MARKU 12:2 - Lacid Common Language Bible

² Zabyid shi phyo' ayo' ju" lang" nyang: gi khyam: nghoo" zei: mo, jhang khyoo: join, dayug ri khyam: nghoo" phoug" zabyid shi" mho' nhang: kaid.

MARKU 12:2 교차 참조

2 KHOKHAM 17:13

Aseing gi Israela yo' Yuda ri tid poin" byid: wa shid re" nya: lagyoo: yi yo' lapi: yiri nhang: kaid da:. «Nanu" da" akhyeing" khyoo: joem ri to' pyam lho: nanu" phoug" phyid" yiri ngoo byid: to" da" tarha" moo yo' nga" dei zoo: yi nhoid khyo" nanu" ri byid: to" da" tarha" moo bo da" nga" amyeing" dang: joem ri tam" gyo: cang yhe: nyid ge'» ga: zi nghoid.

2 KHOKHAM MHOOMYID: 36:15

Nyangnu" phoug" phyid" yi da" Aseing Mangsoo gi nya: byumyu" yiri tid poin" wa Lapi: yiri xo' wigi nhang: kaid da:. Ciwim gari nyang: gi nyangnu" ri yo' Noku Yhoem: Moo" ri teung too" noug yoomo nghoid da:.

COUNG" NGHEI 1:3

Nyangnu" gi gyid yam, moo yug jo, lho: nya: da" ayo, moo ashi" zei: wigi afu' we' akyoug lo" da" seiggam yo' du nyid. Nyangnu" zei: da" moo" zoo" dangain" moo oung: doid lo.

YEREMIA 35:15

Nga" dei zoo: lapi: yi dangain" ri nanu" jhang xo' wigi nhang: kaid bye:. Nyangnu" gi nanu" ri nanu" da" akhyeing" da" moo" joem ri to" pyam wa yo' jo ziri koid wa shid re" nanu" ri tid abye: go". Ngoo wigi nanu" ri yo' nanu" da" phoug" phyid" yiri byid: to" da" mungdain: moo nanu" xo' wigi yo" nyid goo" wa shid re" gooji yu phara" joem ri anoku wa yo' adei byid: goo" wa shid re" nanu" ri tid poin" byid: abye: go". Nghoid loug we' nanu" gi nga" dang: ri ashoug" gyoo:- nga" dang: ri goolhoo' atam" gyoo: nghoid ago".

YEREMIA 44:4

Ngoo ngheing" da" he: gyoug dain tung" da" moo" ri akoid wa shid re" nanu" ri tid kyo" da" nga" dei zoo: Lapi: yiri nanu" jhang ngoo xo' wigi nhang: kaid byid: bye:.

MIKHA 7:1

Nheig byu jang: ajo, loo: o". Ngoo gi shigam, moo ce: shi" we' azei: loo: yoomo zabyid nei moo zabyid shi" azei: lo zi shau" myang da" zooyoid su: yo' du byug bye:. Zabyid shi" dangain" yo' ngham" da" lafoem' shi" we' bain phyo' pyam abye: go".

ZEKHARIA 7:7

Shid phyang" Yerusalem gi nyid gi nyid de: lho: byupug thu: ziyo' ayam aqei: mo voogung joem moo za: we' anghoid- moug: thang: jang: dam mung" yo' bidvang shoid mo boem khyid: moo ju" sho' byu myoo" sho' nyid shi" uri lapi: yi khyo" Aseing gi he: khyoo: ri tid too" bye:.

MATHE 21:34

zabyidd" shi" myheing: yo' jhang loo lang" nya: dei, zoo: yi ri zabyid khyam: koid: mo, jhang khyoo: khyam: phoug" zabyidd" shi" ri mho' nhang: kaid.

MARKU 12:1

Yesu gi dang tu, joem nyangnu" ri tid kyo" Byu dayug gi zabyid khyam: daloem: ri sho" nyheung to" lho: hau: ziri khyam: kyam, lheung to". zabyid pyeig wa duang: du: to" ziyo' joo zam daloem: ri we' nyham" to" lho: wigi khyam: koid zoo: mo, ri nghoo" byid: too" kho' lho: gyung: so" lo".

MARKU 12:3

Khyam: ngho" zei: mo, gi hau: join ri loem" myang lang" tei" baid lho: gung koem: doem nhang: kaid ago".

LUKA 12:48

Houg: su" nghoid loug we' Aseing: da" nheigloem: ri asi loo za: gyoem thung" kham: zo: da" khyoo: ri shoid vhang: su: gi dajhi kyeing" da" gyoem thung" dam ri shau" kham: zoo: wa nghoid. Jeju" koid: da" khyoo: myoo" sho' kham: yu" su: gi yoovoin myoo" sho' boo wa. Je loem" jeing" ab nung" su: gi je gyi: da" voin vu, wa moo" je bo loo wa zi nghoid.

LUKA 20:10

Ayo, ju" loo lang" join dayug ri khyam: nghoo" moo" zei: mo, jhang khyoo: khyam: phoug" mho' nhang: kaid. Nghoidloug we' khyam: moo" zei: mo, gi hau: join ri lhoem: nhug lho: gung koem: doem nhang: kaid.

HEBRE 1:1

Goonham, da" apyaid moo Mangsoo gi ngoonu" da" phoug" phyid " yi ri dang: tid da" khyoo: myoo" sho' lheing- akhyoo" again aja: ja: khyo" lapi: yi da" nhoid mo tid kyo" lid loo bye.