MARKU 10:33 - Lacid Common Language Bible

³³ Tam" gyo" yu" ge"-ngoonu" gi Yerusalem khyoo: do, lo" nyid bye. Byu nya: zoo: gi houg: moo khainjung agyi moo" yi yo' tarha" sara yi da" lo, moo ab pyam zi shau" wa nghoid. Houg: su: nyangnu" gi byu nya: zoo: ri said pyam wa shid re" dang: phyed wigi tung: boug yi da" lo, moo ab pyam' lho:

MARKU 10:33 교차 참조

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

MATHE 16:21

Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.

MATHE 26:66

Dang: khasu" kho' wa go"» ga: myid: ri Houg: bang: gi «yooboo myang bye: yoomo nyang: gi shid moin: yooboo yoo" bye:» ga: nyangnu" tid boem.

MATHE 27:2

Yesu ri tei" lho: Roma mung" zoug:- Pilaid jhang khyoo yhe: shu" ab pyam bye.

MARKU 14:64

Nyang: Mangsoo ri Juang" yi gei sang: zi ri nanu" shaug" gyoo: boem bye nanu kha dang: phyed yo? ga: tid. Nyangnu" dangain" mo, we-Yesu ri shid: moin: yooboo yo" zi nghoid ga: dang: phyed pyam ago".

MARKU 15:1

Nabsoin: no" mo Khainjung zeing yi yo' Ludaid yi tarha" sara yi Yuda tarha" koung si: goin" mo mo, -hain: hain: za: byen phyoo" sham: go" nyid boem bye-hau: thang: ri Yesu ri tei" wigi Pilaid ri yhe: she: ab byid: pyam ago".

MARKU 8:31

Yesu nya: cangzoo: yi ri jhau byid: zigi byu nya: zoo: gi khyeug shu: da" khyoo: myoo" sho' ja: kham: zoo: ca" wa nghoid-zoug: ludaid, yi Khainjung zeing yi yo' tarha" sara yi wigi ngeug pyam zi shau" lho: said pyam zi shau" wa. Nghoid loug we' soem" nyid lang" doem dei to'' loo wa ga: jhoug" byid.

MARKU 9:12

Nyang: doem tid zi gi nyangnu" ri ja: khang" moo" jen" jen" soin' nyheung too" wa shid re" Elia gi gyeung" nyang: xang: shid" ju" ri" wa nghoid. Nghoid loug we' jhoem: mungdang: moo byu nya: zoo: gi khyeug shu: zi myoo" sho' kham zo: lho: ngeug pyam zi toung" shau" wa ga: cikoid tid to lha".

MARKU 9:31

Khasu" wim ga: ri Yesu gi nya: cangzoo: yi ri byu nya: zoo: gi sube" da" lo, moo ab byid: pyam zi shau" wigi nyangnu" gi nyang: ri said pyam boem wa nghoid. Nghoid loug we-said pyam thang: ri soem" nyid" ri doem dei to'' loo: wa ga" jhoug" byid: bye.

LUKA 23:21

Nghoidloug we' byu joem gi nyang: ri pyang" zeing: tho' moo baid jen" lho: said pyam ge' pyang" zeing: tho' moo baid jen" said pyam ge" ga: nyangnu" danyhoo: go" nyid.

LUKA 9:22

Nyang yang: nu" ri i- byu da" nya: zoo: gi kyi" khyeug khyoo: myo" sho' shau" zoo: wa zi nghoid. Yuda Ludaid vhu" jhung: yi Khai jung zeing yi yo' tarha" sara: yi wigi ngeug pyam' zi shau" lho: said' pyam' goo" wa zi nghoid- nghoid loug we' soem" nyid" thang: ri doem dei to' loo wa zi nghoid- ga: tid kyo.

YOHAN 18:28

Nabsoin: myo, hain" zoo"Yesu ri Kayapha jang" mo zi Pilaid khokham" khoo" khyoo doem shu" yhe: lo" boem. Yuda zoug yi gi lhed: kaid pui" myen" xoin zoo: wa da" shid' re"-noku thung" tarha" yo' dakhyoo" ti"-- nyang: nya: da" gung ri ced" shang: nyid boem yoomo hau: khokham" khoo" khyoo: abo cang yhe: boem.

YOHAN 18:32

(Nyang: nu" doem phougtu" da" khyoo: gi Yesu khasu" shid: wa da" khyoo: ri nang: tid too" bye: ziyo' dakhyoo" ti"-- bue" lo khyoo nghoid nyid.)

YOHAN 19:11

Aseing Yesu phougtu" zigi nang ri Mangsoo ab byid: yoomo za: hid: yhangti" yo" zi nghoid. Houg: yoomo ngoori we' re" da" lo, moo ab byid: su: gi yooboo je gyi wa nghoid- ga: tid.

ACTS 13:27

Yerusalem voomoo" moo nyid mo, yo' nyangnu" da" vhu jhung: yi gi Yesu gi khyoid yu Aseing: nghoid ziri ase' boem- Dougno: Bidnyid khang" moo" nyangnu" nghab da" lapi: yi da" jhoem: dang: joem ri we' nyangnu" gi ase' gyoo: nghoid ago- Nghoid loug we' nyangnu" gi Yesu ri dang: phyed' byid: khyo" lapi: yi da" jhoem: dang: ri - joeb byeung" loo nhang: mo, nghoid boem ago".

ACTS 20:22

Akhid" ngoo gi gyeungshang: Venyi da" ji, nu: gyoo: yoomo Yerusalem khyoo: yhe: lo" zi nghoid - hau: voomoo" moo ciyhe: bui" wa ziri ngoo asi lo.

YAKU 5:6

Nanu" gi deing byeung" su: ri dang: phyed' lho: said pyam abye: go. Nyang: gi nanu" ri thoutheung nyid su: anghoid.