MARKU 14:5 - Lacid Common Language Bible

⁵ Hau: xu: ri ngei soem" shoo: kyab mo oung" pyam lho: myoung shoo" mo, ri yo" gam byid: zi nghoid da:- nyang: cang" nyang: lu wim, go" nyid ziyo' hau: myiyi: ri yooboo foin: ago".

MARKU 14:5 교차 참조

COUNG" NGHEI 106:25

Nyangnu" gi nyangnu" da" zoem" moo: zheung: loung" jo, lho: nheug yo: myeung myhu" go" nyid ago". Aseing da" amyeing" dang: ri: we' anau tam" gyoo: loo: nghoid ago".

MATHE 18:28

«Nghoidloug hau: yug gi houg: mo thu' lo" da" uri nyang: ri ngei jhen: daxoo: dab da" nya: byen cang" dage" moo" zoem" voin, su: yo" thoung" shau" goo" lang" hau: jhen: dab su: da" leingzeing: moo gya, zeing ci: lho: wigi nang ngoori byid: ca" da" jhen: myab xab' we' ga: nhain.

MATHE 20:11

Houg: su" nyangnu" gi ngei yo" yu boem lang" khyam: seing: ri myeing" myo: boem ago".

MATHE 26:9

Khasu" wim gari he: da" moora: xu: ri ngei myoo" sho' mo oung" pyam lho: sho" jhen mo, ri gam byid: ri ge» ga: tid ago".

MARKU 14:4

Hau: khyi moo nyid mo, dayham" gi hau: ziri nheig yu" yo: lo lho: cenoem wim hau: xu: ri amyid afoo" koid pyam' lha". ga: nyang: cang" nyang: tid go" nyid.

MARKU 14:6

Houg: lang" Yesu gi nyang: sam: zoo: nyid baja"- nanu" nyang: ri ce: noem wim goin, jang nyid go" lha". nyang: gi ngoori ge da" moo" zei: byid: bye.

LUKA 15:2

Hparishe yo" tarha" sara: yi gi He: yug gi subi" byu asoin: lo mo, ri kham: yu lho: nyangnu" yo" dage" zo: shug nyid boem nhung lha"» ga: gei sang: go" nyid boem.

YOHAN 13:29

Yuda gi ngei thung: zoem su: nghoid yoomo pui" shid' re" yhoug: gyen: da" zi qei wa ga: la' shojhen: mo, ri gam byid: wa shid' re" la'- Yesu dang: pyeung: nyid sam" ga: cangzoo: yi dayham" jho: nyid boem.

YOHAN 6:43

Yesu phougtu" zigi noo: ge' nanu" nyang: cang" nyang: angeig go" nyid goo.

YOHAN 6:7

Philib phougtu" zigi byu dayug ri zoo: noem dajhi' jhi, yo" gam zhoo" sho' gi ngei eig shoo: kyab koo: mo qei ri datham: wa zi nghoid›› ga: wigi phougtu.

1Korinthians 10:10

Nyangnu" dayham" bang: gi nheig yoo: nheig jhug koid boem yoomo shid: zau: lagyoo: pho, da" lo, yo' lhu: phyo' shoin' pyam zi shau" boem yhang: ti ngoonu" gi nheig yoo: nheig jhug akoid' goo ja.

Ephesu 4:28

Lhoung khau" yu" su: gi khau" da" moozoo" ri to" pyam' lho: adoem khoug" loo goo"- ca" yo nyid bang: ri yo" pang" thoug sho' nyang: nya: da" lo, yo' deingmain" da" voem: doug: khu: da" moozoo" ri zei: shid" lo" boem loo: ge'.

TARHA" TID POIN" 1:27

Nanu" dayug yo' dayug nu go" nyid zigi ‹Aseing gi ngoonu" ri ngheing" abye:. Ngoonu" ri Amori byumyu" yi wigi said pyam baja" ga: he: Amori byumyu" yi lo, moo ab byid: wa shid re" nyang: gi ngoonu" ri Egutu mung" mo shu" thu lo zi nghoid da:.

PHILIPI 2:14

Nanu" koid ca" da" moozoo" ce" ja" khyoo: ri we' ngeug go" lho: nheig yoo: nheig jhug akoid nyid goo.

YUDA 1:16

He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.