MARKU 10:47 - Lacid Common Language Bible

⁴⁷ Nyang: gi" Nazaret mo Yesu ju" nyid khyoo: shaug" gyoo: lang" nyho: yoid zoore"- davi nya: zoo: Yesu we"- ngoori nheug khyeug yu shi" we' o"- ga: yoid nyid.

MARKU 10:47 교차 참조

ESAIA 11:1

David da" khokham kung: gi thug lheing: pyam bye: da" seiggam yhang: ti" nghoid da:. Nghoid loug we' seig ngoid mo seig bu: aseig to re" ziyo' dakhyo" David da" amyed ashen yi mo khokham aseig dayug doem thu loo wa.

MATHE 1:1

He: da" khyoo: gi Abraham da" nya: zoo: yo' David da" nya: zoo: Yesu Khristu da" byuxeig shab Jhoem: mungdang: nghoid.

MATHE 12:23

Byu phung: moo" zeing gi Yesu zei: da" moo" ri myang lang" gye" yu" mau" boem wigi «he yug gi David da" nya: zoo: nghoid wa la"» ga: tid go" nyid boem.

MATHE 15:22

Hau: moug mo Khanan myiyi: myhi, dayug gi nya: jang" moo re" lho: «David da" nya: zoo: we"- ngoori nheig khyeig byid: we' nga" myiyi: zoo: ri yu vang wigi shen" yhen kyi" kyeig zi shau" nyid» ga: re" nyho: tid.

MATHE 2:23

Houg: su" wigi Yesu ri «Nazared phoo ga: myheing boem wa» ga: lapi: yi tid to" dang: gi byeung" loo bye.

MATHE 20:30

Aseing Yesu lid lo" ziri khyooyam moo zhoung: jo, da" myo, amyang su: eig yug shau" gyoo: lang" «David da" nya: zoo: Aseing we"- ngoonu" ri nheig khyeig yu shi" we' o"» ga: yoid tid ago".

MATHE 21:11

Byu phung: moo" yi gi «He: yug gi Galile mung" Nazared voo mo Yesu ga: da" Lapi: nghoid» ga: tid go" nyid.

MATHE 21:9

Yesu da" shid' khyoo: thang: khyoo: cang lo da" byu myoo" sho' mo, gi «David nya: zoo: myonhoo: ngeilang: ri coung" byid: ge". Aseing da" myeing yo' ju" ri" su: gi ngi lho, nyid baja". Mangsoo ri coung" ge'» ga: tid boem.

MATHE 26:71

Dei dei da" myiyi: zoo: goo" yug nyang: ri doem myang wigi houg: moo nyid mo, ri «He: yug gi Nazared voo byu Yesu yo" nyid su: nghoid» ga: tid.

MATHE 9:27

Yesu gi hau: joyoo mo doem so" lo" ri myo, amyang da" byu eig yug nya: jang" moo cang lo lho: «David da" nya: zoo: we"- nga" eig yug ri nheig khyeig yu shi" we' o"» ga: yoid tid ago".

MARKU 1:24

Nazared mo Yesu we"- nang yo' ngoonu" cisen: la". Ngoonu" ri lhu: phyo' pyam wa ein: ju" re" la". Nang hang" nghoid ziri ngoo se'. Nang gi Mangso gyeungshang: lagyoo: nghoid» ga: tid.

LUKA 4:16

Yesu gi Nazared voo moo doem ju" yhe:- Nazared voo gi Yesu nyid gyi: lo da" voo nghoid. Dougn: Bidnyid ri Yesu gi lhoung: yhe: main: ziyo' dakhyoo" ti"- tarha" jung moo vang lo. Jhoem: mougsoug" nghab wa ga: to' yab lang"

YOHAN 1:46

Nathanela gi Nazared voo mo zi gi daja: ja: thu' yu" la"» ga: myid. ‹‹Philib gi re" we' yu" we' ga: tid.»

YOHAN 19:19

Pilaid khokham" gi-xang: yoeb ladoo" mougsoug" lhid" lho: Aseing Yesu da" pyang" zeing: tho' moo tab too" nhang. Hau: da" mougsoug" gi (Yuda byu yi khokham" Nazared voo byu Yesu ga: zi nghoid.

YOHAN 7:41

Dayham" bang: tid zigi Meshia nyang: nghoid ga: tid boem. Nghoidloug we' dayham" bang: gi Meshia gi Galile mung" mo thu' loo wa zi anghoid.

YOHAN 7:52

Houg: bang: gi «Nang we' Galile mung" mo byu nghoid la". Jhoem: mungdang: moo nghab' yu" we' Galile mung" mo ce: lapi: dayug we' athu' lo yu" zigi nang si' ca"» ga: tid boem.

ACTS 6:14

Nazared mo Yesu gi hau: Mangso da" yhoem: moo" ri phyo' pyam' lho: Moshe ngoonu" ri byid: to" da" thung" tarha" ri thed' pyam' byid: loo wa ga: he: yug tid nyid ziri ngoonu" shaug" gyoo: bye:- ga: sagsi: kham, byid: boem ago".

Pang Shug 22:16

" Ngoo Yesu gi Phung byu yi da" akhoug: moo hid: yhang: te" khyoo: joem ri tid fu" kyoo" wa shid re" nga" moug: lagyoo: ri nhang: kaid. Ngoo gi davi da" akung: mo yhoem: byu nghoid lho: wigi nab, kyo' boo" myhu: we' ngoo nghoid nyid.