MARKU 10:32 - Lacid Common Language Bible

³² Houg: lang" nyangnu" gi Yerusalem khyoo: do, lo" nyid boem uri Yesu gi cangzoo: yi da" shid moo so" nyid. Nya: cangzoo: yi gi mau" lho: thang: cang mo, gi gyoug ago". Yesu gi cangzoo: daxe: eig yug ri doem khe: yu wigi nya: tho' moo bue" loo wa da" khyoo: ri tid kyo".

MARKU 10:32 교차 참조

ZEKHARIA 3:8

Khainjung zeing Yoshua yo' nya: byencang" yi we"- tam" gyoo: ge'. Nanu" gi ju" loo wa da" bidnyid moo ge da" sagse: yi nghoid. Yu" ge'. Akung: ako' ga: myheing to" da" nga" join thu loo wa nghoid.

MATHE 11:25

Houg: lang" Yesu gi «Mougkhung: yo" myidjang ri vhoeb da" nga" phoo we"- Phajhi" byen ya yo" nheigloem: yeig kung mo jang" mo he: da" khyoo: ri nang yhoem" nghoeb to" lho: ci: asi mo, ri phang shug yoomo ngoo nang ri jeju" boin.

MATHE 13:11

Yesu gi «Nanu" gi mougkhoung: mungdain: da" no, thang khyoo: ri se' gyo: da" akhang" yo" ago". Goo" ji koem gi hau: akhang" ri ayoo" nghoid ago".

MARKU 1:27

Meing: byu yi dangain: mo, mau" hang" to" boem wigi hid: gi cenoem koid lha"- Hau: zigi cite" da" jhoug" byid: khyoo: aseig nghoid lha". He: yug gi yu ri amyeing" byid: wa amyeung a na: boo su; nghoid zigyo' - nyangnu" tam: gyo: nyid ga: nyang cang" nyang: tid go" nyid ago".

MARKU 4:34

Dangtu aci: loo za: ri nyangnu" nyang: ci" we' atid kyoo" nghoid loug Yesu gi nya: cangzoo: yi yo' dage" nyid uri acang: joeb sho' phuid kyo" da.

LUKA 10:23

Hau: thang: ri Yesu gi cangzoo: yi jhang khyoo: phug lho: akhid" nanu" myang da" zi joem khyoo: ri yo" myang da" myojid" joem gi ngi lhoo wa.

LUKA 19:28

Houg: su" bain tid thang: ri Yesu gi Yerusalem voo khyoo: nyangnu" shid' moo yhe: lo.

LUKA 9:51

Yesu moug: khung: khyoo: do, loo" wa da" ayo, jhangloo lang" nyang: gi myid kho: ci: lho: Yerusalem voomoo" khyoo: yhe: lo" nyid.

YOHAN 11:16

(Zoo: zoem, ga: myheing yo" da") Thoma gi nya: cangzoo: byen cang" yiri ngoonu" we' Aseing: yo" dage" shid: kham: wa shid' re cang yhe: lo" boem shang ga: tid.

YOHAN 11:8

Cangzoo: yi gi sara: we"- houg: mo meing byu yi: gi akhoyo, shi"- Aseing: ri luggo, yo" du" wa ga: nyid boem ri hau: joyoo khyoo: dalheing: dadoem tau" loo" wa la"» ga: myid: boem.