MARKU 13:8 - Lacid Common Language Bible

⁸ Da moug: yo' da moug: mungdain: daloem: yo' daloem:- gyi zain: go" lo boem wa. Joyoo khyikhang" moo" moo myid leig we' leig loo wa. Zoo yoid phang" khoug we' ju" loo wa. He: gu: gi yaukhe" lo da" ashid" shi" nghoid nyid. Hau khyoo: gi zoo: khu: wa ri xang shid" no shid" zi yo' du nyid.

MARKU 13:8 교차 참조

2 KHOKHAM MHOOMYID: 15:6

Byumyu" damyu" gi gootu: damyu" ri zeig zoo: ago". Voomoo" daloem: gi gootu: daloem: ri zeig zoo: ago". Ciwim gari Mangsoo gi nyangnu" adang moo yau: khi" yo' nheigloem: amyen zi ju" ri" nhang: da:.

COUNG" NGHEI 48:6

Nyangnu" gi hau: khyi moo zookhu: wa soin wigi zookhu: noo no nyid da" myiyi: myhi' yhang: ti" atho' tid lo: da" uglid zoo" moo mhoo: khyoo: foo: khyoo: she: thoung" kam" yen" da- sangphoo lhid yo' dakhyoo" ti" gyoug nain" ziyo' yau: khe" kyi" khyeug zi thoung" shoug" nyid ago".

ESAIA 19:2

Aseing tid zigi «Ngoo gi Egutu mung" khoug: moo gyipui" lhu: zhuang" to' kaid wigi nya: mang: nya: nhung" nyang: cang" thougtheung gyi koid lho: yhoem: kyoo" cang" nyang: cang" thougtheung gyi bui" nhang: wa. Shi' go" nyid da" voomoo" joem ri nyang: cang" gyi zain: nhang: wigi shi' go" nyid da" khokham yigi yoem: so' shid re" yoem: kaid ri" goo" wa.

ESAIA 29:6

Myhang: thang Aseing gi thain: da" mougkhung: lid yoem: yo' myid leig leig ziyo' nanu" ri khyoid yu goo" wa. Nyang: gi uglid yo' myi: ri khyo' kaid wa.

ESAIA 37:3

He: zigi Esaia ri yhe: tid kyoo" wa shid re" nyangnu" ri nyang: tid kaid da" mungdang: nghoid. Hau: zigi «Akhid" nyid" gi yau: khi" kham zoo: da" bidnyid nghoid. Ngoonu" gi yooboo dam byid: ziyo' ngi: yoem" zi shoug" bidnyid nghoid. Ngoonu" gi zooshang: khu: wa jen" jen" nghoid nyid da" myiyi: myhi' yo' du. Nghoid loug we' hau: zooshang: khu: wa shid re" yoem: aboo nghoid da:.

YEREMIA 13:21

Re" bidnoem yi ein: nang myid loem nyid da" bang: wigi nang ri meing: zain: oung: pyam lho: re" adang moo vhoeb zo: boem ri nang khasu" ein: tid wa la". Nang gi zookhu: nyid da" myiyi: yo' dayhang: ti" noo wa zi nghoid.

YEREMIA 22:23

Nanu" gi Lebanon mung" mo de" lo da" shamu gam joem agung moo goem loem zi shau" boem wa. Nghoid loug we' myiyi: dayug zoo: khu: noo no yhang: ti" Kyi" khyeug kham zoo: ziri nang shoug" lang" nanu" gi khayhi' kyi" khyeug shoug" su: nghoid la".

YEREMIA 25:32

Myhang: thang Aseing gi byumyu" damyu" thang: damyu" adang moo yau: khe" kyi" khyeug zigi ju" lo nyid wigi uglid gi ve: da" mougthang: moo foem: jo, ago".

YEREMIA 4:31

Ngoo gi zookhu: noo no nyid da" myiyi: dayug kyi: ngoug ziri shau" gyo:. Zooshid" ri khu: nyid da" myiyi: dayug kyi: nyho: nyid da" thui: yhang: te" ziri shoug" gyo. Hau: zigi so' moo" she: nyid da" Yerusalem da" ngoug myheing" thui: nghoid da:. Nyang: gi nya: lo, ri yhoin" kaid wigi «Ngoo gi joem: bye:. Nyangnu" gi ngoo ri said pyam wa ga: re" lo nyid bye: go"» ga: tid nyid da:.

