LUKA 8:8 - Lacid Common Language Bible

⁸ Myoug shi" dayham" gi myidjang: gi moo gyoo" lo" wigi agam youg gyi: lo lho: dashoo: zhang ashi" myoo lo ga: wigi tid kyo. Hau: thang: ri Yesu gi nukhyab dab mo gi gyo: yu ge" ga: tid.

LUKA 8:8 교차 참조

APOEM AYANG: 26:12

Isag gi hau: mung" moo yoo koid wigi hau: zain moo azhang dashoo: yo" yham" zheing" yu bye:. Khasu" wim ga: ri Aseing gi nyang: ri mainkaid byid: bye:.

DANG: ZHOEM 20:12

Aseing gi ngoonu" ri yo" myang yu wa da" myojid" yo' gyo: yu wa da" nukhyab byid: to".

DANG: ZHOEM 8:1

Tam" gyoo: ge' phajhi" juyhi: gi zheug yoid nyid se' myid se' soin: khyoo: gi nyang: gung nyang: shoug" gyoo: sho' yoid nyid.

YEREMIA 13:15

Israela byumyu" yi we"- Aseing gi tid too" bye:. Nheigloem: nyhoem: khyo' lho: nya: dang: tam" gyoo: we'.

YEREMIA 25:4

Aseing gi nya: da" dei zoo: Lapi: yiri xo' wigi nanu" jhang nhang: kaid byid: sho' nghoid loug we' nanu" gi anau tam" gyoo: nyeing" atam" gyoo: nghoid ago".

MATHE 11:15

Shoug" gyo: ja: nukhyab' dab mo hang" we' shau" gyoo: goo" baja".

MATHE 13:23

Myidjang: gi moo sain" khyo da" myoug: shi" gi mungdang: tarha" ri shau" gyo: lho: hau: ziri se' gyoo: su: yo" du nyid. Nyangnu" mo dayham" gi azhang dashoo:- dayham" gi azhang khyug xi:- dayham" gi azhang soem" xi:- myo: je lo da" ashi" ri yo" zei:» ga: tid.

MARKU 4:20

Nghoid loug we' gootu: dayham" gi myid gi moo sain" kaid da" myoug: shi": yo' du nyid ago". Nyangnu" gi hau: mungdang: ri shaug" gyoo: lang" kham: yu lho: dayham" soem: xi: zhang - dayham" khyug xi" zhang- dayham" gi dashoo: zhang ashi" zei: lo boem.

MARKU 4:23

Nookhyab dab mo, gi tam" gyoo: ge,. baja"- ga: tid.

MARKU 4:8

Nghoid loug we' myoug: shi" dayham" gi myidjang: ge jang" moo gyo" lo" lho: houg: gi youg gyi: lo wigi ashi" zei: lo ago"- dayham" soem: xi: zhang- dayham" khyug xi: zhang- dayham" gi dashoo: zhang myo; tham: lo ago".

MARKU 7:16

Shoug" gyo: ja: nakhyab dab, mo, gi tam" gyoo: ge'.

LUKA 14:35

Hau: xoo" gi myidjang: shid' re" nghoid loug we'' jen" kaid wa shid' re" nghoid loug we' ce" akyu" we' aboo loo. Houg: yoomo hau: xoo" ri byu yi gi she: lhei" pyam se' nyid. Houg: su" wigi Nukhyab dab, mo, gi gyo: yu ge" ga: tid.

LUKA 8:15

Jen" bo da" myidjang: gi moo gyoo" lo" da" amyoug koem gi Mungdang: ri shaug" gyoo: lang" tam" gyoo: nau da" nheigloem: yo"- geing: geing: teing teing kham: yu loem" jeing" wigi Ashi" zei: loo sho' koid: da" byu yi ri tid nau da" zi nghoid.

LUKA 8:7

Myoug shi" dayham" gi Zu: kyen byab moo gyoo" lo. Zu: gam joem gi myoug gam nu" joem ri foeb said pyam.

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

Pang Shug 13:9

Nukhyab, dab, mo, gi shaug" gyoo: goo" baja".

Pang Shug 2:11

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja"- oung: doidloo mo, gi eig lheing: shid: da" jam joug shau" loo wa zi anghoid.

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.

Pang Shug 3:13

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

Pang Shug 3:6

Venyi gi phung yi ri khasu" ga: tid nyid zigi nukhyab' dab, mo, gi gyo: yu goo" baja".