Jhoem: mougsoug" moo lhid" to" ziyo' dakhyoo"- byu nya: zoo: gi shid: kham: wa zi nghoid- nghoid loug we' byu nya: zoo: ri gyivo lo, moo ab byid: pyam su gi byu xuid" vooyoem: lo" zi shau" wa nghoid-hau: yug gi akhu: re" nghoid ri-nya: shid mo je; gi zi nghoid-ga: tid.
Yesu houg: su" da tid nyid shi" uri daxe: eig yug moo bo da" Yuda gi khainjung agyi moo" yi tarha" sara yi yo' Ludaid vhu" jhung: yi wigi nhang: kaid da-sham: lham: ci: da" byu phung: moo" yo' dage" ju" ri" bye.
Houg: su" ga: Yesu dang: da tid nyid shi" uri nyang:- byu phung: daphung: jure" boem bye. Cangzoo: daxe: eig yug moo boo su:- Yuda gi houg: bang: ri shu" vhu" she: re. Nyang: gi Yesu ri boobug bug wa ga: yu: tain" re.
Yesu gi he: zooyho' daloem: ri xoin" khu, moo joem lho: ngoo byid: su: gi hau: yug nyang: nghoid bye: ga: tid kyo. Hau: thang: ri zooyho' dakhyi ri xoin" khu, moo joem lho: Simun Iskarud da" nya: zoo:- Yuda ri byid.
Simun Iskarud da" nya: zoo:- Yuda gi cangzoo: daxe: eig yug moo boo nghoid loug we' Aseing: ri gyivoo yi lo, moo ab pyam wa su: nghoid yoomo hau: yug ri yeing lho: hid: su" ga: tid zi nghoid.
