MARKU 14:61 - Lacid Common Language Bible

⁶¹ Nghoid loug we-Yesu gi dakhoin" we' atu" loo sam" zoo: nyid Houg: lang" khainjung moo" gi-nyang: ri nang gi ngi lho, da" Mangso nya zoo Meshia nghoid la"» ga: doem myid.

MARKU 14:61 교차 참조

COUNG" NGHEI 119:12

Aseing we"- nang ri ngoo coung" nghei nyid. Re" da" khyoo: joem ngoo ri jhoug" byid: we'.

COUNG" NGHEI 2:7

Khokham phoo ri «Aseing khasu" ga: tid nyid da" khyoo: ri ngoo tid fu" byid: wa zi nghoid» ga: tid. Hau: lho: nyang: gi ngoo ri ‹nang gi nga" zoo: nghoid nyid da:. Akhid" nyid" ngoo gi re" phoo bue" nyid bye:.

COUNG" NGHEI 39:9

Nang gi ngoo ri hid: yhang: te" da- phu" zo: khyoo: shoug" nhang: su: gi nang nghoid nyid yoomo ngoo dang: dakhoin" we' atid- sam" zoo: tam" too" wa.

ESAIA 53:7

«Nyang: gi anoug akhyoid koid zi shoug" nghoid loug we' hau: ziri nyhoem: khyo' wigi zeing: kham bye:. Nyang: gi khanham we' dang: dakhoin' atid. Said pyam wa nghoid da" yang nu" yhang: ti" Yang moug" yham" wa nghoid da" yang yhang: ti" nyang: gi khanham we' dang: dakhoin" atid nghoid da:.

MATHE 16:16

Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

MATHE 8:29

Nya: eig yug gi «Mangso da" nya: zoo we"- nga" eig yug nang yo" cisen: lha". ayo, aju" shi" ri nga" eig yug ri shen" wa ein: nang ju" re" la"» ga: wigi nyho: tid ago".

MARKU 14:60

Houg: lang" khainjung moo" gi-mo, phung gung mo to' yab lho: Yesu ri nyangnu nang ri yooboo foin: nyid ri nang dakhoin" we' aphoug tu" rhe".

MARKU 15:2

Pilaid gi Yesu ri-nang gi Yuda kho' kham" nghoid la"» ga: myid:- Houg: lang" Yesu gi nyang ri-houg: gi nang tid zi deung ga: phoug tu"-

YOHAN 1:34

Houg: su" tid to" ziyo' dakhyoo" ti"- ngoo shau" yang bye. Houg: yoomo ngoo nanu" ri tid ba- nyang: gi Mangso da" nya: zoo: nghoid.

YOHAN 10:24

Hau: uri byu yi gi Yesu ri re" lheung: khoem, ci: lho: nang gi kha: myhang myang" sho' ngoonu" ri nheigloem: soin: yau: nyid nhang: wa lha". nang gi Meshia anghoid la".- ngoonu" ri bang bang tid kyoo" we' ga: myid: boem.

YOHAN 10:36

Phoo gi ngoori khyen: yu lho: he: mougmyid khyoo: nhang: kaid. Houg: su" nghoid yoomo Ngoo gi Mangso da" nya: zoo: nghoid ein: tid da" uri Ngoo gi Mangsoo ri shoid da" dang: tid ein:- nanu" khasu" koid; yo" tid go" lha".

YOHAN 18:37

Pilaid khokham" gi houg: su" nghoid rigi ‹‹Nang gi khokham" nghoid la".» ga: myid. Aseing Yesu gi Ngoo gi nang tid ziyo' dakhyoo" ti"- khokham" nghoid. Ngoo gi deung main" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deungmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo.

YOHAN 19:7

Meing: byu phung: moo" gi He: yug gi nya: da" gung ri Mangso da" nya: zoo: nghoid ga: tid yoomo shid: dam kham: moin: da" khyoo:- ngoonu" da" tarha" moo bo nyid; ga: tid nyid boem.

YOHAN 19:9

Houg: yoomo yhoem: khoug: khyoo: doem vang lo" lho: Aseing Yesu ri Nang gi kha: mo re" zi nghoid lha"» ga: doem myid. Nghoidloug we' Aseing Yesu gi jed' we" aga: loo: tam" to.

ACTS 8:32

Nyang: nghab nyid da" jhoem: dang: gi he: zi nghoid- " Said pyam' wa da" " yang r ri yhang: ti" nyang: ri shu" yhe: lo" ago". yang moug" yham" uri tam" to" da" yang nu" yi' dakhyoo" ti" Nyang: gi dang: dakhoin" we' ameing nghoid da.

1 TIMOTHI 1:11

Hau: jhau" mho' da" khyoo: gi myonhoo: phung" yoeb, bo lho: wigi ngi lho, da" Mangso jang" mo, ngei bu: lu dang: yo' dakhyoo" ti" nghoid- hau" ngei bu: dang: ri tid fu" wa shid mo Mangsoo gi ngoori ab, byid: too' bye.

1 TIMOTHI 6:15

Dayug kyeing" nghoid lho: myonhoo: phung" yoeb, bo wigi vhoeb, khang" nyid da" kho: kham" yi tho' mo khokham" Aseing: yi tho' mo Aseing:- Mangsoo gi ayo, akhyeing: ju" lang" Aseing Yesu ri dalheing: doem thu' myang: loo wa zi nghoid nyid.

1PETERU 2:23

Nyang: ri subi" juang" yi nyid uri-ce" dang: dakhoin" we' aphoug tu"- nyang: ri dam kaid' shen" yhen lo da" uri kyoug nhain' wa da" dang: atid- deingmain" tarha" dang: phyed' wa da" Mangsoo moo nheig byu loem" jeung" nyid.