LUKA 9:51 - Lacid Common Language Bible

⁵¹ Yesu moug: khung: khyoo: do, loo" wa da" ayo, jhangloo lang" nyang: gi myid kho: ci: lho: Yerusalem voomoo" khyoo: yhe: lo" nyid.

LUKA 9:51 교차 참조

2 KHOKHAM 2:11

Nya: tang: dang: doem go" zoo" ri xo' yhe: lo" ago". Houg: lang" myi: myang: joem she: da" myi: gyi myang: rheing" gi nyeigdain tung" nya: eig yug agyoo: moo ju" re" wigi Elia gi lid shoem' yo' mougkhung: khyoo: shu" yu zi shau" da:.

MARKU 16:19

Aseing Yesu gi hougsu" ga: cangzoo: yi ri bain tid lang" nyang: gi moug: khung: khyoo: to' yu zi shau" lho: Mangso lo, yo shoid moo zhoung: jo, bye.

LUKA 12:50

Ngoo kham: yu wa Babtisma daloem: jo,- hau: moo" abain zei: zei: gi ngoo nheigloem: amyen.

LUKA 13:22

Yesu gi Yerusalem voo khyoo: lo" ri khyoo: moo jhoug" byid: zoore"- damyu bain damyu- davoo bain davoo khyoo: so" ldd: lo.

LUKA 17:11

Yesu gi Samari yo" Galile meing: moug kyoo" khyo" Yerusalem voogung khyoo: yhe: lo.

LUKA 18:31

Yesu gi cangzoo: daxe: eig yug ri nya: nam moo khe: yu lho: tid zigi tam" gyoo: ge'. Ngoonu" gi Yerusalem shoid khyoo: gyung: so" lo" nyid boem. Byu nya: zoo: khyoo: yo" sen: wigi Lapi: lhid" too" khare" da" byu nya zo: deungmain" ziyo' khyoo: deingmain" ziyo' bue" loo wa.

LUKA 19:11

Byu phung yi hau khyoo: ri tam" gyo: nyid shi" ri Yesu gi xo' lo: nyangnu" ri dang: tu, daloem tid. Hau: uri Yesu gi Yerusalem voo yam moo ju" lo" nyid. Byu yi gi Mangso mungdain: gi kho: nyang: thu' loo wam: bye:- ga: nyangnu" jho: nyid boem.

LUKA 19:28

Houg: su" bain tid thang: ri Yesu gi Yerusalem voo khyoo: nyangnu" shid' moo yhe: lo.

LUKA 24:51

Hid: su" mainkaid byid: da" uri Yesu gi cangzoo: yi jang" mo thu' lo" lho: mougkhung: khyoo: shu" do, lo" zi shug bye.

LUKA 9:57

Nyangnu" gi khyoolaid' moo so" lo" nyid boem uri byu dayug gi nang khakhyoo: yhi: khakhyoo: ngoo we' bo cang wa» ga: Yesu ri tid.

YOHAN 13:1

Lhed: kaid da" pui" ju" wa ayo, gi danyid" ca" shi" ri Aseing Yesu gi He: mougmyid mo thu' lo" lho: phoo jhang khyoo: loo" wa da" ayo, ju" loo bye: ziri se' boin: loo bye. Yesu gi he: mougmyid moo nyid da" nya: thang cang mo, ri jheddab lid lo bye. Nyangnu" ri lo" thang bidnyid ju" sho' jheddab bye:..

YOHAN 16:28

Ngoo gi phoo jang" mo moug myid moo gyoo" lo. Akhid" he: moug myid ri kang" lho: pho jhang khyoo: doem loo" loo: wa ga: tid.

YOHAN 16:5

Akhid" koem gi ngoori nhang: kaid su: jhang khyoo:- doem: loo" wam: bye. Nghoidloug we' nanu" hang" we' ngoo kha khyoo: loo" wa zigi amyid: boem nghoid da.

YOHAN 17:11

Akhid" Ngoo gi re" jhang khyoo: doem loo wa nghoid yoomo ngoogi mougmyid moo anyid loo. Nghoid loug we' nyangnu" houg: bang: koem gi moug myid moo nyid wa zi nghoid. gyeungshang: thang da" nga" phoo we"- nang yo" ngoo dadeing: daloem: za: nghoid nyid yhangti"- nyangnu" we' dadeing: daloem: za: nghoid wa shid' re" nang ngoori ab byid: to" da" re" voolang myeing da" yoem: vhoo" phung yoeb' khyo" nyangnu" ri zung" lhug byid: we' o".

YOHAN 6:62

Byu da" nya: zoo: gi nyang: nyid da" moug: khyoo: doem do, lo" ziri myang lang" nanu" khasu" myid: goo" wa lha".

ACTS 1:2

Yesu gi moug: khung: khyoo: to' yu zi ashug" shi" uri nya: lagyoo: yi ga: nyang: khyen: yu too" mo, ri-Nyang: gi gyeungshang: da" Venyi khyo" wigi pyein: dang: joem ri byid: too" khari" bye.

ACTS 1:9

Hid: su" ga: bain tid thang: ri lagyoo: yi yu" go" nyid uri nyang- Yesu gi moug: khung: khyoo: to' yu zi shau" bye- hau: thang: ri jhoem" moug" thei" gi nyang: nu da" myo, shid' ti: mo-Nyang: ri nghoeb ci: lho: do, lo" byug bye.

Ephesu 1:20

Khirstu ri shid: bye: jang" mo doem dei to'" loo nhang: wigi moug: khung: moug di mo Mangso lo, yo shoid moo zhoung: jo, nhang: da" uri ci: yhoung: da" yoem: moo" so' moo" nyang: nghoid bye.

PHILIPI 3:14

Hougsu" nghoid yoomo ngoo gi hau" jhung: shug ri yo" yu wa shid re" bain: zeing ju" sho' dain" dain: yoem: kaid' gei yhe: lo- hau: jhung shug gi moug: khung: moo kangso' yo" dei nyid sho' Khristu Yesu khyo" wigi Mangsoo khe: yu da" khyoo: nghoid nyid.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

HEBRE 6:20

Aseing Yesu gi ngoonu" da" gung thid'- hau: joyoo khyoo:- ju" vang loo" bye: zi nghoid yoomo Melikhizedeg da" khainjung nyhoug boo yoomoo- apyaid' atoo: mo khainjung agyi moo" bue" loo bye.

1PETERU 3:22

Hau: da" Aseing: gi moug: khung: khyoo: vang lo" lho: akhid" Mangso lo, yo shoid moo zhoung: jo, bye- moug: lagyoo: yi yo' moug: khung: mo aya: yoo" mo, yo' myonhoo: phung" yoeb, boo mo, tho' moo oung: doid' lo" wigi vhoeb khang" nyid bye.