MARKU 12:14 - Lacid Common Language Bible

¹⁴ Nyangnu" gi re" lho: Sara we"- nang gi deungmain" ziyo' hang" ri we' myonhoo: akhyen: da" khyoo: ri ngoonu" se- khasu" wim ga: ri nang gi byu ri gei ayu" loo:- Mangso da" khyoo: ri deing" deing za: dajhoug" byid: nyid. Roma kho': sen" ri khang" dug ge kaid la". age kaid la". ngoo nu" ri tid kyoo" we'.

MARKU 12:14 교차 참조

2 KHOKHAM MHOOMYID: 18:13

Nghoid loug we' Mikhaia gi «Ngoo gi Mangsoo tid da" dang: ri ngoo tid wa ein: dei nyid da" Aseing myeing khyo" ngoo tid wa» ga: tid.

2 KHOKHAM MHOOMYID: 19:7

Aseing ri ngi: shab byid: lho: zid" lhid wigi nyeing" koid we'. Ciwim gari ngoonu" da" Aseing Mangsoo gi mhau' zi myonhoo: khyen: zi khougvhoid jhungshug yu ziri zeing: kham: byid: su: anghoid » ga: jhau" shid da:.

NEHEMIA 9:37

Hau: mougmyid mo zei thu lo da" shivoo: joem gi nang wigi ngoonu" adang moo vhoeb zoo: nhang: da" khokham yi jhang ju" lo" da:. Ciwim gari ngoonu" yooboo shoid yoomo nghoid. nyangnu" gi ngoonu" yo' ngoonu" da" gougnyhoug joem ri nyangnu" vho: khyo" koid ago". houg: lho: ngoonu" gi xoo: sho' nheigloem: thang nyid boem bye:»

COUNG" NGHEI 120:2

Aseing we"- mhoug mo, yo' fain" voo si' mo, da" lo, mo ngoo ri khyoid yu byid: we'.

COUNG" NGHEI 55:21

Nya: da" nhoid khoin" thui: joem gi tho" baid tho moo: je jhoid nyid nghoid loug we' nya: nheigloem: ung: khoug: moo: gi ngheung" nyid. Nya: dang: gi shooxu: yhang: ti" yhui nyid loug we' tho' da" lhab' sham: yhang: ti" yham" phyed lo.

YEREMIA 42:20

Shid: moin: da" shoid moo" zoo" ri koid nyid ago" ein: tid poin" bye:. Ngoonu" Aseing Mangsoo ri nanu" shid re" akyu" mho' byid: wa shid re" nanu" ngoo ri mho' ago". Nya: da" amyeing" dang: joem ja: khang" moo" ri nanu" cang koid wa ga: dangsoo" byid: ago".

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

MATHE 22:16

Houg: yoomo nyangnu" gi nyangnu" da" cangzoo: dayham" yo' Herod da" phung: mo mo' dayham" yo" dage" Yesu jhang khyoo zheung: nhang: kaid. Hau: lagyoo: yi gi «Sara: we"- nang gi deung main" su: nghoid wigi Mangso da" khyoo: ri deung: main" khyo" jhoug" byid: nyid ziyo' byu gootu: yi ciga: wa ziri nang gung ayou loo: za: byu myonhoo: ri we' akhyen: su: nghoid ziri ngoonu" se.

MATHE 22:17

Houg: su" nghoid yoomo nang khasu" myid da" khyoo: ri ngoonu" ri tid kyoo" we' Roma khokham" ri khang" doug ge kaid la". age kaid la"» ga: zheung: myid: boem.

MARKU 12:13

Hau: thang: ri nyangnu" gi Yesu nya: khoin" thui: yoomo nyang: ri myheig wa shid re" Pharishe dayham" yo' Herod byu dayham" bang: ri Yesu jang" moo nhang: kaid ago".

MARKU 12:15

Ngoonu" byid: wa la". abyid: wa la"» ga: myid: ago". Yesu koem gi - nanu" ngoori cewim leig yu yu" go" nga" jhang" gei dakyab, ci: lo yu" ge' ngoo yu" yu" wa ga: tid.

MARKU 14:45

Houg: su wigi- Yuda ju" ri" yo' Yesu jhang khyoo: tain" yhe: lo" lho: sara we"- ga: tid lho: boobug yhe: boug-

LUKA 20:22

Ngoonu" gi Roma khokham" ri khaug" dug kaid ri yha" tarha" ri thougtheung zi nghoid wa la". Houg: su" anghoid lang" akaid loo: nyid wa la". ngoonu" ri tid kyoo" we'.

LUKA 23:2

Hau: thang: ri nyangnu" gi he: yug gi byu phung: yi ri khyoo: vhang: nhang: wa shid' re" Ketha khokham" ri khang" dug ayo" kaid ga: tid khyoo: ri we' ngoonu" nyang: myang boem bye: ga: tid - Hau: lho:» ga: tid yoomo ngoonu" nyang;r i: myheig lho: nyang: ri yooboo foin boem.

