MARKU 16:14 - Lacid Common Language Bible

¹⁴ Hau: thang: ri Yesu gi-cangzoo: daxe: dayug kyeing" voem: zo: nyid boem uri nya: gung ri nyid shug. Yesu gi nyang: shid: jang" mo doem dei to'' lo thang: ri nyang: ri shau" myang mo, dang: ri cangzoo: yi aloem boem yoomo-nyangnu" loem jeung" myid abo ziyo' nheugloem: thain: nyid khyoo: ri gyikoid.

MARKU 16:14 교차 참조

GYUNG: SOO" 14:11

Aseing gi Moshe ri «He byumyu" yigi ngoo ri khamyhang ju" sho' ngeug pyam nyid shi" wa la". He: byumyu" yigi nyangnu" akhoug: moo: mau" pho" moo" gye" myoo: sho' ngoo koid shug sho' nghoid loug we' nyangnu" gi khamyhang ju" sho' ngoo ri aloem khoug: loo: nyid boem goo" wa la".

MATHE 11:20

Yesu hau: uri mau" pho" yoem: myoo" sho' toin" shid' bye: da" voogung bang: gi nyang nya: yoo boo mo nheigloem: athid lo boem yoomo hau: da" voogung joem ri hid: su" ga: gyi koid da.

MATHE 17:20

Aseing Yesu gi «Nanu" moo loem" jeung" nheigloem: ngi, yoomo nghoid. Ngoo deung" deung nanu" ri tid zigi nanu" moo loem" jeung" nheigloem: nghang" shi" cab yhi' koo: bo nghoid rigi He: da" boem ri he: joyoo mo zi fo: joyoo khyoo yu: loo" we' ga: tid nghoid ri yu: loo" khari" wa loem" jeung" nheigloem: bo rigi nanu" ayo" koid: wa zi ci" we ajo.

MATHE 28:17

Nyangnu" gi nyang: ri doem shau" myang boem da" uri nyang ri nyangnu" noku boem nghoid loug we' houg: bang: mo da" yham" gi aloem" loem" yang:- danghoid boem ago".

MARKU 7:18

Yesu nyangnu" ri myed:- nanu" we' gootu byu joem ti" ase' gyoo: shi" goo" nhung: lha". tung gung khyo" Nanu" woendong: khyoo: vang lo ja: ce" noem nghoid loug we' Nanu" ri aco' ajhoid ayo" koid zingna nu ase gyoo: goo" la".

LUKA 24:11

Nyangnu" lo" tid kyo" da" dang: joem gi lagyoo: yi shid' re" dang: kang aboo yoomo lagyoo: yi gi agyo: loem" boem.

LUKA 24:25

Houg: lang" Yesu tid zigi lapi: yi kho" kyo" to" da" dang: dangain" ri loem" jeing" wa shid' re" gye" thang: gyo" nyid shi" da" anya, yi we"-

YOHAN 20:25

Houg: yoomo cangzoo: byen cang" yi gi Yesu ri ngoonu" myang bye:- ga: lhoem tid kyo" boem. Thoma gi lo, mo da" ten" zei: baid khoo: yo' nam joug mo da" dam, khoo: ri za: ashau" soeb' yu" rigi ngoo aloem" ga: tid.

YOHAN 20:26

Hau: thang: shed nyid" koo: myang" ri cangzoo: yi gi yhoem: khoug: moo doem zheing: foem: to" boem. Thoma we' dage" nyid. khoem" dangain" ri myhed" too" nghoid loug we' Aseing Yesu gi vang lo wigi nyangnu" da" mo, phung: gung moo yab jo, lho: nanu" moo myenjham" khyoo: dajo, jo, baja" ga: tid.

YOHAN 20:27

Hau: thang: Thoma ri re" lo, nyoug" yo" hid: moo thau" yu" we' nga" lo, joem ri we yu" we' Re" da" lo, yhoin" kaid lho: nga" nam joug moo soeb yu" we' aloem" jeing" loo: loem shoid khyoo: akoid. Loem" jeing" nyid we' ga: tid.

YOHAN 21:1

Hau: thang: ri Yesu gi Tiberi gyid nung" yam moo cangzoo: yi ri nya: gung dalheing: doem thu' shug. Thu' shug da" aved' gi hid: su" nghoid nyid.

YOHAN 21:14

He zigi nyang: shid: jang mo doem dei to'' lo thang ricangzoo: yi ri gung thu' shed da" zigi he: lheing: yo" ri soem" lheing: nghoid bye.

ACTS 1:3

Nyang: shid: kham: thang: ri myed: xi: nyid" agyoo: moo nyang: gi myoo" sho' lheing: lagyoo: yi jang" moo nya: gung ri cang toin" shid lho: nyang: gi dadei nyid khyoo: ri loem' ge" da" sagsi: myoo" sho' yug ri toin" shid too" bye. Lagyoo: yi gi yesu ri shau myang boem wigi-Nyang: gi nyangnu" ri Mangso mungdain khyoo: tid kyo.

1Korinthians 15:5

Petru jang" moo: thu' shug byid: bye- hau: thang: ri cang: zoo: daxe: eig yug bang: jang" moo" thu' myang shug bye.

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.