MARKU 1:13 - Lacid Common Language Bible

¹³ Nyang: gi dain" pyoid yoo moo bidnyid myid: xi: nyid"- zhadain wigi jhu, phyo' zi shau nyid. Houg: moo soo" yo gougnyhoug joem we' nyid ago". Nghoid loug we' mau: Lagyoo: yi gi - nyang: ri re" yu" coung: goin ago".

MARKU 1:13 교차 참조

THU' LO" MOUGSOUG" 24:18

Moshe gi hau: jhoemmoug" khyoo: vang wigi boem khyoo: do, lo" da:. Nyang: gi houg: moo myid: xi: nyid" myid: xi: myen nyid nyid da:.

THU' LO" MOUGSOUG" 34:28

Moshe gi azoo: ashug loo: Aseing yo' myid: xi: nyid" myid: xi: myen hougmoo nyid nyid da:. Nyang: gi lugpyi" joem adang moo Dang: theing khoin" daxi: ri lhid" da:.

MATHE 26:53

Ngoo gi nga" pho jang" mo gyi yoem: mho' nghoid rigi dab zeing daxe: eig dab tho' moo je myoo: da" mauglagyo: gyidab nga" jhang khyoo yo: nhang kaid wa zi nanu" asi goo" la".

MATHE 4:1

Houg: lang" yu satan: jhu' phyo' zi shau" baja" ga: gyeungshang: da" Venyi: gi Yesu ri dain pyoid' yoo: khyoo: shu" lam" loo" bye.

LUKA 4:1

Aseing Yesu gi gyeungshang: Venyi: yo" byeung" lho: Yodan gyidlang mo doem lo da" uri gyeungshang: Venyi: gi Yesu ri dain" pyoid yoo khyoo khe: shu" vang lo" byug. Hau: joyoo moo bidnyid myidxi: nyid yu satan jhu phyo' zi shau" nyid.

TARHA" TID POIN" 9:11

Nghoid da- myid: xi: nyid" myid: xi: myen lid thang: ri Aseing gi dang: theing ri nyang: lhid" to" da" lug pyi" eig pyi" ngoo ri byid: da:.

TARHA" TID POIN" 9:18

Hau: thang: ngoo gi Aseing shidkhoin" moo myid: xi: nyid" myid: xi: myen ciwe' azoo: ciwe' ashug lho: doem lo" goeb jo, nyid bye:. Nanu" gi Aseing ri yooboo koid thougtheung wigi nyang: ri nheig yoo: sho' koid bye: yoomo ngoo hid: su" koid bye: zi nghoid.

TARHA" TID POIN" 9:25

«Houg: yoomo ngoo gi hau: myid: xi: nyid" myi: xi: myen agyoo: mo Aseing shidkhoin" moo lo" goeb jo, bye:. Ciwim gari nyang: nanu" ri said toem" pyam loo: wa ga: myid phyed too" bye: ziri ngoo se'.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

HEBRE 4:15

Khasu" wim gari ngoonu" da" khainjung agyi moo" gi ngoonu" ca" nyid da" gung nham, yoem: nu: khyoo: ri nheig ase' khyeig su: anghoid- ngoonu" yhang: ti"- khyoo: khaid khang" moo" moo gung" lau" thoung" shau" yu" nghoid loug we' youg: noo yooboo akoid yu" da" khainjung moo" nghoid.