YOHAN 7:18

Nyang: nya: da" Tarha" ri kho" kyo" jhoug" byid: su: gi nyang: nya: da" myonhoo: ngeilang: ri shoo: wa nghoid. Nghoidsho' loug we' nyang: ri nhang: kaid su: da" myonhoo: ngeilang: ri shoo: su: gi deing: deing: main" main" se' kho" kyo. lho: nyang: moo mhau' fain" zi aboo.

Roma 13:6

He: khyoo: yoomo nanu" gi khang" dug ri kaid' ca". Khasu" wim ga: ri Asuya zoug: yi gi nyanu" da' moozoo" voin vu uri Mangso: da moo" bo zei khyo" nghoid yoomo nghoid nyid.

2~KORINTHU 2:17

Nyhang" gi byu gootu: myoo" sho' bang: yhang: ti"- Mangso da" mungdang: ri ce: phoug" adab da" phaga" zi yhang: ti"- oung" khyoo: qei khyoo: ngoonu" akoid boem. Nghoid loug we' ngoonu" gi Mangsoo nhang: kaid mo, nghoid wigi Khristu da" deizoo: yi khyo" wigi Mangso da" shidkhoin" moo hau: mungdang: ri deungmain" gyeung: shang: da" nheigloem: yo' kho" kyo" boem zi nghoid.

2~KORINTHU 2:2

Khasu" wim gari ngoo nanu" ri nheig ze" kung nhang: nghoid ri gi ngoori gau yi nhang" wa zi hang" se' nyid loo: wa ngoo nheig ze" kug byid: mo, za: deung nyid wa zi nghoid.

2~KORINTHU 4:1

Mangsoo gi nya: nyeig khyeig shoo" go: da" nheigloem: yoomo ngoonu ri he: da: moozoo" voin wa moo" ab byid: bye: yoomo ngoonu" moo nheigloem: gyau: -yoem: shoin: wa khyoo: aboo.

2~KORINTHU 5:11

Ngoonu" gi hau: Aseing: ri gyoug phau" ein: zigi ce: noem nghoid ziri se' boem yoomo byu gootu: bang" ri yo" mhoid" yu wa shid' re" yoem: kaid thoug shang" nyid boem. Mangsoo gi ngoonu" da" khyoo: ri jid" jid" nug nug se' nyid. Nanu" we' nanu" nya: da" nheigloem: khoug: moo nga" da" khyoo: ri goo" lhoo: se' nyid boem bye: ein: wigi ngoo nheig byu nyid.

2~KORINTHU 5:16

Hougsu" nghoid yoomo ngoonu" gi akhid" mo wigi hang" ri we' byu da" aklhyoo" laki khyo" cang lho: tarha" dang: phyed khyoo: akoid boem loo. Xang: shid" ayo, moo Khristu ri byu da" akhyoo" alai khyo" cang lho -soin: dang: phyed da" khyoo: koid lailo lboem bye. Nghoid loug we' akhid" hougsu" akoid lo: boem.

GALATI 1:10

Khasu" wim gari ngoo hid: su" tid nyid zigi byu yi wigi coung" byid: nghei byid: zi yo" yu wa shid re" koid nyid zi nhghoid la". Houg: su" we' anghoid o". Ngoo vho: ngei nyid da" khyoo: gi Mangso myid veung" vho: ngei da" khyoo: yo" yu wa shid re nghoid. Ngoo gi byu shid khoin" moo myeing fu" nheing" sho' ein: yoem: kaid la". ngoo houg: su" dakoid nyid nghoid rigi Khristu da" dei zoo ngoo nghoid wa zi anghoid..

GALATI 2:6

Myo, nhoo: yo" da" vhu" jhung: yi,, ein: soin: too" shau" bang: gi nyangnu" hang" nghoid boem zigi nga" shid' re" gi ce" yhaug: gyen: we' anghoid- Khasu" wim gari Mangsoo gi nghe: shoid' khyo myang lhoo za: dang: aphyed' ngoori phajhi" byid: da" khyoo: aseig ci" we' abyid: boem nghoid da.

TARHA" TID POIN" 16:19

Nyangnu" gi tarha" dang phyed moo" moo tarha" adeingmain" khyo" age koid. Anghoid lang" myonhoo: age khyen:. Houg: lho: nyangnu" gi khougvhoid jhungshug joem ri age yu zoo: goo" wa. Ciwim gari hau: jhungshug joem gi phajhi" boo bang: yo' deingmain" bang: rilang" myo, jed nhang: wigi nyangnu" ri shoid da" khyoo" dang: phyed nhang: nyid da:.

1THESALONI 2:4

Hougsu" koid wa gung khoo:- ngoonu" gi Mangsoo tid nhang": ziyo' dakhyoo" ti"- khanham we' da tid nyid boem-khasu" wim gari Mangsoo gi-nanu" gi moin: yi" mo, nghoid bye: ziri soeb, myang bye: mo, nghoid yoomo hau" ngei bu: lu dang: kho" kyoo" wa shid mo loem, too" bye- ngoonu" gi byu yi vho: ngei boem wa khyo" yoem: kaid' nyid mo, anghoid- nanu" myid soin: da" khyoo: joem ri phoid: sho: pe: yu" se' da" Mangsoo ri vho: ngei nhang: wa shid re" yoem: dakaid' nyid boem.