31 Eig loem: ein: loem: gi re" yhoem: kyoo" cang" ri nanya: gung yo' dakhyoo" ti"- jheddab ca"-ga: zi nghoid. He: eig loem: tho' moo je gyi: da" amyeing" tarha" gi ajo, loo: ga: tid kyo".
Dayug yug ri afain" zoo: goo". Anghoid lang" nya: jonu" ri alhoid yu goo". Nang vhoo" kung: lhung: to" yug da" vhoo" kung: phoug" ri azei zeing ci:. Damyen koo: we' azei zeing ci:.
Hang" ri we' latoo: aphug goo". Anghoid lang" nyang: ri angheing" nyid goo". Re" yhoem: kyoo" cang" ri nanya: gung yhang: ti" jheddab nyid we'. Ngoo Aseing nghoid.
Eig loem: moo gyi: thang da" tarha" gi ‹re" yhoem: kyoo" cang" ri nanya: gung yo" dakhyoo" ti" jheddab we'› ga: da" tarha" nghoid.
«Subi" nanu" ri pang" thoug byid: wa nanu" vho: nyid ziyo' dakhyoo" ti"- subi" ri we' nanu" cang pang" thoug ge'. Hau: da" zigi toung: to" da" tarha" yo"- lapi: yi da" dang: gung nyang: nghoid bye.
Houg: lang" hau: da" tarha" sara gi Yesu ri nghoid bye- Sara we"- Mangsoo gi dayug kyeung" zi nghoid nyang mo jain lho:-gootu: phara" aboo loo: ga: zi gi deung nyid.
Hau: yug tid zigi Re" da" Aseing: Mangsoo ri Re" nheigloem: soo zoo: dangain"- Re" yoemso' dangain"- re" nyain: phajhi" dangain" yo' jheddab we'. Re" yhoem: kyoo" cang" ri nanya: gung yo' dakhyoo ti" jheddab we' ga: doem tid.
Khasu" wim gari re" yhoem: kyoo" cang" ri nanya: gung yo' dakhyoo" ti" jheddab we' ga: byid: to" da" dang: dakhoin" ricang pyeung ziyo' toung: to" da" tarha" dangain" ri bain' cang zi bui" bye.
