MARKU 12:24 - Lacid Common Language Bible

²⁴ Houg: lang" Yesu gi nyangnu" ri nanu" gi jhoem: mougsoug" yo' Mangso yoem: so' ri asi yoomo shoid vhang: nyid boem anghoid goo" rhe" ga: myed:.

MARKU 12:24 교차 참조

APOEM AYANG: 18:14

Aseing moo age bue" zi ci: jo, lha"- ngoo deing" deing tid zigi akhid" mo lhammoo" goug: khyab lang" ngoo doem tau" ri" wa. Sara gi yuggi zoo: dayug ri yoo" wa nghoid» ga: tid.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

ESAIA 26:19

Ngoonu" byumyu" mo shid: bye: mo, gi doem dei loo wa. Nyangnu" manggung joem gi kangso doem bo loo wa. Nyangnu" loeb boug joem moo yhoeb jo, bang: dangain" gi boin: gyeing: to' re" wigi gau yi jikhoin" khoin" loo goo" wa. Nghain: joem gi myidgung ri jhu' nhang: ziyo' dayhang: ti" Aseing gi goonham' mo shid: jo, bang: ri doem dei loo nhang: wa.

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

YEREMIA 32:17

«Yoem: moo" bo Aseing we"- re" gyi: sheung: da" yoem: so' yo' yoem: moo" wigi mougkhung: yo' myidjang ri phain" so: to" da:. Re" shid re" ce: ja: we' gye yau: zi ajo, nghoid da:.

DANIELA 12:2

Shid: loo" bye: da" bang: mo myoo" sho' bang: gi doem dei to' loo goo" wa. Dayham" gi ngei pyoo: tung" apyaid ato: kangso' yo" yu boem wa. Houg: lho: dayham" bang: gu gi yau: khi" yo' wigi apyaid atoo: da" jeju" ashau" kham zoo: wa.

HOSEA 13:14

Ngoo gi he: byumyu" yiri shid: moug: mo akhyoid yu wa. Shid: da" yoem: so' mo we' nyangnu" ri akhyoid yu wa. Shid: ziyo' re" lang: yoem" ri xo' bui" nhang: we'. Shid: moug: we"- re" da" phyo' shoin' ziri xo' bui" nhang: we'. Ngoo gi he: byumyu" yiri nheig akhyeug loo: wa.

HOSEA 6:2

Eig soem" nyid" agyoo: moo nyang: ngoonu" ri yoem: seig kaid byid: wa houg: lho: ngoonu" gi nya: shidkhoin" moo yo" nyid loo wa.

HOSEA 6:6

Ngoo gi nanu" da abei abyo, da" jheddab myid ri vho da:. Nanu" da" gougnyhoug xoin" ri avhoo:. Ngoo nga" byumyu" yi wigi ngoo ri nghe' ngei" xoin" to' byid: tho' nga" byumyu" yi wigi ngoo ri se boem wa zi je vho: da:.

HOSEA 8:12

Ngoo gi hau: byumyu" yi shid re" atho' nghab loo: sho' nghoid da" jhau" shed dang: joem ri lhid" byid: nghoid loug we' nyangnu" gi hau: ziri amyang yu" da" byumyu"- tungbau yo' dakhyoo" ti" ngeug pyam ago".

MATHE 22:29

Yesu nyangnu" ri «nanu" gi jhoem: dang: yo" Mangso yoem: so' ri ase' gyo: boem. houg: su" nghoid yoomo myid shoid nyid abye: go.

MARKU 10:27

Yesu gi nyangnu" ri tu: yu" lho: hau: zigi byu khyo" age bui"- nghoid loug we' Mangsoo khyo" gi ge bue" da- ja: khang: moo" gi Mangso shidre ge bue" khyoo: za: danghoid.

MARKU 12:23

Shid: jang" mo doem dei to'' lo da" bidnyid moo hau: myiyi: myhi, gi kha: youg da" yhoem: seing: myhi' nghoid wa lha". khasu" wim ga: ri nyang: nham: ho, nyhed yug goin"- hau: myiyi: ri loxo' boem byenyang: nham: ho, nyhed yug goin"- hau: myiyi: ri lo, coem xo' nyid lo boem abye: go"- ga: tid ago".

MARKU 12:25

Khasu" wim ga: ri shid: loo" mo, doem dei to' lo da" uri rigi nyangnu" gi myi: yu myi: byid: zi akoid loo goo" wa nyangnu" gi moug: khung: tho' mo mau: Lagyoo: yi yo' dakhyoo" ti" nghoid.

LUKA 1:37

Mangsoo ayo" koid: da" moo" daja: we' aboo" ga: re" tid kyo.

YOHAN 20:9

(Yesu gi shid: jang" mo doem dei to'' loo" wa ga: da" jhoem: mungdang: ri houg: bang: akhid" ju" sho ase' gyo: boem shi.)

YOHAN 5:39

Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid.

ACTS 17:11

Beria voobyu yi gi Thesaloni voobyu yi da" tho' re- khoin: lheing: mo, nghoid boem. Nyang: nu" gi mungdang: ri nheigloem: zhug zhug za: tam" gyo: yu boem wigi Polu kho" kyo" da" mungdang: gi deung adeung ziri si' wa shid re" nyid" khang" moo" jhoem: mougsoug" ri nghab xoin: se' nyid ago".

Roma 15:4

Jhoem: mungdang: moo lhid" to" da" khyoo dangain" gi - kham' zeing: yoem: vhoo" yo' nheugloem: geing: teing khyo" nyang: nya: nheig byu loem" jeung" khyoo: ri yo" yu wa shid' re" - ngoonu" ri jhau" mho' tid kyeing" to" da" mungdang: nghoid.

Ephesu 1:19

Khamyho, agoin ayu: nghoid nyid da" khyoo: ri we' Aseing: ri loem" jeing" bang: ngoonu" moo nya: yoem: so' gi khayhi' gyi: sheung: jo, ziri we' nanu" shau" myang se' lo boem baja"- nanu" da" nheigloem: ung: khoug:- soozoo: lheung: lo wigi nya: da" bidbang ri myang loo: baja"- ngoonu" moo moo" zei: nyid da" he: da" yoem: so' gi

PHILIPI 3:21

Nyang: gi jo, moo jo, ri nya: vhoo: moo yo" kaid' pyam da" phung" yoeb, yoem: moo" bo nyid ziyo' dakhyoo" ti"- ngoonu" da" shid: loo" se' gung du: joem ri thed' pyam' lho: nya: da" myonhoo: phung" yoeb bo gung du: yo' du goo" sho' aseig thid' byid: loo wa zi nghoid.