MARKU 13:19 - Lacid Common Language Bible

¹⁹ Khasu" wim ga: ri Mangsoo phain" to" da" moug myid jo, shid" jang" mo akhid" nyid" ju" sho' abue" yu" shi" ziyo' thang" phyang" kha" nham we' abue" yu" loo wa da" yaukhe" kyi" khyeug khyoo: gi hau: bidnyid gyoo: moo bue" thu loo wam bye.

MARKU 13:19 교차 참조

NGOUG JI: 1:12

Nyang: gi nya: anam khyo" so" lid: lo" da" yugkhang" moo" ri «Ngoo ri yu" yu" ge'. Nga" noodam yhang: te" zigi khanham hang" we' ashau" yu" shi" goo" wa. Aseing nheig joem: yo: da" bidnyid moo: ci: loo byid: da" dam noo nghoid» ga: lhoem: yoid ngau kyo" nyid.

NGOUG JI: 2:13

O" Yerusalem we"- ngoo jheddab thang da" Yerusalem we"- ngoo khasu" se' tho' tid loo: wa lha". Ngoo khasu" nang ri nheig yo" teing byid: wa lha". Hid: yhang: ti" hang" dayug we' yo" kham' zoo: wa zi anghoid. Nang byo, yoin" lo" zigi atho' ke' da" Nammugdara yhang: ti" thang ga: zi ajo, yoomo ge bui" wa da" nheig byu jang: ci: we' ajo, loo.

NGOUG JI: 4:6

Nga" mung" byu yigi Mangso lo, khoug: moo: nyeigdain tung" gyoeb, gyo" lo" da" Sodom voo moo: nyid mo, tho' re" je" gyi: dam xo: yooboo dam ri loem zo: ago".

DANIELA 12:1

Zin: yung" pain" byimi void ci: da" moug: lagyoo: tid zigi «Hau: ayo, moo re" byumyu" yiri lhoug zung" da" moug: lagyoo: moo" Mikhaela gi nyid thu loo wa. Hau: thang: hau: zigi yau: khi" ayo, nghoid wigi byumyu" yi xang: shi" nyid re" da" ayo, mo zi akhid" ju" sho' moo yau: thang nghoid wa. Hau: ayo, ju" lo ri Mangso da" mougsoug" pug moo myeing lhid" to" da" re" byumyu" yi dangain" gi khyoid yu zi shau" boem goo" wa.

DANIELA 9:12

Nang gi ngoonu" ri yo' ngoonu" da" vhoebkhang" bang: ri koid wa ga: tid to" ziri koid bye:. Nang gi mougmyid tho' mo voomoo" goo" loem: tho' je wigi dam xoo: sho' Yerusalem ri yooboo dam byid: abye:.

DANIELA 9:26

Houg: lho: hau: ayo, thang loo" yo, ri Mangso wigi khyen: to" da" vhu" shi: su: ri atarha" da" khyo" said pyam loo goo" wa. Voomoo" yo' Noku Yhoem: Moo" ri yoem: so' gyi: da" moug: jhen" gyizoug: dayug mo phyo' shoin' pyam loo wa. Lo" thang ayo, gi dagyid je: re" yhang: ti" ju" lo lho: Mangso soin' to" da" meing: zain pui" yo' phyo' shoin' ziri bue" thu ri" nhang: wa.

YOELA 2:2

Hau: bidnyid gi moug: doeb lho: no, seing" kyid: ziyo' moug: coid lo wigi jhoemmoug" nheung: da" bidnyid nghoid. Boem tho' moo moug: coid nghoeb lo yhang: ti"- jhenkhyeug phung: moo" zeing dang: ju" loo bye:- houg: te" zigi khanham we' abue" yu" shi"- he: thang: nab we' khanham we' doem bue" loo wa zi anghoid.

MATHE 24:21

Khasu" wim gari hau: da" bidnyid moo gye" gyi: da" sho" jhen yau: khe" da" bidnyid ju" loo wa. Houg: yhi' gyeing" da" koug shu: yau khe" da" bidnyid gi Moug thu' xang: poin: mo he: gu: moo byu xangsu: yi khanham we' athoung" shau" yu shi" da" jam joug nghoid. Thang: phyang" khanham we' shau" yu" lo: boem wa anghoid.

MARKU 10:6

Jhoem mungdang; moo tid ziyo' dakhyoo" xang: shid" mo phain" so: to" uri gi Mangsoo gi yug gi yo" myi yi: ri phain" so: too" bye.

MARKU 13:18

Hau: ayo' gi ngam" yo' ri anghoid wa shid mo Mangsoo ri akyu" mho' nyid ge'.

MARKU 13:20

Houg: yoomo ayo' bidnyid yi ri Aseung wigi ashoung" pyam byid: nghoid rigi hang" we' yo" dei nyid wa zi anghoid. Nghoid loug we' nyang: khen: yu too" mo, shid mo hau: bidnyid joem ri nyang shoung" pyam byid: wa.

TARHA" TID POIN" 28:59

Nyang: gi nanu" yo' nanu" da" amyed ashen yi adang moo ayo" byang" ge da" noophyoo" yo' khanham we' ayo" toem' pyam da" gyoug pho" yoem" ri nhang: kaid byid: loo wa.

TARHA" TID POIN" 4:32

«Nanu" akhu: shi" lid lo da" ayo, mougmyid dang moo Mangsoo byu ri phain" so: ayo, dangain" ri joeb ca: yu" we'. Mougmyid gyab goin" ziri joeb ca: yu" ge'. Hid: yhi' gyi: sheung: da" moo"- shid phyang" bui" yu" bye: go" rhe". Hid: yo' du ziri hang" gyo: yu" bye: go" lha".

Pang Shug 7:14

" Aseing: we" ngoo ase' Nang dase', ein: ngoo phoug tu". nyang: ngoori tid zigi " Houg: bang: gi sho" jhen: jamjau shen" yhen gyoug pho" akhoug: mo loid byoin thu' loo mo, nghoid- nyangnu" da" byisheing: joem ri yang nu" da" suid" wigi moin: phyu: sho' bain ced" phyu: boem bye.