MARKU 15:32 - Lacid Common Language Bible

³² Ngoonu" shau" myang lho: loem" jeung" wa shid re" Israela khokham" Meshia gi hau" pyang" zeing mo gyoo" loo baja" ga: nyang: cang" nyang" tid go" nyid boem. Nyang: yo' dage" pyang" zeing moo bo jen" tab to" khyangtoug: eig yu we nyang: ri bo juang" nyid ago".

MARKU 15:32 교차 참조

ESAIA 44:6

Israela ri vhoebkhang" wigi goem loem byid: da" Aseing myhang: thang Aseing tid zigi «Ngoo gi xang: shi" su: yo' lo" thang mo su: dayug kyeing" da" Mangsoo- ngoo mo lid wigi yu phara" gootu: anyid.

ZEPHANI 3:15

Aseing gi re" dam ri bain thang loo" nhang: abye: Nyang: re" gyivoo yi dangain" ri we' khaid pyam byid: bye: Israela da" Aseing khokham gi akhid" nang yo' dage" nyid nyid. Ce" gyoug ci' wa khyoo: we' ajo, loo:

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

MATHE 1:17

Houg: su" wigi Abraham da" pyaid mo David da" pyaid ju" sho' daxe: myid: xeig- hau: lho: David da" pyaid mo Babelon mung" moo thung: loung" lo" da" ayo, ju" sho' daxe: myid: xeig- Babelon moo thung: loung" jang mo Khristu da" pyaid ju" sho' daxe: myid: xeig nghoid.

MATHE 27:42

«He: yug ri subi" ri yo" khyoid yu. Nyang: nya: da" gung rigi ayo" khyoid yu nhung: lha"» ga: juang" yi nyid boem nyang: gi Israela byumyu" da" khokham" anghoid la". Pyang" zeing mo akhid" nyang: yo" gyoo" lo nghoid rigi ngoonu" nyang: ri loem boem wa.

MATHE 27:44

Nyang: yo" dage" pyang" zeing moo jen" lhang" to" da" khyangtoug: yi we' houg: yo' dakhyoo" ti" nyang: ri bo juang" yi nyid boem.

MARKU 15:26

Pyang" zeing tho' moo-Yuda yi da" Khokham" ga: nyang: ri yooboo foin: da" dang: ri lhid" tab to" ago".

MARKU 15:27

Houg: su" wigi-nyangnu" gi nyang yo' dage" khyangtoug: eig yug ri we'-nya: lo, yo shoid khyoo: dayug lo, koung" shoid, khyoo: dayug pyang" zeing moo jen" tab to" boem.

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

YOHAN 12:13

Zhainlun seig kyang joem ri khyau" ci: wigi thu' lo" boem lho: Mangso da" myonhoo: phung" yoeb' ri coung" byid: ge' Mangso: da" myeing yo" gyoo" ri" su: gi ngi lho, nyid: baja"- Israela da" khokham" ri Mangsoo: mainkaid byid: baja" o"- ga: yoid' nyho: da" thui: yo"- Aseing Yesu ri lhoem: tau yu boem.

Roma 3:3

Ngoid' loug houg: bang: dayham" gi Mangso: dang: theing khoin" to" myhid' yoomo - Mangsoo: we' nya: dang: theing khoin" to" myhid' bye: ein: tid wa la".

2 TIMOTHI 2:18

Nyang: nu" gi hau: deingmain" khyoo: mo vhang: lo" wigi ngoonu" da" dei to'' lo khyoo: gi bain" bue" lid loo" bye"- ga: tid nyid ziyo' byu dayham" bang: da" loem" jeung" nheigloem: ri lhu: nhung lhu: phyo' byid: pyam' bye.