmain" khyoo: ri tid nyid zi nghoid.