MARKU 10:14 - Lacid Common Language Bible

¹⁴ Hau: ziri Yesu myang lang" nheug yu" yo: ziyo' nya: cangzoo: yi ri hau: zooshang: yi ri nga" jhang khyoo: loo nhang: kaid ge'- nyangnu" ri atoem too" goo"- Khasu" wim ga: ri Mangso mungdain gi houg: te" mo, da" mungdain nghoid.

MARKU 10:14 교차 참조

APOEM AYANG: 17:7

«Ngoo gi nang yo' re" amyed ashen yi da" ju" loo wa byunyid xiyam: moo ju" sho' apyaid atoo: mo thang" cab khyo" nga" dangsoo" ri zoem: nyid wa bye:. Ngoo gi re" da" Mangsoo we' re" amyed ashen yi da" Mangsoo we' nghoid nyid wa bye:.

COUNG" NGHEI 78:4

Hau: khyoo: joem ri ngoonu" gi ngoonu" da" nya: myid: nya: zoo yi da" shidkhoin" moo yhoem" too" byid: wa zi anghoid. Aseing yoem moo" so, zeung: da" khyoo: nya: da" gyi: thang moo" zeing yo' nyang: zei: bye: da" mau" pho" moo" zoo" joem ri thang: phyang" pyaid mo byumyu" yiri ngoonu" tid kyo" nyid wa nghoid.

ESAIA 65:23

Nyangnu" zei: da" moo" gi oung: doid loo wa. Nyangnu" zooshang: yigi kyi" khyeug yau: khi" zi athung" shau" goo" wa. Ngoo gi nyangnu" yo' nyangnu" da" amyed ashen' yiri ju" loo wa ayo, moo mainkaid byid: wa.

GYUNG: SOO" 14:31

Nanu" nya: zoo: yi myheig yu zi shoug" wa ga: nanu" tid ago". Nghoid loug we' nanu" ngeug pyam da mung" khyoo: nyangnu" ri ngoo shu" yhi: wa. Houg: lho: hau: mung" gi nyangnu" da" yhoem: nghoid loo wa.

MATHE 18:10

«Nanu" gi ngi, su: khayug ri we' Byu ngi yoo ayu" wa shid re" lhid nyid ge'. Nanu" ri ngoo tid da" zigi hau: zooshang: me" da" moug: lagyoo: yi gi Mougkhung: Aseing nga" pho da" myonhoo: ri khanham we' dayu" nyid boem ago".

MATHE 18:4

He: zooshang: yhangti"- nya: nheigloem: nyhoem: khyo su: gi Mougkhung: Mungdain: moo je gyi: thang su: nghoid wa.

MATHE 19:14

Aseing Yesu gi «zooshang: mi" ri nga" jhang khyoo nhang: kaid ge' nyangnu" ri atoem too" goo. Khasu" wim gari Mangso da" Mungdain: gi houg: yhangti" mo, mungdain: nghoid» ga: tid.

MATHE 5:10

«Mangso da" deung main" khyoo: cang yoomo pyi: sho: dam kaid zi shau" nyid mo, gi ngilho' boem wa. khasu" wim gari Mougkhung: mungdain: ri nyanu" nyang: shau" seing: boem wa.

MATHE 5:3

«Venyi: moo asho" ajhen: nghoid nyid mo, gi ngilho' boem wa. Khasu" wim gari Mougkhung: da" mungdain: gi nyangnu" shau" seing: boem wa zi nghoid.

MARKU 3:5

Nyangnu" da" nheigloem: thain: lho: shoid vhang: nyid yoomo nyang nheug yu" koug wigi nheug yo: ziyo' ayam aqei: cang yu" zhoug to". Hau thang: hau: yug ri re" lo, yhoin" kaid we' ga: tid. Nyang: lo, yhoin" kaid yo' - nya: lo, ge loo" khari" bye.

MARKU 8:33

Nghoid loug we' Yesu gi cangzoo: yi ri lheung: yu" lho: Petru ri satan we"- nga" jang" mo gang loo" we' nang gi Mangso shoid khyo" amyid soin" yu"- byu shoid khyo" za: myid soin: ga: wigi Petru ri yooboo foin: dang: tid.

YOHAN 3:3

Yesu gi ‹‹Ngoo nang ri deing" deing tid ba- eig lheing: khu: ziri akham: yu su: hang" we' Mangso Mungdain: shau" myang wa zi anghoid » ga: tid.

YOHAN 3:5

Yesu phougtu" zigi ‹‹ngoo nang ri deing" deing tid kyoo" ba- gyid yo" Venyi: khyo" akhu: loo su: hang" nghoid loug we' Mangso da" Mungdain: moo ayo" vang.

ACTS 2:39

Khasu" wimgari- Mangso dang: soo" khoin" gi nanu" shid mo we' nanu" da" nya: myed: nya: zoo: yi shid mo we' ngoonu" da" Mangsoo Aseing: nyang- khe: yu bye: yoomo vi: moo nyid mo, dangain" bang: shid re" we' byid: too" bye.

ACTS 3:25

Hau" lapi: yi da" nhoid dang: thui: khyo" byid: to" da" Mangso dang: soo" khoin" joem gi nanu" shid re" nghoid nyid. Mangsoo gi nanu" phoug" phyid" yo' koid to" da- dang: theing khoin" moo boo mo, nanu" we' boo bye. Mangsoo gi Abraham ri Ngoo gi re" myed: re" zoo: yi khyo" wigi moug: myed xangsu: byu yi dangain" ri main kaid' byid: wa ga: tid to.

