MARKU 12:1 - Lacid Common Language Bible

¹ Yesu gi dang tu, joem nyangnu" ri tid kyo" Byu dayug gi zabyid khyam: daloem: ri sho" nyheung to" lho: hau: ziri khyam: kyam, lheung to". zabyid pyeig wa duang: du: to" ziyo' joo zam daloem: ri we' nyham" to" lho: wigi khyam: koid zoo: mo, ri nghoo" byid: too" kho' lho: gyung: so" lo".

MARKU 12:1 교차 참조

ESAIA 7:23

«Hau: ayo, ju" loo lang" zabyid nei dakhyeing" yug da" zabyid khyam: dakhyam: ri ngei dakhyeing" byid: da" zabyid khyam: gi joem gi zu: gam yo' zu: kyen: pung joem yug se: nghoeb jo, wa.

YEREMIA 2:21

Ngoo gi nang ri ge thang da" myoug: shi" mo zabyid nei yhang: ti" sho" too" bye:. Nghoid loug we' nang ci bue" lo ziri yu" yu" we' nang gi ce: phoug" adab da" zabyid nei boeb yo' du da:.

EZEKIEL 20:49

Nghoid loug we' ngoo gi «Yoem: moo" bo Aseing we". Ngoo ri hau: ziri akoid nhang:. Ngoo khanham we' qeishoem joem khyo" tid ziri yugkhang" moo" gi se' gyo: gu nghoid boem ago" ein: tid ngeug he: kaid bye:.

MATHE 13:3

Hau: uri dangtu' myoo" sho khyo" khyoo: myoo" sho' jhoug" byid: da" zigi «shid phyang" byu dayug gi myoug: shi" sain" wa shed re" thu' lo.

MATHE 21:28

Hau: thang: ri Yesu gi «nanu" khasu" ein: shau" myid go". Lu daid' dayug moo zooshang: eig yug yo. Nyang: gi nya: zoo: mang: mo" jang" moo yhe: lho: ‹nga" zoo: we" akhid" nyid" zabyid khyam: moo moo" yhe: zei: we'› ga: tid.

MATHE 21:33

«Dangtu' gootu: ri we' doem tam" gyo: yu" ge". Zabyid sho" to" da" khyam: seing: dayug nyid' nyang: gi khyam: kyam, lho: zabyid shi" pyeig wa duang: we' du: to. Do, pyu zung we' daloem: zhug to. Hau: thang ri nya: khyam: gi khyam: moo" zei: mo, ri nghoo" byid: khoo, lho: so" lo.

MATHE 21:34

zabyidd" shi" myheing: yo' jhang loo lang" nya: dei, zoo: yi ri zabyid khyam: koid: mo, jhang khyoo: khyam: phoug" zabyidd" shi" ri mho' nhang: kaid.

MATHE 25:14

«Mougkhung: mungdain: ein: da" zigi gyung: so" loo" su: dayug yo" du nyid. Nya: deizoo: yi ri we khe: yu lho: ziyoo jonu" zheung: ab byid: too" khare".

MARKU 11:33

Houg: lang" nyangnu' tid zigi ngoonu" asi ga: Yesu ri tid ago". Yesu we' nyangnu" ri hau: gu: ce: amyeing" akhang" yo' koid ziri ngoo we' nanu" ri atid kyoo" wa"- ga: tid.

MARKU 13:34

Houg: su" wigi hau: khyoo: gi byu dayug nya: yhoem mo:- gyung: so" loo" wa nghoid lang" nya: join yi ri dayug yo' dayug-nya: moo" yo' nya: yhoem: moo" ri pyo: too" byid: kho' wigi khoem" zung" su: ri we' lhid' lho: zung" nyid wa shid mo amyeung" byid: kho' ziyo' du nyid.

MARKU 3:23

Houg: lang" nyang: gi nyangnu" ri khe: yu lho: dang: tu' yo' satan gi satan ri khasu" se' khaid thu' wa lha".

MARKU 4:2

Houg: lang" nyang: gi dang tu, khyoo"- nyangnu" ri myoo" sho' ja: jhoug" byid: lho: tid zigi

LUKA 15:13

Hau: thang: kha: myhang amyang" ri nya: nhung" gi nya: da" ziyoo dangain" oung" pyam lho: ngei ri za: ci wigi gye ve: da" mungdain: daloem: khyoo: thu' loo" bye. Nyang: gi hau: mungdain: moo adu: adam:- anghoid akhuang khyoo: moo za: ngei bain yhoung: thang pyam bye.

LUKA 19:12

Houg: yoomonyang tid zigi shid' phyang" daleing: khokham" nu" dayug gi khokham" aya ri yhe: kham: yu lho: doem loo wa shid' re" mung" da mung" khyoo: thu' lo.

LUKA 22:9

Nya: eig yug gi kha: joyoo moo lo" nyheing too" wa lha"» ga: zheing: myid.

LUKA 8:10

Nyang: doem tid zigi Nanu" gi Mangsoo vhoeb khang" da" khyoo: mo no, thang da" khyoo: joem ri se' abye: go"- gootu: bang: gi yu" nyid lho: amyang- shau" gyo: lho: ase' gyoo: yoomo dangtu' khyo" kho" kyoo" ca" nyid.

ACTS 7:38

Nyang: gi dain" pyoid yoo moo Israela byumyu" yi yo' dage- shoin" nyid lho: houg: moo ngoonu" phoug" phyid" yi yo' dage" Sina boem tho' moo nang yo' dang: tid go" da" moug: lagyoo: yo' dage" nyid loo su: nyang: nghoid bye. Ngoonu" ri lhid" kaid' da" kangso' dei nyid da" Mangso jang" mo mungdang: we' yo" kham: yu su: nghoid.