MARKU 11:18 - Lacid Common Language Bible

¹⁸ Hau: khyoo: ri khainjung agyi moo" yo' tarha" sara yi shaug" gyoo: lang" Yesu ri said pyam wa khyoo: sho: lo boem- Khasu" wim ga: ri mung" byu yi dangain" nyang jhoug" byid: da" khyoo: ri mau" nyid boem yoomo-nyang: ri gyoug ago".

MARKU 11:18 교차 참조

1 KHOKHAM 21:20

Ahab gi Elia ri myang lang" nyang: gi «Nga" gyivoo we" nang ngoo ri cang myheug nyid nhung: lha"» ga: tid. Elia gi «Nghoid- ngoo koid nyid. Nang gi Aseing da" shidkhoin" moo age da" moo" zoo" ri bain sho' nanya: gung nanyang: koid bye: nhung:

1 KHOKHAM 22:18

Ahab gi Yehoshaphad ri «He: yug gi nga" shid re" ge da" Lapi: khanham we' api: byid: ein: nang ri tid zi anghoid shi" la" Khanham we' daja: ja: moo age zi dabo nyid da» ga: tid.

1 KHOKHAM 22:8

Ahab gi «Hid: moo: Imla nya: yuggi zoo: Mikhaia ga: da" Lapi: dayug nyid shi". Nghoid loug we' ngoo nyang: ri avhoo:. Ciwim gari nyang: nga" shid re" khanham we' ge khyo" Lapi: api: byid: nghoid da:. Khanham we' daja: ja: moo: age zi dabo nyid da» ga: tid. Yehoshaphad ri «Nang hougsu" atid» ga: phug tid.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.

MATHE 21:15

Nghoidloug we' Khainjung moo" yi yo"- tarha" sara: yi gi Aseing koid: da" mau" pho" moo" ri zheung: myang ziyo' «David da" nya: zoo: ri coung" nghei byid: ge'» ga: zooshang mi" akyu" mho' yhoem: khoug: moo nyho: yoid nyid da" thui: ri shau" gyo: boem lang" gi nheig zheung: gyo: yo: ago".

MATHE 7:28

Akhid" Yesu gi hau: mungdang: joem ri bain kho" kyoo" lang" nya: da" jhoug" myeing" jhoug" thui: ri mung" byu yi gye" gyo: mau" boem.

MARKU 1:22

Nyang: jhoug" byid: da" khyoo ri shau" gyo: da" mung" byu yi gi gye" gyo: mau" nyid boem ago". Khasu" wim ga: ri nyang gi moug soug lhid' da" sara: yi yhang: ti anghoid- amyeung: ana: yoo" su: yhang: ti" jhoug" byid: nyid.

MARKU 11:32

Houg su" wigi byu da" amyeing" akhang" khyo" nghoid- ein: ngoonu" tidboem wa la' ga: nyang: cang" nyang sham go" nyid boem (nyangnu" gimeingbyu yi ri gyoug boem ago"- khasu" wim ga: ri byu myoo" sho' mo, gi Yohan gi Lapi gyeung" nyang: nghoid ga: myid nyid ago".

MARKU 12:12

Yuda vhu jhung: yi gi nyangnu" ri yeung lho: Yesu he: dangtu ri tid zi si yoomo nyangnu" gi Yesu ri myheig wa ga: soin'- nghoid loug we' byu phung: moo" ri gyoug nyid boem yoo mo nya: jang" mo gang: thu' lo" boem bye.

MARKU 3:6

Houg: lang" Pharishe" gitarha: jung mo thu' lho:-Yesu ruL yo" said pyam wa zi Herod da byu yi dayham" yo' houg: jang: nyang: byen, phyoo" lo" zain: go" nyid boem.

MARKU 6:20

Khasu" wim ga: ri Yohan gi deungmain" ziyo' gyeungshang: byu dayug nghoid ziri Herod se' lho: nyang: ri gyoug phau" ziyo' yu" goem byid: nyid. Yohan da" mungdang: shaug" gyoo: khang" moo"- nya: nheigloem: moo gyi" sho' nheigloem: amyen nghoid loug ri we' nya: mungdang: ri ngeibu: tung" za: tam" gyoo: nau nyid.

LUKA 19:47

Yesu gi nyid" khang" nyid"- No ku" yhoem khoug: moojhoug" byid: nyid. khainjung agyi moo": yi Tarha" sara: yi yo" mung" byu yi da" vhu" jhung: yi gi nyang: ri said pyam nau boem.

LUKA 2:47

Zooshang: Yesu da" dang: ri shaug" gyoo: mo gi nyang: myed: da" dang: yo" doem phoid: da" dang: khoin" yoomo gye" gyo: mau" nyid boem.

LUKA 20:19

Tarha" sara: yi yo" khainjung agyi moo": yi gi nyangnu" ri yeing lho: he: da" dangtu' tid ziri se' gyoo: yoomo Yesu ri myab myheig pyam wa shid' re" yoem: kaid nyid boem bye. Nghoidloug we' ayang nu" gi byu phung: yi ri gyoug nyid ashi" go.

LUKA 4:22

Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"» ga: myid: go" nyid boem.

YOHAN 7:1

Hau: thang: ri Aseing Yesu gi Galile mung" moo daso' so" koem" lheing: yen. Yuda zoug: myeing" ci: mo, gi Yesu ri said pyam wa ga: soin' go" nyid yoomo Yesu gi Yuda mung" moo aso" koem" yen" noug.

YOHAN 7:19

Moshe gi nanu" ri tarha" byid: to" anghoid goo" la". Nghoidloug nanu" dayug we' hau: tarha" ri acang boem. Nanu" gi ngoori said pyam wa shid' re" cikoid; sho: nyid go"- ga: myid.

YOHAN 7:46

Zung" lhug da" pyada: yi gi He: yug kho" kyo" yhangti"- hang" dayug we' akho" kyo" yu" ga: lo tid boem.

ACTS 24:25

Nghoid loug we' - Polu gi ge, shoeb da" khyoo: ri nyang: nya: da" gung du: ri vhoeb, khang" da" khyoo: ju" loo wa da" tarha" dang: phyed' bidnyid da" khyoo: ri kho" kyo" nyid lang" gi Philid' gi gyo: gyoug lo wigi akhid" nang loo" re' - thang: phyang" agoo ngab lang" Nang ri doem khi: wa ga: tid.