MARKU 10:24 - Lacid Common Language Bible

²⁴ Cangzoo: yi gi he: dang: ri gyo: mau" ago"- Houg: lang" Yesu gi nyangnu" ri Nga" zoo: yi we"- Mangso mungdain: khyoo: vang yhi: wa gye" yau: nyid ga: tid.

MARKU 10:24 교차 참조

COUNG" NGHEI 17:14

He: da" pyaid moo nyangnu" civhoo: ci yoo" mo, da" lo, mo ngoo ri khyoid yu we'. Nyangnu" shid re" nang shoung: to" da- sho" jhen kyi" khyeug da" khyoo: yo' nyangnu" ri yooboo dam kaid byid: we'.

COUNG" NGHEI 52:7

Yu" ge' nyang: gau: nyu: wa shid re" Mangsoo ri aloem loo za: hau: gungkhoo: nya: da" myo: tham: jonu" yo' akhyeing" ashoeb khyoo: moo gau: nyu: khyoo: sho: nyid da" byu dayug hid: moo: nyid" ga: wigi tid.

COUNG" NGHEI 62:10

Athoug" akhyoug: khyoo ri nanu" anghe: khau: nyid goo- lhoid zoo: lhoid shoug khyo" yo" yu da" zi ce: ja: ri we' nheug myid abyu nyid goo". Nanu" yo" loo de loo nghoid loug we' hau: ziri nheug anhei: nyid goo".

DANG: ZHOEM 11:28

Nyang: tu: nya: da" jonu" ri za: nheig nhei: too" mo, gi xung" gung mo seig fu' joem yhang: ti"- shu: gyo" lo" byug wa. Deing: byeung" bang: koem gi zain vang khoem" mo seig fu' joem yhang: ti" nyau, young" lo boem wa nghoid.

DANG: ZHOEM 18:11

Yoo" mo, di mo, gi nyangnu" yo" da" jonu" joem yo' nyangnu" gi voomoo" ri lheung khoem, to" da" khyam: vang" yo' dakhyoo" ti" goem coung" byid: loo wa nghoid ga: tid ago".

DANG: ZHOEM 23:5

Re" da: ngei sheing: gi dung dab, lo wigi dang: phang: lo" da" zoin, bung: yo' dakhyoo" ti" myo, damyeug moo: za: thang byug se' nyid.

YEREMIA 9:23

Aseing tid zigi Phajhi' boo bang: gi nyangnu" da" phajhi" shid re" age phoug:- Yoem: boo bang: gi nyangnu" da" yoem: moo age phoug: tid. Jonu" yoo" bang: we' nyangnu" da" jonu" yoomo age phoug:-

HABAKU 2:9

Nanu" gi joem: lo" zi shoug" goo" wa. Nanu" gi athoug" akhyoug: moo" zoo" khyo" yo" yu da" ziyoo jonu" joem yo' nanu" da" yhoem: ikoin deungkhu: yiri nyid di nyid lhoo' nhang: lho: nanu" da" yhoem: ri shid: gyoin yo' gyoug ci' pho" jang" mo gau: nyu: khyoo: ri yo" koid yu abye: go".

ZEPHANI 1:18

Aseing gi nya: da" nheig joem: yo: lo bidnyid moo gi nyangnu" yo" da" ngei sheing: we' nyangnu" ri yo" khyoid yu wa zi anghoid. Aseing nheig yo: myi: yo' moug: gyab goin" ziri nghe' pyo' sain" pyam wa zi nghoid. Nyang: gi mougmyid tho' moo nyid mo, yugkhang" moo" ri dalheing: dam nyeigdain tung" myab za: doem: thang loo" nhang: wa zi nghoid.

MATHE 19:25

Nya: cangzoo: yi gi Aseing da" mungdang: ri shau" gyoo: lang" gye" gyo: mau" boem wigi «houg: su" nghoid rigi khyoid yu zigi hang" te: shau" wa lha"» ga: zheung: myid: boem.

MARKU 1:27

Meing: byu yi dangain: mo, mau" hang" to" boem wigi hid: gi cenoem koid lha"- Hau: zigi cite" da" jhoug" byid: khyoo: aseig nghoid lha". He: yug gi yu ri amyeing" byid: wa amyeung a na: boo su; nghoid zigyo' - nyangnu" tam: gyo: nyid ga: nyang cang" nyang: tid go" nyid ago".

MARKU 10:23

Yesu nya: cangzoo: yi jhang khyoo: lheung: yu" lho: nyang nu ri; tid- soid gain' yoo" mo, shid re" gi Mangso mungdain moo vangyhi: wa zi gye" yau: ago"- ga: nyangnu" tid kyo".

LUKA 16:14

Pharishe yi gi hau: khyoo: dangain" ri shaug" gyoo: yoomo nyang: bang: gi Yesu ri juang" yi byid: ago.Khasu" wim gari nyangnu" gi ngei ri jheddab mo, nghoid.

YOHAN 13:33

Nga" zoo: yi we"- ngoo gi nanu" yo daso' date: nyid loo: wa. Nanu" gi ngoori sho: goo" wa. Nghoid loug ngoo yhe: lo" nyid da" khyoo: moo nanu" ayo" cang loo ga: wigi Yuda zoug: myeing" ci: mo, ri kho" kyo" yu" ziyo' dayhangti"- nanu" ri we' akhid" ngoo kho" kyo.

YOHAN 21:5

Hau thang: ri nyang:- nyangnu" ri zoo: lu: yi we"- nanu" ci: ayoo" shi" goo" rhe" ga myid:-. houg: bang: gi ‹‹Ci: ayo" boem o"» ga: phoug tid.

YOHAN 6:60

Hau: da" jhoug" myeing" ri cangzoo: yi myoo" sho' mo, zheing: shau" gyo: boem. Nyangnu" gi he: da" jhoug" myeing" joem- gye youg: yoomo hang" se' yo" cang boem wa lha"» ga: tid go" nyid boem.

GALATI 4:19

Jhiddab, da" myi yi: yug gi nu" yi we"- Khristu da" gung du: avoid nanu" moo joeb, byeung" lo da" ayo, moo ju" sho' ngoo gi zoonu" co' phyed da" myhi' zeing yhang: ti" nanu" shid re" zoo khu: noo dalheing doem no nyid.

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

1YOHAN 2:1

Nga" zoo: yi we"- nanu" gi yooboo akoid loo: goo" baja" ein:- he: mougsoug" ri nanu" jhang khyoo: ngoo lhid" kaid' bye. Nghoid loug we' byu dayug yug gi yooboo doem shau" koid nghoid rigi hau: pho, da" shid khoin" moo ngoonu" shid re" mho' tung" pain: byid: su:- Yesu Khristu ein: da" deing byeung" Aseing: gi ngoonu" yoo" shi".

1YOHAN 5:21

Nga" zoo yi we"- mhau' da" phara" joem ri jang" pyam nyid ge'.

Pang Shug 3:17

Ngoo gi yoo" su: di su: nghoid yoomo ci: we' aca" loo:- ga: nang tid nyid. Nghoid loug we' nang gi khayhi' gyeung" da" asho" ajhen: nheig khyeig cang boo su: nghoid nyid ziri Nanyang: gi ase' nhung: lha". Nang gi sho" jhen: su:- byumi adab su: myo, jed, nu loem: su: danghoid nyid.