MARKU 10:21 - Lacid Common Language Bible

²¹ Yesu gi nyang: ri jheddab myid yo, tu: yu" lho: nang daja: ca" shi"- nang loo" shi" we-re" soid' gain jo, nu" joem ri lo" oung" pyam' lho: myoung shoo" mo, ri gam byid: we' houg: lang" nang mougkhoung: mungdain: moo soid' gain yoo" wa nghoid. Hau: lho: nga" thang: moo cang we' ga: tid da.

MARKU 10:21 교차 참조

APOEM AYANG: 34:19

wigi zooyam phoo gi tid ziyo' dakhyoo" ti" myab myab koid noug bye:. Khasu" wim ga: ri Yaku da" nya: zoo: ri gye" vhoo: bye: yoomo nghoid. Nyang: gi nyangnu" yhoem: byu yi da" yhouggyen: thang su: nghoid.

DANG: ZHOEM 23:23

Deingmain: khyoo: phajhi" juyhi: bo da" khyoo: jhau" kham: yu khyoo: joem yo' ge da" nheigloem: hau: ziri nang gu phyed lho: ung" zoo: wa ein: lang" age myid yu: sho' phoug" dab, zi nghoid.

MATHE 16:24

Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid.

MATHE 19:21

Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.

MARKU 10:22

Hau da" dang: ri nyang: shaug" gyoo: lang" myonhoo: phyoug" wim shoem" lo" byug ziyo' nheug kug zeing phang: loo" khare". Khasu" wim ga: ri nyang: soid goin' yoo" su: nghoid.

MARKU 8:34

Hau: thang: ri Yesu gi cangzoo: yi yo' mung" byu yi ri nya: jhang khe: yu nyangnu" ri nga" thang: moo cang noug su: gi nyang nya: gungri he: pyam lho: nya: pyang" zeing tu: vu, wigi nga" thang: cang goo" baja" ga: nyang: nyangnu" ri tid..

LUKA 10:42

Nghoid loug we' nang moo daja: ca" shi"- Mari gi jo da" ziri khyen: yu abye:. Hau: ziri nya: jang" mo hang" we' ayo" lhoid yu loo:- ga: tid.

LUKA 12:33

Nanu" gi nyang: nya: da" ziyoo jonu" oung" pyam lho: sho" jhen: mo, ri gam byid: ge' apyang: ayoin" se' da" ngei thung: ri daci: ge'. khoug" su: aju"- nhau: ayo" zo: da" mougkhung: tho' moo nanu" ziyoo jonu" ri dayoung: too" ge'.

LUKA 16:9

Hau: tho' moo Yesu «gi Mougmyid jonu" yo' bidnoem koid: ge'. Hau: ziyoo jonu" yo" gu: thang loo" lang" Mangsoo: gi ngei pyoo: athang da" yhoem: moo lhoem kham: yu wa zi nghoid.

LUKA 18:22

Hau: da" dang: ri shaug" gyoo: lang" Yesu gi nang zei: ca" da" moo" daja: boo shi. Re" da" ziyoo jo, nu" bain sho' oung" pyam lho: sho" jhen: mo ri gam byid: pyam we'. Hau: thang: ri doem re" lho: nga" thang: moo cang we'. Houg: lang" nang mougkhung: moo soidgain yoo" wa ga: nyang: ri tid.

LUKA 19:41

Nyang: gi Yerusalem voo yam moo ju" lo" wigi hau: voo ri myang lang" ngau lho: tid nyid zigi.

LUKA 9:23

Houg: su" wi, nyang: gi-nyangnu" dangain" mo, ri nga" thang: moo cang noug su: hang" nghoid loug we' nyang: nya: gung ri ngeug pyam ca:. Hau: lho: nya: pyang" zeing ri nyid" khang" moo' vu, ci: lho: nga" thang: moo cang ca.

YOHAN 12:26

Ngoo nyid da" jo, yooo moonga" dei zoo: we' yo" nyid wa shigre" Nga" moo" voin, noug su: gi nga" thang: moo cang ca. Nga" moozoo" ri voin, vu, su: hang" nghoid loug ri nga" phoo we' coung" byid: wa zi nghoid.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

ACTS 2:45

Nyangnu" gi nyang: nya: da" ziyoo soid gain joem ri oung" pyam boem lho: wigi hau: ngei zi joem ri kha: yug khamyoo, ca" nyid khyo" cang wigi-nyang: cang" nyang: coem gam go" ci: boem.

2~KORINTHU 12:15

Ngoo gi nanu" ri pang" thoug wa ein: nghoid rigi ngoo yo" zi dangain" yo' nga" gungdu: lhang ri ci: yhoung: pyam wa zi vho: ngei nyid su: nghoid. ngo nanu" ri gye" jheddab yoomo nanu" gi ngoori dajhi' za: te" jheddab wa zi nghoid la".

2 TIMOTHI 3:12

Gyeing" nyang: Khristu moo kangso' dei lho: tarha" ri phau" cang khyoo: moo kangso' dei nyid noug mo, hang" nghoid loug we' shen" yhen kyi" khyeug da" jam, jau ri shau" boem wa zi nghoid.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".

YAKU 2:10

Tarha" daloem: ri shoid su: hang" nghoid loug we' tarha" dangain" ziri shoid nyid su: nghoid.

Pang Shug 2:14

Nghoid loug we' nanu" moo yooboo foin: jang: dajhi' bo- Khasu" wim gari Israela byumyu" ri soolhoo: ri teing: byid: da" zoo: noem ri zoo: wa ziyo' avoid avhu: ein: da" youg: shoo: goo" wa shid re" Bala, ri jhoug" byid: balam: da" jhoug" myeing" moo bo cang loo" bang: nanu" moo dayham" bo nyid ago".

Pang Shug 2:20

Nghoid loug we' nang gi nya: jhoug" myeing" khyo" nga" cangzoo: yi ri avoid avhu: koid nhang: lho: soolhoo: ri teing: byid: da" zoo: noem zo: shug da" yooboo shoid sho' khyoo: shu" vhang: nhang: su:- myiyi: myhi, Yezebela ri nyid nhang: nyid shi" yoomo, nang ri yooboo foin: jang: jo.

Pang Shug 2:4

Nghoid loug we' nang ngoori xang: shed" yhang: ti" ajheddab loo: yoomo nang ri yooboo foin: jang: ngoo myang.