MARKU 10:17 - Lacid Common Language Bible

¹⁷ Yesu gi gyung: khyoo: moo doem so" lo" nyid uri byu dayug gi gei, re" lho: nya shid khoin" moo poid thug thoug wigi nyang ri ge da" sara we"- apyaid ato: kang: so' yo" yu wa shid' mo ngoo khasu" koid wa lha"» ga: myid:.

MARKU 10:17 교차 참조

DANIELA 6:10

Hau: amyeing" ri lo, xoem" lhid" bye: ga: ziri Daniela shau" gyo: yu lang" yhoem: khyoo: lo da:. Nya: yhoem: tho' pyam: mo yab dayab moo Yerusalem shoid khyoo: shu: to" da" bangzoo: khoem" joem dab da:. Hau: joyoo moo nyang: khanham we' lhung koid nyid ziyo' dakhyo"- bang" jo, da" bangzoo: khoem" moo poid thug thug lho: danyid" ri soem" lheing: lheing: Mangso jhang akyu" mho' da:.

MATHE 17:14

Aseing yo" cangzoo: yi gi byu phung: moo" yi nyid da" jang" moo ju" lang" byu dayug gi Aseing da" shid khoin" moo poid thug re" thoug lho: wigi «Aseing we"- nga" zoo: ri nheig khyeig byid: shi" we' o"-

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MATHE 28:8

Myiyi: eig yug we gyoug dain nghoid loug we' gye" gau yi ngei pyo: ziyo'- loeb mo wigi nya: cangzoo: yi re' hau: ludang: lo" tid kyoo" wa ga: hain hain zheung: gei lo".

MARKU 1:40

Mang: gam: noo dab su: dayug Yesu jhang re" Nyang: gi Yesu shid khoin" moo poid thug thoug lho: nang nau rigi ngoori yo" gyeungshang: loo" nhang: zi nghoid da:- ga: nyang: ri mho' nyid.

MARKU 10:18

Yesu gi nyang ri nang ciwimwigi ngoori ge ein: tid lha" Mangsoo dayug mo jain" lho: ge zi hang" anyid.

MARKU 12:14

Nyangnu" gi re" lho: Sara we"- nang gi deungmain" ziyo' hang" ri we' myonhoo: akhyen: da" khyoo: ri ngoonu" se- khasu" wim ga: ri nang gi byu ri gei ayu" loo:- Mangso da" khyoo: ri deing" deing za: dajhoug" byid: nyid. Roma kho': sen" ri khang" dug ge kaid la". age kaid la". ngoo nu" ri tid kyoo" we'.

MARKU 9:25

Yesu gi mung" byu yi nya: jhang gei zeung: phoung lonyid ziri myang lang" hau: akhyeung" da" yu ri nhoid jed, nu jed da" yu we"- ngoo nang ri amyeung" byid: bye:- yuggi nu": jang" mo thu' loo, we' nyang: moo khanham we' adoem vang loo" loo:- ga: nheug yo: kaid.

LUKA 10:25

Tarha" sara: dayug gi Yesu jang" moo re" lho: Sara: we"- ngoo gi apyaid ato: kangso' khasu" koid ri yoo" wa lha"» ga: Yesu ri phajhi" ca: yu noug yoomo re" myid.

YOHAN 3:2

Nyang: gi myen" damyen ri Yesu jhang khyoo: re" lho: Rabai we"- Nang gi Mangsoo nhang: kaid da" Sara: dayug nghoid ziri ngoonu" se' khasu" wim gari nang koid; shug da" mau" pho" moozoo" gi Mangsoo za: abo ri hang" we' ayo" koid; zi nghoid ga: wigi tid.

YOHAN 5:39

Nanu" gi apyaid' ato: kangso' yoo" abe ga: wigi Mungdang: ri ayoeb' yoeb' nghab' nyid ago". Hau: jhoem: mungdang: dangain" gi nga" khyoo: ri tid nyid zi nghoid.

YOHAN 6:40

Khasu" wim gari nya: zoo: ri Noku loem: jeing" loo mo, dangain" gi Apyaid' ato: kangso' ri yo" yu wa shid' re" Nga" phoo gi vho: nyid. Ngoo we' houg: bang: ri lo" thang bidnyid moo shid: jang mo doem dei to'' loo nhang: wa zi nghoid.

ACTS 16:30

Hau: thang: ri nyang: gi nya: eig yug ri tung gung khyoo: shu" thu' lo" lho: nheig bo eig yug we" - ngoo khyoid yu zi shau" sho' khasu" koid wa lha". - ga: myed: yu".

ACTS 2:37

Meing: byu yi hau: dang: ri shaug" gyoo: lang" gi nyangnu" da" nheigloem: moo gyi" sho' gyo: zang" boem yoomo Petru yo' lagyoo: gooji ri mang: nhung" yi we' ngoonu" khasu" koid boem wa lha"» ga: myed: boem.

ACTS 20:32

"Akhid" ngoo gi nanu" ri Mangso goin, coung: nyid da" geung: teung mungdang: moo we' - hau: jeju" mungdang: gi nanu" ri yo" gyi: sheung: loo nhang: lho: Mangsoo gi nya: byumyu" dangain" bang ri byid: wa ga: young to" da" - main, kaid' jeju" joem gi nanu" ri byid: wa zi nghoid nyid.

ACTS 9:6

Nghoid loug we' nang to' lho: voomoo" khyoo: vang loo" we' - houg: moo nang koid ca" da" moo" ri lhoem: tid kyoo" wa" - ga: tid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

Roma 6:23

Yooboo da aphoug" gi shid: lo" khyoo: nghoid. Nghoidloug we' Mangsoo: da" phoug" asang: jeju" jhungshug koem' gi - ngoonu" da Aseing Yesu Khristu yo" dadeing: daloem khoug mo yo" da" apyaid' ato: kangso' nghoid.

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -

TITU 3:7

Houg su" nghoid nyid da" khyoo: gi ngoonu" gi nya: da" jeju" yo' Mangsoo vho: ngei lho: lheom: kham: yu mo, yo" bue" lo wigi ngoonu" myid byu to" da" apyaid ato: kangso ri yo" shau" myang kham: yu wa shid re" nghoid.

HEBRE 1:14

Hougsu" nghoid rigi moug: lagyoo: yi gi hang" nghoid lha". Nyangnu" gi khyoid yu shau" da" agyid asoo: kham: yu bang: ri pang" thoug wa shid mo Mangsoo nhang: kaid' zi shau" da" Mangsoo ri noku nyid Venyi joem nghoid ago".

1PETERU 1:4

Hougsu" nghoid yoomo ngoonu" gi Mangso byu phung: shid re" Mangsoo nyang: shoung: too" byid: bye: da" agyid asoo: ri yo" kham: zoo: wa ziri nheig byu lang" nyid boem. Mangsoo gi hau: da" agyid asoo: ri nanu" shid re" moug: khung: moug di moo young: too" byid: bye- houg: yoomo hau" agyid asoo: gi abyo, abei ashoem: apyang: lo: da" zi nghoid.

1YOHAN 2:25

He: khyoo: gi Khristu nyang: ngoonu" ri dang: soo" khoin" byid: too" khare" da" atoo: moo kang: so' ri yo" yu khyoo: nyang: nghoid bye.