MARKU 12:36 - Lacid Common Language Bible

³⁶ Re" gyivoo joem ri re" khyid: voo: khoug moo ngoo atoo" byid: byid: gi nga" lo, yo shoid moo dazhoung: jo, we' ga: hau: Aseing: gi nga" Aseing: ri tid da:› ga: David gi gyeungshang: Venyi: vang lho: tid da.

MARKU 12:36 교차 참조

2 SAMUELA 23:2

Aseing Venyi gi nga" gung khyo" wigi dang: tid nyid. Nya: mungdang: nga" nhoid moo bo nyid da:.

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

COUNG" NGHEI 110:1

Aseing gi re" gyivoo joem ri re" da" khoovoo khoug: moo: kaid pyam da" ayo, ju" sho' hid: nga" da" lo, yo shoid moo: zhoung: jo, we' ga: wigi: nga" Aseing khokham pho ri tid bye:.

MATHE 5:35

Myidjang: myeing yu lho: we' jham' age tang:- houg: gi Mangso da" khyid: theing jang: nghoid. Yerusalem voogung ri we' anghoid. Houg: gi khokham" zeing da" zhung: tang nghoid.

ACTS 1:16

Nga" Mang: nhung" yi we-Yesu ri myheug mo, ri khyoo: shu" shed su- Yuda yo' sen: lho: wigi gyeungshang: da" Venyi khyo" David da" nhoid mo tid to" da-Jhoem: mungdang: gi zung: loo wa zi nghoid bye.

ACTS 28:25

Houg: yoomo nyang: cang" nyang: aveing" goo" loo: za: thu' lo" nyid boem da" uri Polu doem tid zigi Lapi: Esaia nhoid khyo" gyeungshang: da" Venyi wigi nyangnu" da" phoug" phyid" yi ri tid da" dang: gi gye" nyang: jo, da" dang: nghoid.

1Korinthians 15:25

Khasu" wim ga: ri Mangsoo gi gyi phung dangain" ziri: oung: lo" lho: Nya: da" khyid: voo: khoug: khyoo: kaid pyam da" ayo, ju" sho'- Khristu gi vhoeb khang" nyid wa zi nghoid.

2 TIMOTHI 3:16

Hau: jhoem: mungdang: dangain" gi Mangsoo nyang: yoem: foin: byid: ziyo' lhid" to" zi nghoid yoomo deingmain" khyoo: ri jhoug" byid: wa ziyo' shoid vhang; khyoo: ri we' yoobo toin" shid' gyikoid lho: jhoug" byid: nyid. Shoid vhang: lo" khyoo: ri so' koid so' nyheung wa ziyo' jo da" kangso' dei khyoo: moo jhoug" byid: mhoo, byid: wa shid re" akyu" bo.

HEBRE 1:13

Mangsoo gi nya: moug: lagyoo: yi ri doem tid zigi " Re" da" gyivoo joem ri re" da" khyid: nang: wa da" tang khug ngoo bui" nhang: jang" moo ju" sho' nga" lo, yo shoid moo dazhoung: jo, shi" we' ga: wigi kha: moug: lagyoo: ri we' khanham we' atid yu".

HEBRE 4:7

Houg: su" yo" kham: yu da" khyoo: ri (akhid" nyid" ga: da" bidnyid goo" nyid" Mangsoo: doem nyheung xoem" too" byid: bye, ga: da" khyoo: dakhaid yo' sagsi: toin" shid ' nyid. Aseing: gi jhoem: mungdang: moo tid too" bye: ziyo' dakhyoo" ti"- zain, void, gye" myang" thang: ri David da" nhoid yo') Ngoonu" khuid" nyid" nya: da" thui: shau" gyo: boem nghoid rigi nanu" u" loem: athain: nyid loo: goo".

1PETERU 1:11

He: da" khyoid yu khyoo: gi kha: yo' kha: khyeing: mo: ju" ri" wa zi we' ce: ja: ce: khyoo" re" bue" thu' loo wa ziri se' loo" wa shid re" phoid: sho: yu" boem bye. Nyangnu" da" akhoug: moo bo vang zei: nyid da" Khristu da" venyi gi Yesu shau" kham' zoo: wa dam shid' re" we' haugsu" bain' kham zo: da" thang: ri shau" kham' zoo: wa da" myonhoo: phung" yoeb, ri we' no re toin" shid' to" uri he: da" ayo, ri toin" shid zi nghoid nyid.

2PETRU 1:21

Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".