MARKU 10:23 - Lacid Common Language Bible

²³ Yesu nya: cangzoo: yi jhang khyoo: lheung: yu" lho: nyang nu ri; tid- soid gain' yoo" mo, shid re" gi Mangso mungdain moo vangyhi: wa zi gye" yau: ago"- ga: nyangnu" tid kyo".

MARKU 10:23 교차 참조

YOBA 31:24

Ngoo gi ziyoo jonu" joem moo khanham we' alhung khau: nghi:.

MATHE 18:3

«Ngoo nanu" ri gyeing" gyeing" tid ba. Nanu" gi nheigloem: thid' pyam lho: zooshang: yi yhang ti" abue" lo rigi Mougkhung: Mungdain: moo yo" vang loo" goo" wa zi anghoid.

MARKU 10:15

Ngoo nanu" ri deung" deung tid zigi Mangsoo mungdain ri zooshang: dayug yhang ti" alhoem: yu su: gi hau: mungdain: khyoo: khanham we' ayo" vang yhi: wa ga: tid.

MARKU 10:22

Hau da" dang: ri nyang: shaug" gyoo: lang" myonhoo: phyoug" wim shoem" lo" byug ziyo' nheug kug zeing phang: loo" khare". Khasu" wim ga: ri nyang: soid goin' yoo" su: nghoid.

MARKU 3:5

Nyangnu" da" nheigloem: thain: lho: shoid vhang: nyid yoomo nyang nheug yu" koug wigi nheug yo: ziyo' ayam aqei: cang yu" zhoug to". Hau thang: hau: yug ri re" lo, yhoin" kaid we' ga: tid. Nyang: lo, yhoin" kaid yo' - nya: lo, ge loo" khari" bye.

MARKU 5:32

Nghoid loug we Yesu gi nyang ri zang" tain" su: hang" nghoid ziri myang wa shid re" goem: sho' lheung: yu" nyid da:.

LUKA 18:24

Yesu gi hau: da" khyoo: ri myang lang" soidgain ziyoo yoo" su: shid re" gi Mangso mungdain: khyoo: yo" vang wa shid' re" gye" youg: nhung.

YOHAN 3:5

Yesu phougtu" zigi ‹‹ngoo nang ri deing" deing tid kyoo" ba- gyid yo" Venyi: khyo" akhu: loo su: hang" nghoid loug we' Mangso da" Mungdain: moo ayo" vang.

1Korinthians 1:26

Akhid" gi mangnhung" yi we"- nanu" ri Mangsoo khe: yu da" ayo, mo khyoo: joem ri myid yu" ge' Xangsu: byu yi da" myojid" khyo" yu" kaid shang ein: rigi- nanu" gi phajhi" lasi, laleig boo mo, Amyeing" akhang" yoo" mo, zau: byumyu" mo thu loo mo, myoo" sho' bo zi anghoid.

YAKU 2:5

Jheddab da" mangnhung" yi we"- tam" gyo: yu" ge'. loem khau: khyoo: moo joeb byeung" mo, byui: wa shid re" Aseing: ri jheddab mo, shid re" gi dang: theung to" mungdain moo yo" vang loo" wa shid mo Aseing: gi moug myid' mo sho" jhen: mo, ri khyen: yu zi nghoid.

YAKU 4:4

Dang: azung" mo, nanu" gi mougmyid yo' bidnoem koid nyid mo, nanu" gi Mangsoo ri gyi koid shoo" koid nyid mo, nghoid ziri nanu" nyang: si' shi" go" la". Moug: myid ri bidnoem koid noug su: gi Mangso da" gyivoo danghoid nyid.

2PETRU 1:11

Khyoo: he: khaid khyo" cang lo" boem nghoid rigi ngoonu" da" Aseing: yo' khyoid khyi: yu su:- Yesu Khristu da" athang agoin da" mungdain: khyoo:- yo" vang loo" wa da" akhang"- nanu" ri joeb joeb byeung" byeung" byid: wa zi nghoid.