Roma 11:16

Nyang: yo" da" zooyho' mo dajhi' za: yu lho: Mangsoo: ri xoin" ngei" nghoid ri zooyho' dangain" ri xoin" ngei" byid zi yo" du nyid. Seig gam mo seig gyi ri xoin" ngei" byid: nghoid ri seig gam goin" xoin" ngei" byid zi yo du.

Roma 11:28

Khasu" wim ga: ri ludang: gi ri she: pyam' yoomo Israela byumyu" gi Mangso: da gyivoo bue" loo bye. Hang" bue" loo da" khyoo: gi tungbau byumyu" yi nanu" akyu" yoo" wa shid' re" nghoid. Nghoidloug we' Mangsoo: gi nyanu" ri khyen: yu yoomo nyanu" da" phoug" phyid" yi ri byid kaid' da" dang: theing khoin" ri yu" lho: nyanu" ri jheddab ashi".

1Korinthians 14:20

Mang: nhung" yi we"- myid soin: yu" ca" da" khyoo: moo: zooshang ti" akoid nyid goo" akhyeing" ashoeb khyoo: moo gi zooshang: ti" bui" nyid ge'. Myid soin: yu" khyoo: moo: gi nheig boo ludaid' bue" nyid loo: ge'.

1Korinthians 7:14

Khasu" wim gari- aloem" jeung" da" yhoem: seing: phoo, gi loem" jeung" da" yhoem: seing: myhi' yoomo- loem" jeung" loo wa aloem" ajeung" da" yhoem: seing: myhi' we' loem" jeung" yhoem: seing: phoo, yoomo- Mangsoo ri lhoem: yu mo, bue" loo wa zi nghoid. Hougsu" anghoid ri- nyangnu" da" nya: zoo: nya: myid: yi gi aloem" ajeung" mo, nya: zooyi yo' dakhyoo" ti" za: bue" loo" goo" wa zi nghoid. Akhid" koem gi Mangsoo gi Mangso kham: yu moin mo, nanu" bue" lo abye: go.

Ephesu 4:26

Nanu" nheig yo: ri hau: yoo: nau da" nheigloem: yo' yooboo akoid nhang: goo"- bidvang sho' we' nheig ayo: nyid goo".

TARHA" TID POIN" 4:37

Nyang: gi nanu" phoug" phyid" ri jheddab yoomo nyang: nanu" ri khyen: yu wigi nya: yoem: so' moo" yo' nya: gung nyang: nanu" ri Egutu mung" mo shu" thu loo bye:.

2 TIMOTHI 1:5

Nang gi re" phyid" Lu-i yo' re" myhi, Uni moo xang: shed" bo jo, afain" avo da" - loem" jeung nheigloem: nang moo bo jo, ziri ngoo boin: nyid. Nya: eig yug moo bo jo, da" loem" jeung" khyoo: gi nang moo we' bo jo, wa ziri ngoo loem, nyid.

2 TIMOTHI 3:15

Nang gi zoonu" pyaid mo nyang:- se' da" akhyoo" bo jo, wigi Khristu Yesu ri loem" jeung" khyoo: yoomo khyoid yu khyoo: ri shau" yu wa shid re" khyoo: shed' vhu" she: da" hau: gyeungshang: da" jhoem: mougsoug" ri goolhoo" za: si' bye: su nghoid ziri we' daboin: nyid we'.

YOSHU 8:35

Yoshu gi myiyi: yi zooshang: yo' nyangnu" phung: khoug moo: nyid nyid da" tungbau byu yi yo' dage" byu phung: goin" ri Moshe da" Dang: theing khoin" khang" moo" ri nghab kyoo" bye:.

1PETERU 2:2

Aseig co' phyed' to" da" zoonu' yi yhang: ti"- nanu" we' Venyi noug" gyeing" ri khanham we shug nau nyid ge'-- Hougsu" nghoid lang" she, nanu" gi gyi: sheung: lo lho: khyoid yu zi shau" boem wa nghoid.

Pang Shug 14:5

Nyangnu" gikha: nham, we' mhau' da" dang: ase' tid- nyang: nu" moo ce" yooboo we' adab bang: nghoid.

1 SAMUELA 1:11

Hana gi «Myhang: thang da" Aseing we"- re" join myhi' nghoid da" ngoo ri yu" we' nga" da" yau: khi" ri myang bye: wigi ngoo ri boin: so" nyid we'. Ngoo ri ato" myhid pyam. Nang ngoo ri zooshang: byid: nghoid rigi nya: da" xam: ri khanham we' aphyid pyam byid: looza: nya: apyaid dangain" ziri ngoo nang ri zhoem" byid: wa ein: ngoo dangsoo" khoin" byid: bye:» ga: gye" no, khyo" nyang: gi dangsoo" khoin" byid: too" bye: zi nghoid.

1 SAMUELA 1:22

Nghoid loug we' he: lheing: gi Hana acang yhi: nghoid da:. Nyang: gi nya: yhoem: seing: phoo ri «Zooshang: noug" kang" pyam yo' dalheing: dam nyang: dapyaid goin" lo" nyid wa Aseing da" yhoem: khyoo: ngoo nyang: ri shu" do, loo" wa» ga: tid.