YEREMIA 49:24

Damasku byu yigi yoem: neing: lho: gyoug dain lho: phang: lo" ago". Nyangnu" gi zookhu: noo no da" myiyi: dayug yhang: ti" no wigi kyi" khyeug shau" ago".

YEREMIA 50:43

Lu dang: joem ri Babelon khokham shau" gyo: wigi Nya: lo, byau" lhang" to" da:. Nyang: gi myid myo: oung: lug ziyo' we' Zookhu: noo no da" myiyi: dayug yhang: ti" no ziyo' we' oung: pyam shau" da:.

YEREMIA 6:24

«Ngoonu" gi lu dang: shoug" gyoo: bye:» ga: Yerusalem voobyu yi tid ago". Hau: thang: «Ngoonu" lo, joem gi gyau: byug bye:. Ngoonu" gi zoo: khu: no da" myiyi: dayug yhang: ti" no khe" ziyo' byeung" jo, da:.

HAGI 2:22

Khokham mungdain: dangain" ri we' tu: mhug sain" khyo' pyam wigi nyangnu" da" yoem: so' ri we' thang loo" nhang: wa nyangnu" da" gyi rheing" joem yo' houg: moo zhung: mo, dangain" ri tu: sain" pyam byid: wa zi nghoid. Myang: joem we' shid: lo" boem wigi myang: jui: mo, we' nyang: cang" nyang: said go" lho: doem thang lo" byug boem wa.

ZEKHARIA 14:13

Hau: bidnyid moo Aseing gi nyangnu" ri vhu" nhung nhung nhang: lho: gyoug dain nhang: wigi nyang: cang" nyang: zei: go" ci: lho: zain: goo" nhang: wa zi nghoid.

MATHE 24:8

He: da" khyoo: dangain" gi Zoo: khu: wa su:- bidnyid ju" wigi no shid" re" ziyo' dadu nyid.

MARKU 13:7

Jhang moo vi moo gyi khaid meing: byo, ludang: shau" gyo: lo uri nanu" myid amyoo goo"- hau: gu: gi bue" loo ca" nyid nghoid lug we houg: gi lo" thang ayo, gi anghoid shi".

MARKU 13:9

Nanu" koem gi nyang: tu: nyang: lhid' lho: nyid ge' nyangnu" gi nanu" ri mheug yu lho: tarha" yung" khyoo: ab pyam boem wa tarha" jung moo nanu" ri baid boem wa zoug: yi yo' kho: kham" yi ri-ngeibu: ludang: tid kyoo" wa shid mo ngoo yoomo nanu" gi nyangnu" da" shid khoin" moo shau" yab jo, boem wa.

ACTS 11:28

Nyang: nu" mo Agabu ga: su: gi to' yab, lho: gyeungshang: da" Venyi yoem: so' khyo" wigi moug: myed gyab, goin" moo phang" khoug gyo" loo wa zi nghoid- ga: wigi lapi: pe da. (Hau: da" phang" khoug moo" zeing gi Roma khosen: kolodi da" apyaid' moo gyeing" nyang: bue" loo bye.)

1THESALONI 5:3

Byu yi gi jo, moo jo, myenjham" lho: wigi gau: nyu: bye ga: tid goo" wa zi nghoid- houg: su" ga: tid uri -zoonu" gung nghoid su: gi zoo: khu: wa shid' re" bidnyid noo no re" yhang: ti"- ci: amyid' too" lo: za: hau: byo, yoin" lo" khyoo: gi nyid' dain' tung nanu" jang" moo ju" loo wa zi nghoid wigi byu yi gi hang" we' yo" loid, loo' wa zi anghoid.

Pang Shug 6:4

Houg: lang" myang: ni, dadu: doem thu lo- hau: myang: tho' moo zhung: su: gi nyang: cang" nyang: said' go" lho: mougmyid tho' moo meing: byo, gyi thu' loo nhang: wa shid re" yoem: vhoo" yoem: so' byid: to"- sham: moo" dacam" ri we' nyang: ri ri byid: too" bye.