LUKA 9:43 - Lacid Common Language Bible

⁴³ Meing: byu phung: yi dangain" mo, gi Mangsoo da" phung" Yoeb, ri mau" hang" to" boem ago".

LUKA 9:43 교차 참조

COUNG" NGHEI 139:14

Nang gi gye" gyoug pho" ziyo' mau" pho" da" phain" so: too" shoug" yoomo nang ri jeju" boin: so" nyid. Re" da" lo, moo" joem gi gye" mau" pho" khyoo: nghoid- hau ziri nga" nheigloem: dangain" yo' se' nyid.

ZEKHARIA 8:6

Deing nyid shi" da" mung" byu yigi «Hidsu" gi ayo" bui" loo: ga: myid nyid boem nghoid loug we' ngoo ayo" zei: bui" wa khyoo: ci: we' aboo.

MATHE 17:22

Yesu da" cangzoo: yi gi Galile meing: moo doem shau" go" uri Aseing Yesu nyangnu" ri tid da" zigi «Byu nya: zoo: gi su" be" da" lo, moo said pyam zi shau" wa nghoid.

MARKU 6:51

Yesu gi nyangnu" zhoung: jo, da" lhid' khyoug: khyoo: vang yhe: thang: ri lid gi noem: loo" khare" yoomo cangzoo: yi gi atho' tid loo: sho' mau byaug boem bye.

LUKA 18:43

Houg: jang: nyang: myo, myang lo lho: Mangso da" jeju" ri coung" zoore" Yesu da" thang: moo cang lo. Hau: da" khyoo: ri myang da" byu phung: yi: gi Mangso da" jeju" ri dangain" mo, coung" nghei nyid boem.

LUKA 4:36

Byu dangain" mo, gi yu" mau" wigi He: youg da" amyeing" a: na: thui: gi ce: noem nghoid nyid lha". Nyang: gi agyeing" ashang: da" yu ri lang" thu' loo" wa shid' re" yoem: zeing so' moo" yo"- amyeing" khyo, lho: yu joem gi thu' loo" goo" nhung: lha!- ga: nyang: cang" nyang: tid go" nyid boem.

LUKA 5:26

Byu dangain" mo, gi soo" soo" gyoug dain yu" mau" boem wigi Mau" pho" moo" khid" nyid ngoonu" myang bye ga: tid go" lho: Mangso ri coung" byid: boem.

LUKA 5:9

Simun yo" bo ri" bang: dangain" mo gi nyangnu" shau" du" yu da" ngoo: ri myang lho: dazheung: moug go" nyid lo.

LUKA 8:25

Houg: lang" nyang: gi Nanu" loem" jeing" nheigloem: gi khare"- ga: cangzoo: yi ri myed. Nghoidloug we' nyangnu" nyang: gi gyoug mau" zoore"-He: yug gi hang" nghoid lug lha"- lid yo" being: mhoid we' nyang: amyeing" byid: lang" gi tam" gyoo: nhung: lha"» ga: nyang cang nyang- tid boem.

LUKA 9:42

Hau: yug gi nu" ju" re" lo da" uri yu gi nyang: ri myidjang: moo theung lheung: kaid' lho: lang: thain: nain" nyid nhang: Yesu gi akhyeung" da" yu ri amyeing" byid: kaid' lho yug gi nu" ri ge, loo nhang. houg: lang" nya: phoo ri doem ab byid: kaid.

2PETRU 1:16

Ngoonu" da" Aseing Yesu Khristu da" yoem: moo" phung" yoeb yo' ju" re" da" khyoo: nanu" ri si' nhang: wa da" shid re" ngoonu" gi byu yi koid: zheung" koid to" da" moomyed: ri ayang: koid khyoo: akoid boem loo. Ngoonu" nya: myu, jid" yo' nyang:- nya: da" gyi: sheung reung: da" khyoo: ri nyang:- shau" myang boem bye.